نوفيلا وجع روح ( مقتبسه من قصه حقيقة )

part 2

روح خلصت الدرس ورجعت البيت قالت لمامتها 
أيمان باستغراب : بس خالتك قالتلى انها غابت النهارده ...شكلك روحتى لحد تانى ..خلاص متروحيش تانى وانا هكلم خالتك  تشوف عنوان ميس بتاعتها فين بالظبط

روح بتلقائية : لا لا انا عجبانى دى يا ماما هكمل معاها
ايمان :ماشى خلاص اللى انتى عايزه

روح دخلت اوضتها واستغربت معقول عملت كده عشان تشوفه تانى !!!!!

Back
روح بتعيط ....وفى نفس لحظه سيف افتكر برضه
وكأن القدر حاكم عليهم يتوجعوا مع بعض
روح محستش بنفسها غير وهى ماسكة تليفونها ودخلت على صفحته على الفيس بوك
وفضلت تقرأ  كلامه وأشعاره ...قلبها خانها ودخلت تكلمه
روح : اتبسطت انى شوفتك ياسيف اووى
سيف انا حاسة انك مش مبسوط مع أن مروة انت عارفها من بدرى يمكن قبلى انا كمان ...بس حاسه انى فى جفا غريب

سيف شاف رسالتها وقلبه دق جامد : كنت مستنى الرسالة دى ..اى نعم جت متأخر بس كنت عارف انها جاية  أكيد

روح : بس ده مش رد على سؤالى
سيف : ههه عارف ...انا كويس بس مش مبسوط ..برغم ان مروة عارفها من بدرى الا انى لسه مش عارف اخد عليها ...انتى لسه قدامى ياروح معرفتش اخرج منك ولا انتى تخرجى منى

روح : طيب و مروة ؟؟؟ اكيد زعلانة

سيف : انا قولتلها قبل كده قبل ما تدخل حياتى ...انى ملك لروح وبس وهى صممت عليا ....قولتلها هبقى ضعيف قصادها...لو روح جتلى فى يوم من الايام هرجعلها على طول ..مش هقدر اقفل بابها ابدا ...تصدقى قالتلى موافقة

روح : حاول تفهمها يا سيف وتعيش حياتك

سيف : محمد  ! كويس معاكى

روح : اه كويس

سيف : كدابة يا روح ...كل لما نتقابل صدفة اشوف فى عينك حزن غريب

روح : الحمدالله ياسيف

سيف : انتى كمان حاولى معاه تانى
روح :حاضر
سيف :هتكلمينى تانى ؟

روح : اكيد ...سلام

............
روح فضلت قاعدة على سرير وافتكرت مشاكلها مع محمد

Flashback
محمد : انا متغيرتش ياروح  ...انتى بقيتى أم ...المفروض تفهمى وتكونى عارفه  ان الجو ده راحت عليه

روح : جو ده راحت عليه !! انت بتتكلم بجد يا محمد ...راحت على ايه يا محمد ..عشان بقولك اهتم بيا ...حبنى ...شوفنى حلوة فى عينك ...قولى كلمة حلوة فى مرة

محمد : انتى كمان اتغيرتى ...شكلك اتغير مبقتش شايفك زى ايام الخطوبة

روح بتهكم : اه فعلا ماشى يامحمد 

Back

روح حبت  تروح لمحمد البيت تغير المود شوية معاه تحاول معاه تانى

روح دخلت حضرت العشا واستنيته

محمد دخل شافها : رجعتوا امتى ؟
روح بهدوء : النهاردة يا حبيبى ....استنى احضرلك العشا

روح حضرت العشا و بعد الأكل قعدوا قدام التلفزيون

محمد بتلقائيه : تعرفى انى كان نفسى اتجوز بنت بيضا و عينها ملونة

روح قلبها وجعها لتانى مرة يقولها بصيغه غير مباشره انها مش حلوة فى نظره

روح : اممممم ...هو انا وحشة يا محمد

محمد :لا مش قصدى ...بس انتى تختنى شوية بعد جواز وحاسس اهتمامك بنفسك قل

《《ملاحظه...روح بعد الولادة خست ..وبتهتم بشكلها جدا ولابسها ...وهى زى ماهى متغيرتش 》》

روح : تعرف انك الوحيد اللى بيقولى كده ...ده كله بيقولى مش باين عليكى الجواز اصلا

محمد بتلقائيه : مجاملة

روح سكت وانسحبت : انا هروح أنام
محمد :ماااشى
...........

فى صباح يوم جديد  محمد نزل على شغله كالعادة

و روح فضلت قاعدة تتفرج على تليفزيون لغاية لما اغنيه  تامر حسن اشتغلت ..قرب كمان  من قلبى وحس بيا 🎶🎶

Falsh back 2010

روح فضلت مكملة فى الدرس
سيف كان بيحاول يتكلم معاها بس هى مطنشها خالص

كل مره يدخل يخبط فى رجلها ويعتذر منها عشان بس تتكلم معاه

الميس : يلا يا سيف عليك الدور فى التسميع

سيف عمل نفسه نسى كلمة
وبص ناحية روح بنظرة رجاء تغششه
روح محستش بنفسها غير وهى بتقوله وبتحرك بؤها بالإجابة
سيف بعد الدرس : شكرا اووى
روح باختصار: العفو
وسبته ومشيت

و المجموعة اتفقت ياخدوا درس مراجعة فى مادةالحاسب الى

الغريب ان روح مكنتش بتاخد دروس كتير بس وافقت عشان تفضل تشوفه

فى يوم  فى درس الحاسب كانو واخدين بريك

روح اتشجعت : سيف تيجى معايا نجيب حاجه من برة
سيف بترحيب : يلا طبعا 

واتكلموا كتير اوووى اليوم ده
وسيف كان مشغل أغنية وحلم ليه (تامر حسنى ) روح عجبتها الاغنية اووى وخدتها منه

لغاية لما الترم خلص
روح مشفتش سيف تانى بس فضلت تسمع أخباره من صاحبتها وعرفت انه سأل عليها كتير

ظهرت النتيجة وجابت ٩٤ % باباها اشترلها لاب توب

ف قررت تعمل أكونت على الفيس بوك وتدخل تكلمه  ...روح كانت بتحوش مصروفها طول الاسبوع  عشان تشحن فلاشة النت
كان بتتكلم مع سيف يوم واحد بس (الخميس )
من بليل لحد الفجر بدون ملل
سيف : روح هبعتلك رقمى ..عشان لما اكون قافل تكلمنى أفتح
روح : ماشى
ومن هنا بدأت تسمع صوته وبقى يغنيلها فى كل مكالمه بينهم ...قرب كمان من قلبى وحس بيا 🎶🎶🎶

بعد فترة سيف اعترف بحبه ليها وهى كمان 

Back

فضل الحال زى ماهو
مافيش تغير فى علاقة روح ومحمد
ولا علاقة سيف ومروة

.............

ولو فى دنيا مكنتش ليا
لينا حياة بعدين
💔
👈تامر حسنى