#الغدر_القاتل
#بقلم_منى_المجبري
#part2
تفاعل ضروري ودعوة الاصدقاء بيش يزيد تفاعل القروب💖وصلوها200 تعليق🔥
______________________
_ ابتسمت" صفاء "بِراحة وقربت اكثر من" حمزه "وبدو يديرو في لقطات عشان المصوره والكل منسجم معاهم بس قطع الانسجام خشت" ريناد "وهيا لابسه فستان ابيض امبوج وكله فصوص ورافعه شعرها وميك اب عرايس وبدأ همس الناس وكلامهم ، قربت عليهم وفتحت "صفاء "عيونها على وسعهن من الصدمه سلمت على" صفاء" وسلمت على حمزه وخشت بينهم
ريناد "بِابتسامه": صورينا مع بعضنا
المصوره: تمام ممكن تقرب منها يا عريس وانتِ كذالك ياعروس
_ صفاء... قربت ونا منجمطه ولقيت حمزه مقرب وجوه تمام حسيت للحظه ان فرحان بقربها استغفرت الله وتعوذت من الشيطان ومسكت في يده ابتسملي صورتنا المصوره وطلعت انا وحمزه وريناد معانا لِآخر لحظة
حسناء "بِدموع": رد بالك منها
حمزه: متخفش في اعيوني يا عمتي
صفاء "ودمعتها في رموشها": متبكش يا ماما توا كم يوم ونجيكم
حسناء: ربي يهنيكم يارب
_ طلعت "صفاء" ومعاها حمزه وهوا يرفعلها في الفيلو واكتفت "ريناد" بِنظراتها الغريبه وبس
________________________
_وصلو للحوش(العرسان)
حمزه" بِضحكه": خشي بِرجلك اليمين ههههه
صفاء" بِأرتباك": هههههه حاضر
حمزه: هاتي يدك نخشو مع بعضنا
_صفاء..مديت يدي بِأرتباك وخشينا مع بعضنا، حاول حمزه ينكت ويضحكني لين تريحت ونضنا صلينا مع بعضنا وتعشينا وبدت حياتنا الجديده💖
"نخلو العرسان في حالهم شويا🙊💖"
___________________________
رواد "بِأستغراب": نموت ونعرف عليش النكد والبكاء بس
حسناء:فقدت اختك واعره راه
رواد : هههههه تي زوجتيها افرحي مش تقعدي تبكي هكي مايصرلهش خير راه ادعي ربي يعقد عسلهم ونقعد انا خال وانتِ جده
حسناء" بِاقتناع": إن شاءالله يارب بنتي مانودلها إلا كل خير
رواد: اليوم فرح جارنا زكريا لكن مقدرتش نمشي عشان صفاء
حسناء: احسن من زمان نقولك فكنا من خلطته ه الشلتوت
رواد: مهما كان جاري من الصغر راه ومعدنه طيب غير الحياة غيراته
_ قطع كلام" رواد" صوت رنة فونه ناض وطلع من الصاله بيش يرد
حسناء: كنك تبحتي فيا هكي تعالي اضربي
ريناد" بِقهر": مش قصدي بس كنك مع الراجل عليش تكرههيه هكي
حسناء: وانتِ شن دخلك بالرجاله يا قليلت الادب
ريناد "بِخوف": مدخنيش فيه غير حرام نحكو على الناس هكي
حسناء: نعرف الحرام انا متعلمينيش غير علمي روحك الفضيحة الى درتيها اليوم معقولة لابسه قفطان ابيض ورافعه شعرك تحسابي روحك العروسة
ريناد" بتلكلك" : مش قصدي بس هضا القفطان الى لقيت محد شايفه
حسناء: عارفتك حقوده تول نزوجك كان تبي بس اختك شن ذنبها
ريناد" بِدموع": خلاص يا ماما خلاص
أنت تقرأ
غدر قاتل ( روايات ليبية )
Mystery / Thrillerغدر قاتل هي رواية للكاتبة : منى المجبري تجمع فيها الإثارة وتشويق والغموض . . . تفاعلوا 🔥
