روح صاحية مخنوقة اتصلت على ريم
ريم : حبيبى عاملة اية؟
روح : انا الحمدالله وانتى ؟ ...سكتت شوية وقالت وحشتينى ياريم
ريم : وانتى اكتر يا حبيبتى ونفسى اشوفك جدا
روح : اللى يشوفنا يقول اننا أصحاب من سنين
ريم بهزار عشان حست ان روح مخنوقة بس مش عايزة تتكلم : اية يابت ده ما احنا بقلنا ٧ سنين سوا ده انا لو متجوزة مش هكمل مع جوزى المدة دى كلها
روح : ههههه اقصدى اننا اكتر من معرفة كلية كأنى عارفاكى من وانا فى لفه
ريم بهزار : وسعت منك دى ...فاكره اول يوم شوفتك فيه ...كنتى بت رخمة اووى
روح : هههههههه فاكره فاكرة
Flashback 2014
ريم دايما حاسة انها لوحدها وكانت خايفه اووى من اول يوم فى الكلية خصوصا ان صحابها كانوا فى كليات غيرها
ريم داخله من باب الجامعة
لمحت اتنين ولد وبنت كانو لابسين احمر
كان شكلهم حلو
ريم لنفسها : هما حلوين والله ....بس ايه المياصة دى ...انا لسه بقول ياهادى ....دول لحقوا حبوا بعض امتى دول 🤔😒
ريم دخلت حضرت اول محاضرة ليها
شافت هناك البنت اللى لابسه احمر وعرفت انها أسمها روح
روح مكنتش حابة تتعرف على ناس كتير ..كانت مكتفية بسيف جدا ...اه ليها صحاب ...بس مكنتش بتحسهم قريبين منها اووى
ريم كانت حاسه ان روح تنكة فى نفسها
ريم اتعرفت على روح ..واحده واحده دنيا تاخدهم ويتكلموا مع بعض عادى زمايل بس
لغاية لما فى يوم كانوا وراهم محاضرة متأخرة
روح كانت جاية و وشها باين انها معيطة
ريم مقدرتش تشوفها كده وقربت منها وقالت : مالك .... سكتت وملقتش رد ...فقالت مش عايزه اعرف السبب ..بس لو أحتاجتى حاجه انا موجودة....
روح واحده واحده لاقيت نفسها بتحكى حاجات لريم حاجات محكتهاش لحد و لما تعيط ..تعيط فى حضنها
《《 لغاية دلوقتى ...محدش فيهم قدر يوصل للرابط اللى رابطهم ببعض ...كانت روح اول مره تتعرى (شخصيتها ) قدام حد غير سيف......لحد دلوقتى بتقولها ...ربنا لما خد منى سيف ..جتى انتى على طول 》》
Back
ريم قطعت ذكرياتها : بس ايه يابت الشياكه اللى كنتوا فيها دى
روح : عيب عليكى 😂😂
ريم : طيب يلا انا هقفل ...وسكت شويه واتنهدت ...لما تحبى تتكلمى قوليلى
روح فهمت انها حست بيها : حاضر يا حبيبى
............
سيف طول الوقت مع مروة وحاسس بحتة ناقصه جواه
سيف : مروة انتى عارفه ان ده انا وعمرى ماهتغير
مروة : روح هتفضل العائق اللى بينى وبينك ياسيف ارجوك انا تعبت
سيف : انا قولتلك كذا مرة يامروه عشان مظلمكيش قولتلك زمان وهقولك دلوقتى...روح دى بنتى انا اللى مربيها على أيدى ..عمر ما الرابط اللى بينا يتقطع
مروة : انت بتتكلم جد ياسيف
سيف : انتى اللى كنتى فاكرنى بهزر ...قولتك يوم ما ترجع روح مش هقدر اقفل الباب
انا اسف يا مروة ...بس انتى اللى جيتلى وكنتى عارفة انى لسه بحب روح ...منكرش انك وقفتى جنبى فى اصعب فتره فى حياتى
بس صدقنى غصب عنى مش هقدر انساها يا مروة
مروة : بس انا تعبت يا سيف...مش كفاية أسم بنتك اللى صممت عليه وجرحتنى ...وهو انا وحشة طيب ..انا متحبش
سيف سكت شويه : لا يا مروة مش وحشه ..بس غصب عنى افهمى ...سكت ومشى
مروة لنفسها : دة غلطتى انا ...انا حبيتك .وعارفه انك بتحب حد تانى ..مقدرتش ابعد عنك وكلمتك ...قولتلى كل ده ...بس قولتلك مش مهم كفاية وجودك جنبى ....يارتنى بعدت من الاول
.........
روح طول الوقت ذكرياتها مع سيف موجوده حواليها
Flashback
روح وسيف بقوا ٢٤ ساعه بيتكملوا طول الاجازة
لغاية لما دخلوا أولى ثانوى
مكنش حد يعرف عنهم حاجه خالص
بس كان فى واحده ..مبتحبش روح خالص وكانت شاكة انها على علاقة بسيف
هكرت الاكونت بتاعه وعرفت منه
راحت قالت لكل اللى ف مدرسة
الغريب فى الموضوع ان روح مكنش فارق معاه كانت مبسوطة ان الكل عرف سيف ل روح ...و روح ل سيف
سيف فى فترة اولى ثانوى كان محاوط روح بكل اهتمامه
يستنها فى الدرس بتاعها ويجبلها اكل ..يوصلها ..كان فى كل مكان معاه
لغاية لما روح اتنفست وجوده ...مبقتش شايفه غيره
《《《 على كلام الشخصية الحقيقة بتقولى : أولى ثانوى دى أحلى سنة فى حياتى ..من كتر ما كانت مبسوطة فيها 》》》
وعدت سنة كمان و سيف و روح مع بعض دايما
Back
...........
إنتى الزمن مش بيعدى عليكى و لا على حبك
أنا زمنك عندى واقف عند أول مره شوفتك 😍😍
👆👆👆
ده كلام شخصية سيف الحقيقة ل روح
أنت تقرأ
نوفيلا وجع روح ( مقتبسه من قصه حقيقة )
Short Storyكأن البعد سيف قطع قلوبنا العاشقة 💔 كأن كنت ليا دوا لمرض بعانى منه من سنين قدرنا نبعد ..ونتقابل تانى بس الوجع مضروب فى اتنين
