يصفصف يجميلة انتي 🌚💙......مية مرة قلت ليك اسمي صفييه وانا امك م بت الجيران ؛ بس يصفصف انا بريدك شديد وانتي عارفه كدا صح🌚؟!..انجزي عايزه شنو ؟! اصلك م بتتغزلي فيني ساي ؛ فهماني يصفصف...اها ارح قولي م فاضيه ليك انا ؛ من الاخر كدا شهدون ح تجي الليله المساء ذي م عارفه وانا بس نفسي استقبلها فى المطار ؛ بس كدا ؟؟ دا كل العايزاهه !... اي بس ؛ خلاص بكلم ليك ابوك يوديك ؛ واااي م قلت ليك بريدك انا ....يلا طيري من وشي خليني اتم شغلي .( انا ولاء عمري 18 سنه برلومه طب يلا انا قمحيه وطولي مناسب ومعصعصه وعيوني واسعات ودي حاجه ظابطه جدآ جدآ لاني منقبه 😎💙 نجي لأهلي امي اسمها صفيه ونسبة لأني وحيدة اهلي هي كانت صحبتي قبل م تكون امي وعلاقتنا قويه شديد وابوي اسمو عبدالله وهو Businessman وكدا وهو اب ظابط جدآ وبحبني شديد)
لا انا م ح اطير من وشك الا لما تتصلي لي ابوي قدامي واسمعك كلمتيهو ...يالله منك ي ولاء ح تجنينني !...طيب طيري جيبي لي تلفوني ؛ حاضر يستي ح اجيبو ليك ...ومشيت سرعه سرعه جبتو ليها وهو اصلآ م كان بعيد ....اهو جبتو ليك واتصلت لأبوي وفتحت الاسبيكر ...تيت تيت ..الوو كيفكم كويسين!.... حمدلله بس عايزة اقول ليك شي .....قولي ؛ شهد بت اخوك جايه الليله من لندن و... قاطعها هو : وولاء مصرهه تمشي تستقبلها صح ؟!.....اي عرفت كيف!.....لانو ولاء بتي وعارف قدر شنو هي بتحب شهد وبتعتبرها اختها عشان كدة قولي ليها تجهز لي من بدري والمساء بوديها.... انا من الفرحه قلت ليهو: انت جادي ي ابوي ؟!.....ضحك وقال لي: اي جادي عندي كم بت انا !...يلا ح اقفل عندي شغل لبعدين.
واااي م قادرة اصدق يخ وبقيت ارقص وانطط براي😂💃💙 ....يبت ع الاقل احترمي انك كبرتي ؛وقفت قصادها ولفيت يديني فى رقبتها وقلت ليها: انا مهما كبرت م بكبر على الفرح ....فكت يديني من رقبتها وقالت لي: طيري من وشي احسن م ارتكب فيك جريمه....خلاص طايره ومشيت غرفتي لقيت شهدون متصله لي فيديو ؛ رديت ليها وفضلنا نتونس ؛شهدون يرمهه ح تجي متين يخ؟!.... للمره الالف ح اقول ليك: الحضور الساعه 6 والساعه 8 ان شاء الله موعد الرحله ؛ واااي بس متين توصلي....انتي متخيله انو انا وانتي فى نفس الجامعه وبس للاسف كل واحدة تخصص براها ....ردت لي هي : والاحلى اني ح اتخرج قبلك 😂؛ وااي م عجبني ليك دا غير انك ح تعجزي فى الطب دا ...شهد ي حيوانه اسكتي مني م دايره معاك كلام ؛ اصبري لي لما اجيك بس ح اندمك اليوم الدخلتي فيه طب وح تشوفي 😂👏 وبالمناسبه ي ولاء انا اتعلمت السواقه وخليتك.... م نفسي احبطك يشهدون لكن رخصتك دي بليها واشربي مويتها لانك ح تحتاجي واحده سودانيه ؛ وانا نفسي اطمنك انو رخصتي السودانيه جاهزهه واول م اجي السودان ح استلم عربيتي 😎💙.... عربيتك لقيتها وين ؟!..... كل الموضوع انو ابوي اشتري لي عربيه وابوك كمل الإجراءت كلها 😂💃💙....وااي يشهد ببكي؛ ابكي ساي اجيب ليك منديل !..oops يلا انا ح اقفل okay see you....see you ؛ وقفلت منها على كدا بس كنت مبسوطه شديد لاني شهد دي بحبها شديد هي الوحيده من بنات اعمامي علاقتي معاها قويه ومع انهم مستقرين فى لندن بس كانو بجونا فى الإجازات وبتتصل لي واتصل ليها بلإضافه انها الوحيد الفى نفس عمري....ومن الفرحه نمت 😂 م صحيت الا قريب المغرب وم صحيت براي صحتني امي بعد نقنقه ؛ قمت على راحتي بس فجأه جريت على المطبخ؛ وامي اصلآ متعوده على جني دا وعرفت اني جعانه ....طوالي جات وراي وادتني اكل حتى يأداب استوعبت وفهمت الحاصل 😂💙.....واتذكرت انو المساء ح امشي استقبل شهدون ؛ فطوالي وقفت اكل ؛ امي عاينت لي من فوق لتحت وقالت لي: مالك وقفتي اكل ؟!...قلت ليها: انا م جهزت ملابسي ال ح امشي بيها المطار ؛ ضحكت وقالت لي: تجهزي شنو؟!😂.....كلها عبايه سوداء وطرحه سوداء ونقاب اسود وجزمتك السوداء ديك البتحبيها اكتر مني....ماف غيرهم كملي اكلك ساي 😂...قلت ليها: مثلآ ح امشي بيهم بدون مكوهه!!..... والليله عشان قلتي لي كدا م ح اللبس اسود و ح اغير حبهه ؛قالت لي : طيب نشوف تغييرك دا ح يكون كيف؟!😂.....قلت ليها: استني بس وطوالي قمت من مكاني ومشيت غرفتي وانا مقرره انكت دولابي واطلع الكنوز المدفونهه ....وبعد معاناة لقيت عبايه لانها ازرق غامق وفيها نقوش بالأبيض والاسود ؛ يخ عجبتني عجب والعجب لما لقيت طرحتها وكانت كبيرهه ومعاها نقاب بنفس اللون وااي دايره اطير من الفرح ....بفرحتي ديك مشيت فتشت لي جزمهه ولقيت لي واحده😂💃💙...وكويت العبايه والطرحه والنقاب ؛ ونزلت تحت لأمي والبسمه لأخر ضرس...وقلت ليها: بعدين ح تشوفيني بنيو لوك استني بس....قالت لي: وراي شنو انا!!...بستني طوالي ؛ وفى قعدتنا دي ابوي جاء داخل ..... قمت من مكاني عشان اسلم عليهو واصلآ انا متعوده اسلم عليهو بالأحضان ؛ وبعد داك سلم على امي وطلع فوق غير ملابسو ونزل وسألنا اذا فى زول م صلى العشاء؟! .....قلت ليهو: الاتنين م صلينا ؛ قال لي: طيب امشو اتوضو عشان نصلي جماعه.... كلمت امي واتوضينا وجينا صلينا ؛ وبعد الصلاة جهزنا الاكل وبعد الاكل قعدنا نتونس بس فجأه عاينت للتلفون لقيت الساعه 9:10 ؛ قمت ناطه وقلت ليهم : الزمن اتأخر طيارة شهد ح تصل 10 انا ح اطلع البس ي ابوي عشان نصل المطار بدري ؛ قال لي: طيب امشي انا جاهز .....وطوالي جريت طلعت غرفتي ولبست سرعه سرعه ونزلت لقيتو قاعد فى العربيه مستنيني ؛ اتحركنا وبعد نص ساعه بالظبط وصلنا المطار والساعه كانت 10 حاولت اتصل ليها فى رقمها السوداني م ردت ؛ بكدا اتأكدت انها وصلت السودان.....وقفنا فى الصاله وبقينا نتلفت ؛ بس كان....
يتبع......
