سيف : شرط ايه ؟!
محمد : مراتك وبنتك يوافقوا واسمع الموافقة بنفسى ....اكيد مش هقولك هاتهم معاك و اتقدم ...حرام اكسرها انا كمان ..هتقدر تعمل كده ؟
سيف : ااااااا.....حاضر ياعمى
.........
سيف مشى وكلم روح
سيف : روح
روح : ها يا سيف ؟
سيف : باباكى قالى لازم يسمع ان مروة موافقة بنفسه
روح كأنها كانت ناسيها تماما : مروة !
سيف : ايوه..بس مش هينفع اجاى عليها اكتر من كدة
روح : هتعمل اية ؟
سيف : هى عارفه انى هتجوزك ...بس صعب اقولها خدى كلمى باباه و اضحكى و قولى موافقة
روح : عندك حق ...سيف هى لما عرفت قالت ايه
سيف بتلقائيه : حطى نفسك مكانها و شوفى هتقولى ايه
روح زعلت وضميرها وجعها اكتر : غصب عننا يا سيف ...لو كنا عرفنا نكمل من غير بعض كنا عملناها من بدرى
سيف : عامه خير ان شاء الله ..لما باباكى يفتح معاكى الموضوع ابقى اقنعيه ياروح
روح : حاضر ماشى
.......
سيف دخل بيته
بص على مروة لاقها باهته
سيف : مروة انا ...
مروة بجمود : ايه روحت خلاص اتفقت ..
سيف : مروة انتى كويسة
مروة : كويسة...لو فاكر انى هقولك طلقنى وبتاع ...لا لا ده جو قديم اووى ...انا هطالب بحقى وحق بنتى فيك ..هى لو عجبها تكمل
سيف : انا اصلا مش هطلقك و أرمى بنتى لأى سبب
مروة : هتتجوزها امتى ؟!
سيف : باباها عايز يتأكد انك موافقة
مروة : هههههههههه وانت جاى عشان اكلمه وقوله صح ؟...للدرجه دى شايفنى رخيصة
سيف : لا طبعا مش هخليكى تعملى كدة
مروة : قوله انى موافقة
سيف : بتقولى ايه ؟!
مروة : قوله انى موافقة ..تحب احضر فرحك كمان
سيف : اهد يا مروة
مروة بجمود : انا هادية على فكرة انت اللى مش هادى كلمه وقوله يا سيف
سيف بتلقائيه فرحه : بجد يا مروة
مروة : بجد يا سيف
..........
محمد قعد ما روح وقالها : عرفتى طبعا !
روح بتلعثم : اه
محمد : موافقه تخربى بيته ؟
روح : مسمهاش كده يا بابا ...انا وهو هنتجوز زى ما الشرع قال ...وبعدين انت السبب فى اللى احنا فيه
محمد سكت وقالها : ماشى يا روح ..قوليله يجى الخميس جاى
روح بفرحه : حاضر يا بابا حاضر
........
روح جريت كلمت سيف
روح : بابا وافق يا سيف...يوم الخميس اللى جاى
سيف : بجد يا روح ؟!
روح : بجد يا قلب روح
........
روح اتصلت على ريم
روح : ريم ..اخيرا ربنا كتبلى الفرحه من تانى
ريم : فى اية فرحنى ؟
روح : سيف هيجى لبابا يوم الخميس جاى
ريم :بجد يا روح اخيرا ♥️ مبروك ياحبيبتى ان شاء الله تكمل فرحتك على خير
روح : يااارب يا ريم يااارب ♥️
.......
سيف كان قاعد بيحضر هيتكلم مع يقول
ايه اكيد هيسأل عن شقه وفين المكان
.......
مروة كسرتها كبيرة اووى
قاعدة شايفه جوزها بيحضر لجوازه
ومش بس جواز لا ...ده جواز حب عمره
.......
روح قلقانه على أبنها لو محمد طليقها لو عرف
خصوصا ان بقاله فتره متغير
و بيجى يشوف أدهم كل اسبوع
يعنى أكيد هيعرف ...
روح : ياااارب كلمها على خير يااااارب
........
يوم الخميس
سيف لبس وحضر نفسه وباين على عيونه الفرحه
مروة شافته وبكسرة قالت : خلاص ناويت
سيف : متخافيش يا مروة ..مش هسيبك
مروة بتهكم : عارفة يا سيف عارفة
خرج سيف من شقته وهنا مروة خرجت ضعفها على هيئه صرخه كاتمتها بمخدة ..فضلت تصرخ وتعيط ..مش عارفه تعمل ايه ولا تقول ايه
لسانها مش بيقول غير يااارب ياااارب يااااارب
........
روح بتحضر نفسها كأن دى اول مرة حد هيتقدم لها نفس توتر ونفس الخجل
مامتها كانت فرحانه وهى شايفها مبسوطه
روح بتكلم ريم على تليفون :لبست ياستى بنطلون جينز وبلوزه بيضا وعليهم طرحه زرقة
ريم : حطى ميكب خفيف خالص ها ..ولو دنيا تمت بخير اتصورى كتير وابعتيلى
روح : حاضر حاضر
.........
سيف كان مدى خلفية لأهله عن موضوع
طبعا الأهل اعترض فى الاول عشان متجوز
بس بعد معاناه قالوا تمام
سيف أخد اخوه الكبير عشان هو عارف القصة من اولها وراح يتقدم ل روح
.........
سيف : اذيك يا عمى ..اخويا الكبير نادر
نادر : اتشرفت بمعرفه حضرتك والله
محمد : اهلا وسهلا
سيف :بصى يا عمى من غير لف و دوران ..انت اكتر حد عارف انى عايز اتجوز روح ...سواء كان زمان ..او دلوقتى
محمد : ومراتك موافقه ؟!
سيف : انا اتكملت معاه و هى موافقه
محمد زعق شويه : يا روووح تعالى يا بابا
روح دخلت وهى مكسوفه اووى
اول لما سيف شافها أبتسم لها قد ايه هى جميلة ومتغيرتش فى عنيه
روح سلمت عليهم وقعدت بتوتر جنب باباها
باباها بص لسيف وقال : اوعى تفكر تبعدها عننا ..ولا عن أبنها
سيف : اكيد يا عمى مش هعمل كده ...دى هتبقى فى عينى هى و أدهم
محمد :على بركه الله ..هتتجوزوا فين
سيف كان محضر كل ده : هأجر شقه ان شاء الله وهجيب عفش جديد
محمد : تمام واحنا برضه هنجيب لها حاجاتها
سكت شويه وكمل :ناوي على امتى
سيف : اسبوع بالكتير الشقه تخلص...وبعدين نعمل احتفال صغيره ونكتب الكتاب
محمد بتفكير وبص ناحية روح لاقها مبسوطة
ف قال : خلاص اتفقنا نقرأ الفاتحة
............
انت العوض عن ألف شخص انت لوحدك عمر تاني"💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜
👆👆كلام روح وأحساسها
أنت تقرأ
نوفيلا وجع روح ( مقتبسه من قصه حقيقة )
Short Storyكأن البعد سيف قطع قلوبنا العاشقة 💔 كأن كنت ليا دوا لمرض بعانى منه من سنين قدرنا نبعد ..ونتقابل تانى بس الوجع مضروب فى اتنين
