نوفيلا وجع روح ( مقتبسه من قصه حقيقة )

part 7

روح صحيت وماسكه التليفون بتلقب فيه

بعشوئيه  جالها  نتفكيشن بالميمورز بتاعت النهاردة
دخلت تشوف ايه ...عرفت  ان ده يوم  خطوبتها  على محمد ..بصت على بوست بحرقه وافتكرت اليوم ده اووى

Falsh back
ايمان : يابنتى محمد انسان كويس ..وافقى عليه
روح : يا ماما لسه بدرى انا لسه فى اولى كلية قدامى كتير ...وبصراحة كده مش هعرف ابعد عن سيف
ايمان بتفهم : بصى ياروح ...انا عارفه انك لسه بتحبى سيف ..ولسه بتتكلمى معاه كمان ..بس اللى متعرفيش  عنه حاجه ان باباكى حلف مية يمين انه لو أخر حد فى الدنيا مش هتتجوزيه
روح بعياط : ليه يا ماما ماله سيف ...عشان لسه صغيرين يعنى ...بس راجل وكلم باباه كذا مره
ايمان : يا حبيبتى افهمى  ...انا حاولت مع باباكى ....مش راضى خالص ياروح

خدتها فى حضنها لما سمعت شهقت عياطها

وقالت: يا بنتى ....باباكى مصمم  وقال لو هى صممت على سيف تشبع بيه بس بره البيت ده ...وتنسى انى أبوها ولا ليها أهل تانى
روح عياطها زاد اكتر  : ليه ها ردى عليا ليه
مامتها معرفتش ترد عليها وقالت : طيب بصى فكرى وصل استخارة وشوفى نصيبك ايه يابنتى وسابتها ومشيت

........
روح فضلت  طول الليل  تعيط قامت  وصلت استخارة فعلا  و نامت

صحيت تانى يوم وهى مقررة
واتصلت على سيف
روح بعياط : سيف
سيف  بخضه : فى اية يا روح ..طمنينى ..مالك   يا حبيبتى حصل حاجه
روح حكتله اللى حصل
سيف بزعيق : ازاى انتى ملكى انا ....انا ..انا
و صوته اتخنق ومقدرش يكمل وعيط ومن صوت عياطه قال : بس انا بحبك ومقدرش اعيش من غيرك
روح :  وانا كمان بحبك اووى ....بس مش هعرف اكسر بابا
سيف : بس تكسرنى انا عادى
روح : قبل ما أكسرك ..كسرت قلبى نصين ...فكرك ان موضوع سهل
سيف :  يعنى خلاص هتروحى منى ...مافيش روح تانى ....طيب اتنفس ازاى من بعدك ...طيب مين هياخد بأيدى لما اقع ...وانتى مين هيعرف يفرحك قدى ...انا بحبك ..انا انا انا تعبان اووى ..تعبان من قبل ما تمشى ....سكت شوية وبعياط قال  هيعرف ياخد باله منك ... يعنى انتى هتبقى ملك حد تانى ..طيب ازاى ..وكل العهود اللى بينا ...طيب مسكه ايدك  ليا دى وعد.. طبطبتك عليا دى وعد ...كل ده اتبخر فى لحظه ..مش قادرة تستنى لما اخلص  واجيلك

هنا روح عيطت اووووى بصوت مسموع وشقهه خرجت منها بوجع  : غصب عنى انا اتقالى ان عمرك ماهتبقى ليا يا سيف ...انا مش هنسى أيامنا ...ولا هنساك يا سيف ..انا خلاص قلبى اتختم بحبك انت ..ومحدش هيقدر يدخله من بعدك ...ريحينى وخليها سهله يا سيف ...انا تعبانه اكتر  منك ...انا اللى محكوم عليها بالموت ...واقفه و بتفرج  على كل بعين زايغه ..عين مش شايفه غيرك انت وبس .ولا هتشوف

سيف بعصبية : اقفلى يا روح أقفلى مش عايز اسمع  صوتك ..انا تعبان ..والله تعبان
Back

  روح كملت عياطها بصمت  وقالت : الحمدالله على كل حال يارب
..........
سيف فى مكتبه  ومعاه بنته روح
روح فضلت تلعب فى حاجته لغايه لما وقعت كتاب من على مكتب
الكتاب وقع وسيف شاف فيه ورقه مسكها و بيقرأها قال بصوت مسموع : يااااااه

وافتكر انه لاقى نفسه بيكتب  القصيدة دى بعد كلامه مع روح (فى مشهد الوداع الأخير  ) 👇👇👇👇

مالك!!..
مفيش...
هو أنا كل ما أسألك متحكيش
ونبى سيبى الهم فى القلب و كبرى مخك..
أنا كويس متتشغليش
شوفت إزاى إنك فيك حاجه
طب ليه لما سألتك قولت مفيش
.................................
هقولك إيه يعنى...
إنتى فكرانى مش واخد بالى
ولا فاكره إنى نسيت ولا على بالى
ولا سكوتى فهمك إنى مبتعبش أما بكلمك
أنا بس عايز أفهمك
إنى لسه مارضتش بالأمر الواقع
لسه بفتكر كل اللى كان بينا
كل اللى راح منا
بفتكر تقسيمة بيت كان فى يوم هيجمع بينا
و أفكر فى شكلك معاه و فى بيته
و أصبح شهيد لأحلامنا
.............................
هقولك إيه ولا إيه....
منا كنت ساكت....
أقولك..أبسط حاجه..
تعرفى إيه عنى !؟..
عن أحلامى و خطتى وكلامى
و كل حاجه تلزمنى
مين فى وجعى يستحملنى...
مين لما بقع يسندنى و يقومنى
طب إنتى دايماً تقوليلى "كفايا وقفتك جنبى"
وقفتى إيه...و أنا كل لحظه فى كلامنا تكسرنى
بحاول أدارى فكتب شعر و أغنى
بكدب عليكى و على نفسى
بكدب حتى على تعبى و بقول "بكرا أحلا"
فراقك عمره ما يشغلنى
..............................
أقولك إيه...
أقولك إيه ..و أنا بموت فى الليل مش عارف أوصلك
كنت بتمناكى فبقولك "أنا عايش بس لجل أكون ضلك"
محبتش فى يوم أحسسك بالذنب
و رضيت أكون ظالم يا حبيبتى من ظلمك
.......................
هقولك إيه ...
منا إتكلمت عن وجعى لحد ما الكلام باخ
وبعت روحى تندهلك قام الطريق ضل و تاه
أنا من بعدك حى ملوش فى الدنيا حياه
غريق ملوش بر نجاه
مريض بمرض إسمه "الخضه"
عاصى ملحقش يتوضى
ياما قولتلك "بلاش تكسرينى"
و ماجليش غير منك إنتى الكسره
أنا حتى مبقاش عندى على نسيانك القدره
كم كنتى فكراها يا حبيبتى سهله!!!
.......................
تعرفى إيه !!..عن قهرالرجال
عن واحد حب...
و جيه حد تانى وطال
عن لعنه سموها "النصيب"
عن واحد إتسرق...
و مقدرش يرفع عينه فى الحرامى
إنتى كنتى الحياه و النفس بالنسبالى
......................
أنا عاوزك..وبردو رافض قربك
بحبك بس لما أكون مش جنبك
شيزوفرنيا بايخه حتى ماتتمثلش
هل أنا فعلاً بحبك أم إنى إتعودت
.....................
بلاش كل إللى فات
تعرفى إيه عن "قلب" واحده سألتنى...
إذا كنت بحبك ولا لأ
روحت سكت
أنا ياما عشانك خسرت ناس و بعدت
بعت كل الناس علشانك
وفى النهايه من غير تمن أنا إللى إتبعت
ياريتنى كنت مره إتعلمت
ياريتنى قبل ما أشوفك مت
يا حسنه كفرتلى ذنوبى
و بسببها أنا إللى كفرت
.......................
كان هيجرا إيه لو ماكنتش إتكلمت
فكرك يعنى أنا بكلامى إرتحت
فكرك يعنى بدموعك ديا فرحت
عادى..زى كل مره بندوم ورقة الجروح بدموعك
و ننتهى بإنك إنتى المجروحه و أنا إللى جرحت
..........................
بس ثوانى..أنا عندى سؤال..
هو أنا مبعيطش ليه!؟
أنا هرتاح لو عيط
إنتى بتعيطى إزاى ؟
و انا ليه مبعيطش
أنا كل إللى قولته يعيط أى حد
قلبى تعب من كتر الآسى
ونفسه عينى تبين ده ع الخد
أنا مابعيطش ليه...!!
ردى عليا متسبنيش!!
أنا هرتاح لو عيط
منا بزعل و بتصعب عليا نفسى
و بتوجع و بتكسر زى أى حد
علمينى إزاى العياط!!
دنا حتى عمرى ما دمعت
أنا هبقى كويس لو عيط
.......................
هو إنتى مش بتردى ليه!؟...
إنتى سراب!!..
أنا بكلم مين!؟..
إنتى لسه موجوده معايا!؟
أنا كل ده بكلم نفسى جوايا!!
بحاكيكى و إنتى أًصلاً مش موجوده من البدايه!!
إنتى عقاب....
طب يا "أنا"..ردى عليا
قوليلى راحت فين هى
و قوليلى العياط إزاى
يمكن تطلع من جوايا لو "إنتى" هى
أو يمكن تسيب سكنها اللى فيا
أو جايز..جايز ترد عليا

.....
قرأها  بصوت مسموع وطبقها تانى وهحطها فى الكتاب
وخرج ساب المكتب ومشى