تانى يوم روح اتصلت على ريم وحكتلها
ريم ساكتة مش بتتكلم مش عارفة تقولها ايه
روح : انا عارفة انى مقرفة ...وان ده غلط ..ومش غلط كمان بس ..لا ده حرام ..بس مش قادرة.... على أيدك حاولت كذا مره مش بعرف أبعد
ريم مش عارفه تقول ايه خايفه ترد بحاجه تجرحها وخايفه تسكت فى روح تكمل طريقها كده اتنهدت : ارتاحتى شوية طيب
روح : اووى يا ريم ارتحت لما اتكلمت معاه
ريم : طيب يا حبيبتى ربنا يقدملك اللى فيه الخير ياروح سكتت شويه وقالت ...روح ..سيف لو من نصيبك هيحصل وتتجمعوا من تانى ..انتى أرضى بحالك بس ..وربنا هيراضى قلبك
روح : ياااااارب ياريم يارب
ريم : يارب ياحبيبتى..متشليش هم كل حاجه هتتحل يا ام أدهم
روح : 😊♥️ ان شاء الله ياحبيبى ان شاء الله
.........
ريم فضلت قاعدة بتفكر تعمل ايه لروح عشان تعيش حياتها هى مش عارفة تقولها سيبى محمد ...ولا عارفة تقولها ابعدى عن سيف
هى اكتر حد عارف روح مرت ب اية فى حياتها
Falsh back
فى يوم روح كلمت ريم وفضلت ساكته كتير اووى
ريم : وبعدين هتفضلى ساكته كده ...اتخنقتى مع سيف تانى ولا اية
روح : انا قراية فاتحتى الاسبوع اللى جاى
ريم بفرحة : بجد يا روح ...هو سيف جالك امتى
روح اتنهدت : مش سيف
ريم : نعم !!!
روح : ايوه ياريم مش سيف
ريم : طيب ازاى ! ...وليه ؟
روح هحكيلك كل حاجه بعدين
ريم : انتى كويسة ؟ طيب
روح : عادى بقى ...هقفل وهكلمك شوية كده احكيلك
Back
ريم بصوت مسموع : ياااارب ياروح اشوفك فرحانة ..ومرتاحه فى حياتك يا حبيبتى ...وربنا يخفف عنك وجعك يااااارب ياروح يااارب
.......
روح لسه بتحاول مع محمد ...لحد ما زهقت..خايفة تبعد عشان أبنها
بتصلى وتدعى ان ربنا يحلها ..هى خلاص فاض بيها فكرت تتكلم مع محمد لاخر مرة
مسكت تليفونها واتصلت بيه
روح : عامل ايه محمد ؟
محمد : كويس الحمد الله وانتى ؟
روح : كويسه يا محمد الحمدالله
محمد :و أدهم ؟
روح بتهكم وتريقه : ياااه اخيرا سألت عليه ..أدهم كويس ..مش محتاج غير وجود ابوه جنبه بس
محمد : معلش ياروح مشغول جامد فى الشغل
روح : محمد هو انت مش عايزنى خلاص ..تحب نطلق ؟؟!
محمد سكت شويه و بيفكر فى كلام يقوله
روح اتكلمت بداله : طيب و أدهم
محمد برد غريب وبارد : عادى فى عيال كتير بتتربى وسط اهل منفصلين
روح مستغربة و مصدومة : بجد ؟
محمد اتراجع ف كلامه : بس مين قال اننا هنتطلق
روح : تصرفاتك يا محمد ...انا وانت مش عايشين مع بعض اساسا
محمد : انا هظبط فى ايدى اخر صفقة وبعدين هننقل ونعيش سوا بعد كده
روح : طيب يا محمد انا هقفل عشان هنام
محمد : ماشى يا روح ابقى طمنينى على أدهم بكره
روح :حااضر يا محمد حاضر
سلام
.........
سيف قاعد مهموم
قلبه وجعه ومش قادر ياخد نفس حس انه عايز يكلمها
مسك تليفونه وكان هيكلمها بس اتراجع بسرعه وخاف
محسش بنفسه غير هو ماسك صورهم وبيبص عليهم بحب قرب على وشها و باس صورتها
وفضل يعيط عياط من غير دموع
بس بيجرح من جوا
مسك قلمه و الاجندة بتاعته
ولاقى نفسه بيكتب لها لسه ..لسه كل حرف خارج منه ليها هى ..هى وبس
يا حبيبتى انتى اتخلقتى منى
انتي حوا اللى خرجت من ضلعى
طينك من تراب جسمى
و حروفك تكمله لإسمى ❤❤
اتخنق اكتر ف قفل الاجندة وخرج من المكتب
راح على البلكونة
ياخد نفسه
فضل يتنفس و يتنفس بصوت مسموع
بص وراه لاقى بنته روح جاية عليه وبتدعك فى عيونها جامد
صحيت وراحت تشوفه
راح عليها وشالها بحب واتكلم معاها برغم انها مش فاهمها : انتى احلى حاجه حصلتلى ..انتى المهونه عليا الايام ....مش هسيبك ابدا يا حبيبه بابا ...متخافيش ابدا يا روح ...متخافيش ابدا يا روحى ♥️
.........
انا بعده نسيت انا مين !
و وعده هيعيش لسنين و سنين
حبيبى ودعت ليه أيامى ...راحت معاك أحلامى
و الدنيا اية وهعشها تانى لمين !!!!!
يا حبيبى رجعنى ليك لو باقى بالله عليك تعالى
بنادى ...و غنيا صوته حزين
سيف بيغنى مع الاغنية وكأنها معموله ليه وكمل غنا : يا فراق ارجوك رياحنى ...بموت وياك ...يااافراق ...اشمعانا حبيبى أخدته معااااااك ....انا بعده نسيت انا مين
سيف سكت وفضل مكمل يومه فى البلكونة بيتفرج على شروق ...وبيسمع الاغنية ويعيد فيها كل لما تخلص يشغلها تانى و تانى مزهقش منها
............
استغنيت عن الكل بوجوده لما لقيت ان الكل بدلني وهو بدل العالم بيا💕.
كلام روح 👆👆👆👆👆
أنت تقرأ
نوفيلا وجع روح ( مقتبسه من قصه حقيقة )
Short Storyكأن البعد سيف قطع قلوبنا العاشقة 💔 كأن كنت ليا دوا لمرض بعانى منه من سنين قدرنا نبعد ..ونتقابل تانى بس الوجع مضروب فى اتنين
