غدر قاتل ( روايات ليبية )

حلقة 7 ( النهاية ) 🔥

#الغدر_القاتل
#بقلم_منى_المجبري
#PART_7_الاخير
(حقيقه ممزوجه بالخيال)
______________________
_ لبست" صفاء "عبايتها "وحمزه "مسندها وخلت" سند" مع "ريناد "وطلعت🔥 وريناد تشوفلهم بقهرر شدت سند وقالتله:

ريناد "بغل": ه تعيش في جحيم وعد
سند : وووع ووووع وو
ريناد بِملل: اسسس اسكت توا تجي امك اف يبي رضاعه

_ عطاته ريناد الرضاعه وهيا مضايقه منه
_____________________
"في المستشفي"

_ صفاء.... مشينا للمستشفي ودرت تحاليل وقعدنا نراجو حسيت حمزه مش طبيعي حتى قعميز جنبي ماقعمزش بعد ساعه تقريبا طلعن تحاليل

الدكتورة: الف مبروك
حمزه بستغراب: خير ان شاءالله
الدكتورة: المدام حامل
حمزه بفرحه: الحمدالله الحمدالله شكرا تعبناك

_ ابتسمت الدكتورة ومشت اما صفاء دموعها نزلن بغصه

حمزه بصدمه: كنك شن في عليش تبكي
صفاء بدموع: حرام الى في بطني حرام سند مزال مادلعتش مزال صغير كيف نبي نعدل بينهم توا ياربي
حمزه بضحكه: هبله انتِ احمدي ربك ونا قاعد نساعدك
صفاء بهدوء: الحمد الله
حمزه: هي نروحو سند اكيد يبيك
صفاء: يا روحي قلبي ملهوف عليه هي وربي يعاوني

_ صفاء.... انا مش معترضه على أمر الله بس كان مخططي بعد 5 اسنين نحمل لان منبش سند يحس بنقص نبي نربيه احسن تربيه وان شاءالله نقدر نعدل بينهم شعوري متلخبط بين فرح وخوف ❤طلعنا من مستشفي وروحنا للشقه خشيت حضنت سند ورضعته

ريناد : شن طلع عندك
صفاء: حامل
ريناد بصدمه: شنننننن
صفاء بستغراب: كيف شن انا حامل
ريناد بِارتباك: ها لا بس قصدي ولدك صغير شن تبي في الحمل توا
صفاء: عارفه لكن نصيب ربي كاتب هك
ريناد بضيق: به تصبحي نعسانه
صفاء: ليلتك سعيده

_ طلعت صفاء قابلت حمزه بس كأن ماشفهش وخش لصفاء وولعت النار فيها🔥
__________________________
" ثاني يوم "
_ رفعت ريناد سفرة الفطور ، وخذت صفاء سند ورضعاته

حمزه: تمشي لِ امك اليوم
صفاء: اها شيلنا توا مدامك عندك شغل حطنا واطلع لشغلك
حمزه: تمام وتن ارواحكن على ماسخنت السيارة

_ خذت صفاء حجات سند ووتت روحها وكذالك ريناد وطلعن ركبن للسياره ومن السياره لحوش هلهن🔥

___________________
_ خبط الباب ناضت حسناء فتحت ولقتهن بناتها خشن وطلع حمزه لعمله

حسناء: فطرتن ولالا
ريناد: لا فطرنا
حسناء: كنه جوك اصفر يا صفاء
صفاء بِغصه: طلعت حامل
حسناء: مبروك مبروك وعليش زعلانه
صفاء: خايفه نقصر مع سند
حسناء: لا هكي خير ياهبله بيش تجيبيهم ورا بعضهم وتكبريهم وتريحي
صفاء: إن شاءالله
__________________________
" تسريع الاحداث"
"بعد مرور 8 شهور "

_ كانت صفاء بايته عند هلها من اسبوع لانها تاعبه وسند متعبها ، ناضت في الصبح لقت امها في المطبخ