غدر قاتل ( روايات ليبية )

حلقة 6 🔥

#الغدر_القاتل
#بقلم_منى_المجبري
#PART6
___________________
خذت" سوسن "وكملت هيا ، خشت "صفاء" غيرت دبش الحوسه وقعمزت تاخذ راحه شويا بس لفت نظرها فون حمزه المفتوح 🔥وقربت وشداته بس فجأه انفتح الباب ! خش "حمزه" وكر التلفون من يدها

حمزه" بعياط": تي ليش تقربي فيه يا ....
صفاء "بصدمه": م مقربتش انا بس س
حمزه: اسسسسس معش نبي نسمع صوتك وآخر مره تقربي من حاجه تخصني

_ صفاء.. انصدمت سبني بكل برود وخذاه التلفون وطلع قعمزت على السرير ونا مفيش جهد نصبي ودموعي نزلن قطع عليا صوت رن المسنجرر وكانت ماما تنهدت وفتحت الخط

حسناء: السلام عليكم
صفاء" بغصه": وعليكم السلام كيف حالك ماما
حسناء: بخير الحمدالله رايفت عليك والله
صفاء: حتى انا رايفت على حضنك مزال 3 شهور ونجيك بأذن الله
حسناء: هانت ربي يصبرنا كيف حال راجلك
صفاء بقهر: الحمدالله كويس كيف حال ريناد ورواد
حسناء: قاعدين بخير كيف حال الحمل معاك متعبك
صفاء: لا جو تمام
حسناء: به منعطلكش قلت نرن نطمن عليك في حفظ الله
صفاء: مع سلامه

_ سكرت "صفاء "الخط وحضنت بطنها وصبرت روحهاو ناضت غسلت وجهها وطلعت
______________________
سوسن: هيا سلم وخيي
حمزه : متبيش تسكتي انتِ
رغد: صاح من اول ماجيت ماطلعتنش
سوسن: حتي مراتك حرام نطلعوها معانا
انتصار: بطلن هرجه وخلن خوكن يتريح
صفاء: السلام عليكم
الكل : وعليكم السلام
حمزه: به هي بدلن على السريع
صفاء "بستغراب": وين ماشين
حمزه" بقلبت وجهه": نبي نطلعكم تبي تطلعي امشي غيري متبيش براحتك
صفاء "بقهر واحراج": لالا نبي نمشي مطلعتش من اول ماجيت
حمزه: نازل انا الحقني ماطولنش

_ خشن البنات غيرن على السريع ونزلن و"صفاء" استغلت الفرصه انها تطلع ، كانت ماشيه جنب" حمزه" قعمزو في مكان كله شجر ومنظره خلاب

سوسن: نحنا بنتمشو توا نجو
حمزه: ماتبعدنش من هنا
سوسن: به تعالى معانا صفاء
رغد : لالا وين تجي وهيا بطنها قدامها فكيني من مشاكل مرات طيح ولا حاجه
صفاء بخوف: صاح عدن انا قاعده مع حمزه

_ مشن البنات وشافت "صفاء لحمزه" الى كاين شارد في الطبيعه بعيونه

صفاء "بحب" : ليش دير فيا هكي ليش
حمزه التفت عليها: شن قصدك
صفاء" بهدوء": ليش تعامل فيا بجفاء وتهزب ومعش تحبني زي زمان قصرت معاك في حاجه انا
حمزه" بغموض": لالا غير نفسيتي تعبانه شويا وانتِ من اول ماحملتي رايحه متحسسه تحسسي من كل شئ
صفاء بغصه: ممكن

_ صفاء .... زمطت ريقي وسكتت طلع العيب فيا، بعد ربع ساعه رددن البنات نضنا تمشينا مع بعضنا وتعشينا في مطعم وروحنا رقدت طول من التعب وحمزه ك العاده سيبته ساهر على التلفون 🔥

_______________________
"تسريع الاحداث"
" بعد مرور 3 شهور "

_ ناضت" صفاء "تبكي واعت "حمزه" وطلع ييها للمستشفي حست بألم قوي خشو بيها للكشف وطلع موعد ولادتها خشوها لغرفة الولاده وبعد معناه وصارلها تمزق وتعبت جابت ولد في "6.6.2000"
سموه "سند "