غدر قاتل ( روايات ليبية )

حلقة 1 🔥

#الغدر_القاتل
#منى_المجبري
مقدمه+part1

#تفاعل_ضروري_رواية_نار🔥

الغدر مرات يجيك من اقرب الناس ليك مرات يتسبب في قتل روحك او قلبك او ضميرك ...الخ، بس المهم هل نقدر نقلبه ايجابي على حياتي او ه يكون ثأثيره سلبي؟

"بسم الله الرحمن الرحيم"

صفاء... شفت للمستشفي ونضت نعيط ونخبط طبيعي زي اي وحده فاقده عقلها بس جن الممرضات وحسيت باالابره لمست جلد يدي وبديت نهدى بشويا شويا ونذكر شن الى وصلني للحال هضا 🔥
________________________
"نردو للماضي شويا"

صفاء... فتحت عيوني من النوم وابتسمت ك العاده ، انا صفاء مواليد 1979 متخرجة من الاقتصاد ،موصفاتي شعري طويل لونه اسود عيوني اكبار لونهن اسود ملامحي طفوليه قصيرونه وبشرتي بيضاء، كنت على علاقه 5 اسنين مع حمزه واليوم اخيرا فرحنا، نضت من السرير ونا حاسه بِ شعور مختلف بين الخوف والحب والفرح وو، خشيت للحمام غسلت وجي وصليت الصبح وطلعت لِ ماما

حسناء: صباح الورد على عروستنا
صفاء "بِاحراج": صباح الورد ماما
حسناء: قعمزي افطري
صفاء: لا صحتين معندش نيه
ريناد(اختها): هههههه شوره خناق العرايس
صفاء: اسكتي انتِ خيرلك راه
ريناد: به به

_ قطع كلامهم صوت رن فون" ريناد" شافت لِفونها بِاابتسامه وناضت من الصفره وخشت لِدارها

(ريناد"مواليد 1987 تقرا تقنية معلومات الاخت الوحيدة لِ صفاء، طويله بشرتها برونزيه عيونها اكبار على الون الآسود وشعرها قصير على اللون الاسود ورقيقه")

حسناء: زعما من رن عليها
صفاء: اكيد وحده من صحباتها
حسناء: به هي نوضي خوك جايك وتي روحك بيش تمشي للكوافير
صفاء: واتيه غير مزال انتصار جايه في الطريق ماشيه معايا
حسناء:به ربي يكتبلكم الى فيها الخير
صفاء: إن شاءالله

_ ناضت "صفاء "من جنب امها ومشت لِدار "ريناد" وقفت على الباب وسمعت كلام شلها

ريناد: نحبك وأخيرا
شخص..
ريناد: حاضر حبيبي باي توا خير مايجي رواد يشوفك
شخص...

_ كانت "صفاء "تسمع في صوت" ريناد" بس الشخص صوته بعيد ومقدرتش تفهم كلامه من البعد ، فتحت الباب ويديها يرعشن ونقزت "ريناد "بِصدمه

صفاء" بِخوف": مع من كنتي تحكي مع مننن
ريناد "بِهدوء": واحد نحبه
صفاء: تعرفي لو يعرف رواد يشنققك انا درت علاقه لما كان مسافر بس صدقيني لو يعرف يعدمك
ريناد "بِضحكه": ميهمنش حد الى يهمني هوا وحبه وبس
صفاء "بِحيره" : من هوا شن اسمه ولد من
ريناد" بِأرتباك": توا مع الايام تعرفيه

_ قطع كلامهم صوت" انتصار "وهيا تنادي على صفاء، تنهدت" صفاء" بِصبر وطلعت

انتصار "بِحب": هلا بقلبي واخيرا ه نقعد صاحبت العروسه
صفاء "بِضحكه": عقبال مانفرح بيك يارب
انتصار: إن شاءالله هيا توا اطلعي رواد شفته برا يراجي فينا
صفاء: هيا حبي

_ طلعن البنات وركبن مع "رواد" ومشن للمزين
___________________________
_ تنهدت' ريناد "بِحقد ورنة على الشخص المجهول بالنسبه لنا ولِصفاء،

الشخص: ههههه شكلك مسرع ماريفتيلي
ريناد "بِغيره": خايفه تأخذك مني
الشخص: انتِ حبك ساكن فيا بس هيا عشمتها منقدرش نسيبها
ريناد : به به توا نشوفو نهايتها لازم طلقها وتأخذني
الشخص: اكيد حبيبتي توا خليني انظم اموري عرسي اليوم عاد بكرا نحكو
ريناد : يارب تموت يارب وتقعد انت ليا
الشخص: ههههه باي حبي توا
ريناد "بِحقد": اسمع
الشخص: نعم
ريناد: امتى نهربو الى اتفقنا عليه
الشخص: مش وقته توا سلام

_ سكر الخط وتنهدت" ريناد" بِقهر ونزلن دموعها وزادت الكارهييهه في قلبها🔥
_________________________
"تسريع الاحداث"
_ وصلن البنات للمزين، وكملت" صفاء" الميك اب والشعر ولبست الفيلو وصبت قدام المرايا تشوف لِروحها بِسعاده كانت طالعه زي بياض الثلج بجمالها الجذاب

انتصار: الله أكبر الله أكبر غزاله ياعوينه حمزه بيك
صفاء: هههههه ريحينا
انتصار: اهو فونك يرن شكله رواد جاء
صفاء" بِارتباك": لبسيني الكاب
انتصار: ابتسمي ماترتبكيش بس
صفاء: حاضر حاضر

_ طلعن ووخذاهن" رواد" وحطهن في الصاله ، خشت صفاء على اغنيه اسماء الله الحسني وكانت زي الملاك ولفتت انظار الحظور💖

صفاء بِأستغراب: وين ريناد
حسناء: قالت شوي ونجي رواد تأخر عليها
صفاء: اها
حسناء: حمزه قريب يجي قالو
صفاء: ميك اب مسقم ولا وبخولي من العطر الى في شنطتي
انتصار: تهبلي غزاله ،هي هي توا نجيبه
حسناء "بِتأثر": ربي يسعدك يابنتي ويوفقك ويطلع راجل يارب
صفاء" بِحب": يارب يارب متخفيش راجل ياماما

_ ابتسمت" حسناء،" وجت" انتصار "ومعاها العطر بخت لِصفاء، ونزلو من المسرح لان العريس وصل💖 رفع الطرحه وباس راص "صفاء "

حمزه" بِاابتسامه": صفصف نحبك ياحلالي
صفاء" بِحشم": ربي يخليك ليا
حمزه "بِضحكه": هي ابتسمي المصوره تبي تصور

_ ابتسمت" صفاء "بِراحه وقربت اكثر من" حمزه "وبدو يديرو في لقطات عشان المصوره والكل منسجم معاهم بس قطع الانسجام خشت" ريناد "وهيا لابسه فستان ابيض امبوج وكله فصوص ورافعه شعرها وميك اب عرايس وبدأ همس الناس وكلامهم ، قربت عليهم وفتحت "صفاء "عيونها على وسعهن من الصدمه سلمت على" صفاء" وسلمت على حمزه وخشت بينهم و..

يتبع....
#بقلم_منى_المجبري

اول بارت قصير بس على حسب تفاعلكم لو عجبتكم الرواية ووصلت ل 200 تعليق ه نزل البارت الثاني، متنسوش ديرو دعوه للاصدقاء💖

يتبع...
ب قلم : #منى_المجبري
ومسموح ب نقل الروايه ب وجود اسمي❤
متابعه للايميل منى المجبري او روايات واقتباسات منى المجبري بالفحى والعامية او واتباد munaalmajbry ، .،❤بقق لووف ليكم