شويه كدا سمعت صوت زول قال : احم احم🌚💙...اتلفت بإتجاه الصوت بس كان اشوف ليك مهند متكل على باب الصالون ومبتسم وبعاين لي قال لي: مالك سكتي !...صوتك حلو شديد على فكره ؛ وانا اصلآ كنت انتهيت من المسح شلت حاجاتي وطلعت وقبل ما اصل الباب مهند قال لي: ولاء!..وقفت اتحرك وجاء وقف قدامي نزل لي نقابي وقال لي: بالمناسبة انتي جميلة شديد ؛ ومشى خلاني واقفه ومصدومه 😭😂...لا بس اتخيلو نسيت انزل نقابي وااي من غبائي جريت لشهد وحكيت ليها وشهد دي الله يخليها للضحك بس 😭😂؛ للمره الدشليون يحصل معاي كدا...اشمعنا هو يخ؛ وبعدين انا ليه بحصل معاي كدا !.كل ما اشوف مهند لازم اعمل تصرف غبي!..
كنت مستنيه اليوم متين ينتهي عشان ارجع بيتنا ؛ المهم يلا فى نهاية اليووم بعد الضيوف مشوا...كنا قاعدين انا وخالتو سوسن بنتونس وطبعا شهد الحيوانه بتكون مع مقبل ما بتفارقوا نهائي متأكده كان قالو ليها ارح نعقد ليكم ما بتقول لا 😂...فى قعدتنا ديك مهند جاء نازل من فوق وقال لأمو : كنت بشرب فى الجبنه والكبايه وقعدت مني واتكسرت والارض اتوسخت خلي جوليا تنضفها وطلع...قلت ليها: لكن جوليا طلعت وما اظن تجي هسي ؛ قالت لي: ما مشكلة انا بقوم انضفها ليهو ما بتاخد مني كتير ...قلت ليها: لا خلاص بمشي انا ؛ قمت اتلفت كويس واتأكدت انو مهند ماف بس برضو ما رفعت النقاب مهند دا ما بنوثق فيهو فى اي لحظه ممكن يجي ناطي ؛ طلعت فوق ومشيت غرفتو فتحتها لقيت الزجاج كتير قلت خلاص المو هو اول بس ما لقيت شي اشيلو فيهو دنقرت وبديت اختو فى يدي؛ وانا غبيه ما كنت لابسه الجونتي وكان فى زجاجه حاده شديد ختيتها فى راحة يدي ما عارفه كيف!.. بس لقيت انو يدي اتملت دم ؛ اتجرحت كيف ما عارفه انا بس بقيت بعاين ليها وهي بتنزف ؛
شويه كدا باب الغرفه فتح ودخل مهند ومن شافني قال لي بصوت عالي: ولاء !انتي غبيه فى راسك دا!..ومسكني من يدي وغسلها لي من المغسله وتاني رجعني قعدني فى السرير وقال لي: اوعك تتحركي من هنا سامعه !..هزيت ليهو راسي بمعني سمح ؛ مشى وجاء شايل فى يدو شاش ومعقم جروح؛ قعد جنبي وقال لي وهو معصب شديد: انتي اسمك جوليا!.. بتهبشي مالك!...انا قلت ليك شيلي الزجاج !..يعني هسي انا لو ما جيت صدفه ما كنتي ح تعرفي تتصرفي صح !...انا كنت بعاين ليهو نظام معليش ما تكورك فيني بحاول استفزو عاطفيآ عشان يسكت ؛ عاين لي وقال لي: ما تعايني لي كدا ؛ شافعه انتي ؟!..وريني بس!..يلا انتهيت لفيتها ليك ؛ اوعى اشوفك هبشي الزجاج دا تاني ...بنضفوا براي يلا من هنا اطلعي سرعه ؛انسحبت براحه براحه وطلعت ...ولأول مره زول يكورك فيني وانا اضحك ؛ انا ماشه وبضحك ذي الما نصيحه 😂..لاقيت شهد قالت لي: الجرحك شنو!..بتضحكي مالك!..كدي اشوفك محمومه ؛ لمست وشي من جوا وقالت لي: طبيعيه طيب مالك فهميني ؛ جريتها من يدها ومشينا قعدنا فى كراسي الحديقه وبديت احكي ليها اقول ليها كلمتين واضحك لما انتهيت ليها ؛قالت لي : انتي ومهند عندكم درامات بتعرفوها براكم 😂💙؛
قلت ليها: يشهد بالنسبه لإنو الجامعه الاسبوع الجاي!...واحنا لسه ما اشترينا قالت لي: انا الليلة ح ابيت هنا ؛ وبكره ان شاء الله بجيك...اذا لقينا طريقه نمشي السوق نمشي واذا لا نمشي عفراء ؛ قلت ليها : اتفقنا ؛ طيب ارح وصليني البيت الوقت اتأخر ...قالت لي: انا !...لالا ح يوصلك مهند انا ما بقدر امشي وتاني اجي ؛ قلت ليها: عليك الله لا الا مهند لا ؛ قالت لي: ولا على كيفك تمشي معاهو ! ونادتو ؛جاها قالت ليهو:معليش يعني ممكن توصل ولاء دي بيتهم!...قال ليها: طوالي انا اصلآ طالع ؛ عاين لي وقال لي: ارح قومي....قمت وطبعا كالعادة انا ماشه وراهو وهو قدامي ؛ بس المره دي ركبت ورا قاصده نظام اني زعلت لانو جاط فيني وكدا....ركب هو وصلح المرايا وبقي بعاين لي بيها ؛ اتحركنا وكنت برفع عيوني مرات مرات بعاين ليهو لما يكون مركز مع السواقه واول ما ينتبه لي بعمل نفسي ما مركزه معاهو 😂 ؛ ولما خلاص قربنا نصل قال لي: معليش قبيل انفعلت وكوركت فيك ؛ ابتسمت وقلت : خطتي نجحت 😂💃👏...قال لي: قلتي شي !
هزيت ليهو راسي؛ قال لي: لسانك دا لما بتتكلمي معاي بالتلفون ما بكون ليهو نهايه بس لما اكون قدامك بتتبكمي ليه!...قلت ليهو: ساي بس😂...قال لي: اها قلتي لي بقيتي شايفاني كيف!..قلت ليهو: خلاص وصلت بيتنا شكرآ ونزلت سرعه ولغاية ما وصلت باب بيتنا شايفاهو لسه واقف ؛ مهند دا قدر ما حاولت افهمو ما قدرت افهمو ؛ وقدر ما اقول انا خلاص عرفت شخصيتو الحقيقيه بطلع لي بشخصيه تانيه....بفكر كدا وماشه وما منتبه لشي ؛ وامي كانت واقفه وبتعاين لي وانا جيت جنبها وضربتها فى كتفها وما حسيت 😂؛ ولاء انتي كويسه !...قلت ليها: انا كويسه ي امي ؛ مسكتني من يدي وطلعتني غرفتي قالت لي: يلا طلعي ملابسك دي ونومي قلت ليها: سمح ؛ طلعت ملابسي ورقدت بس ما جاني نوم شلت تلفوني وفتحت الشبكه ودخلت الواتس ؛ واصلآ ما عندي صحبات كتار لقيت كم رساله رديت عليهم وبقيت حايمه ساي فجأه كدا عيوني وقعدت على بروفايل مهند ؛ لا اراديآ كدا فتحتو كان خاتي صورتو وهو لابس جلابيه ومبتسم ؛ ما عارفه هل هو حلو ؟!..ولا الصوره الحلوه !...ولا عيوني محلياهو!.. سرحت فى الصور شديد وانا بضحك ؛ شويه كدا وانتهبت لنفسي دا شنو يولاء !فى صوت جواي قال لي: انها اللعنه 😂؛طوالي قفلت تلفوني وجدعتو بعيد ونمت 😂💙.
__________
"وكأن السعاده اتخذت منها ملجآ💙"
انا ليه بفكر فيها كتتير كدا!....وليه بكون مبسوط ومرتاح لما اتكلم معاها!...ليه انا بحب عيونها شديد!...ولما شفت صورتها ال رفعتها استوري نزلتها فى تلفوني وبقيت بشوفها كل ما اضايق ليه!والغريب انها الوحيده البكون طبيعي معاها بنسى الدنيا بالفيها لما المحها او اشوف عيونها او اتكلم معاها ؛ طيب لما تتأذى انا ليه بعصب شديد...لما انجرحت انا اتنرفزت فيها شديد ولما شفتها بتنزف ما عرفت اعمل شنو!...اموري جاطت بمعني الكلمه انا هسي متعب نفسي بالتفكير ليه! عارف اني ما ح القى تفسير منطقي للبحصل معاي دا عشان كده احسن شي اني اتجاهل الاحساس دا .
"حينها لم اكن اعلم ان التجاهل هو اول خطوه تجاه الحب كم انا احمق!💙"
يتبع.....
