الوقت بيجرى ب روح ومش عارفة تاخد قرار فى اى حاجه
وكل لما تتعب اووى تدخل على صفحه سيف وتقرأ كلامه
لاقته رافع أغنية ناسينى ليه (تامر حسنى )
Falsh back
سيف كان بيكلم روح ...
سيف : انا كل لما توحشينى هرفع الاغنية دى عشان تفتكرينى وتكلمنى يا روح
روح : اغنية ايه ؟
سيف : ناسينى ليه ...بتتعب قلبى وياك 💔
Back
روح اول لما شافت الاغنية
دخلت تكلمه على طول
روح : سيف
سيف بهزار : ايه ياستى بقالى ٣ أسابيع برفع الاغنية الناس على صفحه فاكرنى اهبل باين
روح : هههه عامل ايه
سيف : كويس الحمد الله ...وانتى و أدهم
روح : كويسين الحمد لله..و روح بنتك
سيف : ماجنانى ...الكبيرة والصغيره ماجنانى...بس انا اتبسط انك سميتى أدهم زى ماكنا متفقين
روح : انا اللى مبسوطة انك سميت روح
.............
روح قاعدة مع ماماتها فى وقت فضفضه
ايمان : لسه برضه مش عايزه تقوليلى فى ايه المرة دى قعدتك هنا شكلها بخناقة كبيرة
روح بتعيط وبتحكيلها
Flash back
محمد و روح قاعدين فى شقتهم و روح قررت تفتح موضوعهم تانى
روح : محمد ..انا بجد تعبت ...اعمل اى خطوة معايا ..اتحرك بس شبر وانا هتحرك ناحيتك بالعشرة ....انت عجبك عيشتنا
محمد : اكيد لا ...بس
روح : مبسش يا محمد ..خد قرارك بجد انا تعبت ...طول الوقت بحاول معاك ..انت مجربتش تشدنى ليك ولا تخلينى ابقى مطمنة معاك يا محمد ...كل اللى كان نفسى فيه شوية اهتمام ...اسمع كلمة حلوة ..مستحقش ده يا محمد ....انا استحق يتقالى انتى جسمك وحش ...انتى شكلك وحش ...انتى مش اللى اتمنتها
محمد : روح ..انا
روح لاغيت عقلها تماما وبتتكلم بوجع مميت وبتزعق
وكل لما يتكلم تقاطعه ..ما هى دى تراكمات
روح : تحب أوجعك زى مانت عملت معايا ...تحب اقولك انك مش شخص المناسب ليا ...انك مش اللى أتمنيته ...انى كان نفسى اتجوز حد تانى ...ها حسيت بيا ...اتوجعت ولا لسه
محمد بعصبية مفرطة بيزقها لورا : انتى ايه اللى بتقوليه ده
روح مش مهتمه ب اى حاجه : بقول الحقيقة....بقولك تعبت منك ...تعبت من عيشتنا
كل شوية اقولك معلش عشان أدهم ..كل شوية اقول خلاص مش هكمل ... بس قلبى مبيقدر احرم أبنى من ابوه ...بس انت اللى حرمت ابنك منك ...وانت عايش ...تقدر تقولى انت فين ...فى حضنك لأبنك ...فين حنيتك ...ده فاكر ابويا انا ..يبقى ابوه ...مبيطقش يبص فى وشك ...بيخاف منك وهو فى السن ده اومال لما يكبر هنوصل لأيه ...اسمع صوتى ..و افهم كلامى يا محمد عشان اليوم اللى همشى فيه ...مش هرجع تانى ...ألحق ابنك يامحمد
محمد سمع كل ده وكأن حد بيدله قلم على وشه ...الغريب ان شاف روح هى السبب ..معرفش يشوف نفسه غلط ..طلعت عصبيته على شكل قلم على خد روح
روح رجعت لورا و أتخدت جامد من الوجع
بصتله بتوهان
منطقتش غير كلمة واحده : طلقنى يا محمد
جت تمشى و تنسحب
محمد تبت فيها اكتر و بيقولها :مش هطلقك يا روح ..عايزنى اطلقك عشان ترجعيله ..لا يا روح على جثتى
روح : ارحمنى يا محمد انا تعبت منك و من دنيا ...خلصنى بق ...ماسك بأيدك على رقبتى ساحب كل الهوا منى ...انا حاسه انى بموت وا معاك ...حاولت ..بس غرورك و تكبرك هو سبب فى اللى احنا فيه محاولتش معايا مره ..مره يامحمد أفهم بقى ...انت مش بتحبنى ..وانا مش بحبك ...ليه نوجع بعض بالشكل ده ليه ندوس على بعض اوووى كده
روح من كتر ضعفها وقعت على الارض وبتعيط اووى وكل لما تقومى محمد يزقها اكتر لتحت مش عايزها تمشى ...ليه حس كده دلوقتى ...بعد ماخلاص فاض بيها ..وقررت ..فجأه كده مش عايز يسبها
روح سابته وراحت على أهلها وقبل ما تمشى : طلقنى يا محمد ..معدش ينفع نعيش سوا
Back
ايمان بعد لما سمعت اللى حصل ردت بغلب : انتى اتجننتى ؟؟؟؟؟؟ ...ازاى تطلبى طلاق ..فكرك ان سهل ابوكى يوافق على سيف
روح بعياط : انا مش بعمل كده عشان سيف يا ماما ...انا بعمل كده عشان تعبت ...انتو ... دستوا عليا برجليكم ...فاكرنى ايه هفضل ساكته ..هستحمل لحد امتى ...انتى عجبك حالى وانا بقعد معاكى بالشهر وجوزى رامينى ولا بيسأل عليا ...مبسوطين اووى وانا لا عارفه انى متجوزة ولا مطلقة ...مرتاحين اووى وانا بسمع الإهانة كل شويه من جوزى ...جوزى اللى مفروض يكون شايفنى احسن حد فى دنيا ...شايفنى اوحش حد ..شايف جسمى كل عيوب .. كان نفسه يتجوز واحده بمواصفات غيرى ...بيندم كل لما يشوفنى ...انا تعبت بقى خلصونى من الهم ده
ايمان بصتلها بضعف :طيب وأبنك يا روح
روح : ابنى ...هو فين هو وفين ابنى ..ده بيقعد بالشهر ميسمعش صوته حتى ..اسكتى يا ماما ..محمد هو اللى حكم علينا بالطلاق
ايمان : طيب هكلم ابوكى و اقو
روح قاطعتها : تقوليلى ان بنتك هى اللى بتموت مع محمد ..لو فضل راكب رأسه كده ..انا اللى هموت بحسرتى مش هو ..خليه يا خلصنى يا ماما ونبى
ايمان :اهدى بس ربنا يسهل
روح : ياااااارب
..........
-ها..إحكيلى... الحكايه بدأت إزاى
=ممم..بدأت بورده ثم شيكولاته ثم هديه فى شكل كتاب
ثم كلام و إحتياج ثم إتفتح الباب
ثم حنين و كلام بليل و تعلق من غير أسباب
ثم تفكير وتغير و كل إللى عدا كأنه سراب
#سيف 💔💔👆👆👆
أنت تقرأ
نوفيلا وجع روح ( مقتبسه من قصه حقيقة )
Short Storyكأن البعد سيف قطع قلوبنا العاشقة 💔 كأن كنت ليا دوا لمرض بعانى منه من سنين قدرنا نبعد ..ونتقابل تانى بس الوجع مضروب فى اتنين
