غدر قاتل ( روايات ليبية )

حلقة 3 🔥

#الغدر_القاتل
#منى_المجبري
#Part3
(حقيقه ممزوجه بالخيال)
#لايك_تعليق
________________________
_ ناضت" صفاء "ومشت لِدار "ريناد "بس وقفت قدام باب الدار وقعدت تعيط وتنادي" لِحمزه" و"حسناء"
، جوها وهما مصدومين من منظر" ريناد "المطوحه

حسناء" بِعياط": حي عليا بنتي حي
صفاء" بِدموع": حمزه شيلها للمستشفي
حمزه" بِارتباك": وين رواد
حسناء: طلع شيلها بالله عليك راه يصيرلها حاجه

_ قرب" حمزه" من" ريناد" وهوا مرتبك رفعها، كانت لابسه توته راسمه تفاصيل جسمها وشعرها مطلوق ودمعه على خدها، سرح" حمزه "فيها بِحزن على وضعها

صفاء "بِعياط": وقت تشوفلها توا ارفعها بسرعه
حمزه: هي طالع تعالى معايا
حسناء: حتى انا ماشيه معاكم
صفاء: لا ماما خليك مرات حد يجي ومفتاح واحد للحوش اطمني نبضها كويس مش ه نطولو
حسناء بِخوف: به ربي معاكم

_ طلع "حمزه "وفي يده "ريناد "ووراه صفاء وركبو للسياره وانطلق حمزه بِاقصي سرعة للمستشفي

________________________
_ مسكت" حسناء" الفون ورنت على" رواد "اكثر من مره وفي الرنة الخامسة رد

رواد: الو
حسناء "بِدموع": رواد اختفت فقدت الوعي وطاحت
رواد بِخوف: هي هي جاي
حسناء: لا متجيش كمل واجبك واوقف في عزاء صاحبك، حمزه وصفاء كانو هنا وشالوها للمستشفي
رواد "بِضيق": حمزه شالها؟
حسناء: اها نقولك فقدت الوعي
رواد بِهدوء: به بعد تروح طمنيني أنا لازم نبات غادي اليوم
حسناء: إن شاءالله رد بالك على روحك
رواد : حاضر

_ سكرت "حسناء "الخط وردت تفكر في بنتها 🔥
_________________________
_ فتحت" ريناد" اعيونها من بعد ابرة المهدى الى ضربوها لها وردت تبكي وتعيط بِأسم "زكريا "

صفاء" بِدموع": من زكريا
حمزه: افهمي منها وهديها راه يجي رواد على غفله يقتلها
صفاء" بِخوف": اسسس نوضي افطني لِروحك من زكريا
ريناد" بِهستيريا": حبيبي ولد جيرانا زمان زكريا نحبه من زمان بس امه ضغطت عليه وازوج وكان مواعدني يخطبني بس قالى منقدرش نرخي بيها هوا ازوجها وقالى بعد فتره ناخذك بس دار حادث يوم فرحه وتوا ماتتت سيبني
صفاء "بحزن": حبيبيتي هوا يعتبر خاين لان يكذب عليك لو يبيك راه خذاك من البدايه وادعيله الميت ماتزوج عليه إلا الرحمه ومعش تقولى اسمه لو يسمعك رواد يشنقق ولا يدفنك وانتِ حيهه
ريناد "بِدموع": نبيه كيف نعيش بلاه كيف

_ صفاء... وجعتني ريناد بس كرهت انانيتها كانت تبي تزوج واحد متزوج بس ربي خذاه، ممكن تفكر هكي لان مزالت صغيره و مش فاهمه حضنتها بِ هدوء حولت نهديها، قعدت معاها لين غفت

صفاء: حمزه خليك جنبها انا طالعه للدكتوره نستفسر على شوية تفاصيل منها
حمزه : به

_ طلعت "صفاء" وقعمز" حمزه" على السرير جنب "ريناد" ، كانت راقده بس ناضت فجأه وعيونها يلمعو معبيات دمعوع ونزلن على خدودها وقعد خشمها حمر وخدودها وشكلها زي الطفل