#الغدر_القاتل
#بقلم:#منى_المجبري
#PART4
______________________
صفاء: حمزه ليش ماتصليش مش انت قايلي انك تصلي؟ لاحظتها فيك من اول ماتزوجنا
_ ناض "حمزه "وقرب من صفاء وعيونه شرر نار
حمزه" بِعياط": شن مش عاجبككك من انتِ بيش تعلمني الصح من الخطأ نصلى ولا مانصلش حاجه تخصني تبي تنحرقي معايا انتِ
صفاء" بِصدمه": كنك تحكي هكي وطي صوتك وناقشني بِهدوء انت راجلى ونخ...
_ مكملتش "صفاء" كلامها لان "حمزه "ضربها كارشو وطاحت على الارض تبكي وتنزف!🔥
حمزه "بصدمه": ص صفاء نوضي شن درت انا
_ رفعها" حمزه" ويديه يرعشن وناده على" ريناد"
ريناد "بخوف": كنها
حمزه : طاحت وقعدت تنزف طالع بيها للمستشفي انا
ريناد: اصبر نحط عبايتي ونلحقك
_ لبست" ريناد" وطلعو للمستشفي
_________________________
_ حمزه... معرفتش كيف مديت يدي عليها اول مره نضرب وليه حتى خواتي مانمدش في يدي عليهن استغربت من روحي ، جبتها للمستشفي خششوها للكشف وقعدت انا وريناد نراجو برا وبعد ربع ساعه تقريبا طلع الدكتور
حمزه" بِأرتباك": شن صار يا دكتور
الدكتور: شكلها الخبطه قويه لين اثرت على الجنين
حمزه" بِصدمه" : جنين؟
الدكتور: مراتك حامل وقريب تسكر الشهر الأول بس ضربنالها ابرة مثبت وان شاءالله خير
حمزه" بِصدمه": إن شاءالله
الدكتور: تقدرو تشوفوها لو تبو هيا كويسه توا
_ طلع الدكتور و"حمزه "مزال تحت تأثير الصدمه 🔥
ريناد : حمزه هيا نخشو
حمزه بهيام: هيا
_ ريناد... حسيت بالقهر لما عرفت بِحمل صفاء شفت لِحمزه لقيته شارد حولت نلفت نظره بس ماشفليش فَ اضطريت نقوله نخشو نشوفوها فتحنا الباب وخشينا ولقيت صفاء تبكي حضنتني وزادت في بكاها واستكردت حمزه وكأنه مش موجود🔥
ريناد: حمدالله على سلامتك ومبروك الحمل
صفاء" بدموع": خايفه يموت منبش نخسر اولدي نبيه انا
حمزه "بِتأثر واحساس بالذنب": صفاء وحدي الله بأذن الله مايصيرله شئ
_ التفتت "صفاء "وشفتله بِكره وماردتش على كلامه
صفاء: كلميلي ماما محتاجتها انا
ريناد: اهو توا بعتلها مسج
حمزه" بِقهر": طالع انا نجيبلك شوية حاجات
_ طلع" حمزه" و"صفاء" التزمت بالسكوت🔥
______________________
_ طلع" رواد" من الدار وقعمز جنب "حسناء "
رواد : امتي مروحه ريناد
حسناء: والله مانعلم شكلها تعودت على صفاء
رواد: مهما كان ميصرش هكي صفاء وراجلها عرسان وهيا مقلله راحتهم
حسناء: به ماعليك توا نرن عليها تروح
رواد: تمام
أنت تقرأ
غدر قاتل ( روايات ليبية )
Mystery / Thrillerغدر قاتل هي رواية للكاتبة : منى المجبري تجمع فيها الإثارة وتشويق والغموض . . . تفاعلوا 🔥
