بس كان اشوفها ليك ياداب داخله على الصاله وجارهه شنطتها وراها...ورغم المسافه البينا عرفتني ورفعت لي يدها ؛ انبسطت شديد ولوحت ليها 😂👋....م قدرت استناها لما تصلني اتحركت بإتجاها وجريت عليها وحضنتها كنت مشتاقه ليها شديد ....وبعد سلام البنات العبيط داك فكيتها سلمت على ابوي وطلعنا على كدا وانا من ركبنا العربيه لغاية م وصلنا البيت م سكت نهائي نهائي وم خليت شهد تأخد راحتها ( نوصف ليكم شهد 😂....يلا هي حلبيه وقصيره وملامحها بريئه وتحسها طفله بس هي داهيه😂💙 وبتلبس بناطلين بس وشعرها م شاء الله عليه بصل ضهرها وطبعآ هي م محجبه وبتحب حاجه اسمها اسبورتات ذي عيونها 😂💙)
شهدون🥺..... قالت لي: yaab وهي ولا مركزه معاي بالها كلو فى التلفون ...قلعت منها التلفون وقلت ليها: يزفته انا م بتكلم معاك!؟...قالت لي: soory ومدت لي يدها نظام اديني تلفوني....هزيت راسي بمعني لا ؛ قالت لي: براك جيبتيها لنفسك ...انا حاولت كتتير ابعدو منها بس م قدرت وفى نهاية فازت هي وشالتو ؛شويه كدا ووصلنا البيت ودخلنا وشهد سلمت على امي واتونسنا شويه وكل زول طلع غرفتو عشان يرتاح ( شهد اصلآ عندها غرفه مخصصه ليها كل م تجينا بتقعد فيها).
___________
فى غرفه بارده ومضلمه كان هو نايم؛ فتح عيونو براحه براحه ودار بعيونو فى كل انحاء الغرفه وكأنو بفتش على شى..
بنظرات كلها يأس م فيها ولا بقعة امل؛ قام من سريروا بتكاسل ... شال تلفونو الكان فى الطربيزه الجنبو عاين ليهو بتعابير وشو الجامده ورجعو مكانو ؛ واتجه ناحية دولابو طلع ملابس ودخل الحمام ؛استحم وطلع وهو لابس ملابس رسميه ؛ وقف قدام المرايه واتمعن فى نفسو بتركيز ...اتحرك من مكانو شال تلفونو وكل شي بلزمو وطلع من غرفتو ؛ مشى على المطبخ لقى امو كالعادة مشغوله صبح عليها ...وشال منها قهوتو وقعد فى اقرب كرسى شربها برواق ؛ وعلى طول قام من مكانو ...وقال لي امو : انا ماشي؛ دعت ليهو كتتير ؛ ابتسم ليها وطلع من البيت ...واتوجه للموقف الكان قريب منهم ؛ وصل الموقف وركب المواصلات وبعد اقل من ساعه وصل المكان الماشي ليهو.
__________ الصباح انا نايمه فى امان الله فجأه احس بضربه فضهري ...ودي شهد طبعآ مصحياني 6صباحآ قال قال عايزه تتمشي😂💔 ؛ اصلي م اقتنعت بفكرتها لكن هي واقفه لي فى وشي حلفت كان تخليني انوم .... قمت من السرير وغسلت وشي وطبعآ انا على بال م البس الشمس بتشرق 😂😂..لبست اقرب عبايه وطرحه وجزمه والنقاب دا لبستو لما قربت على الباب ؛ شهد مستعجله شديد يخ ...وم وريتكم شهد لابس وكأنها فى لندن ؛ لابسه ملابس رياضه لونها رمادي كدا واسبورت رمادي ورابطه شعرها لروا ؛ طلعنا ولفينا حلتنا دي شارع شارع لما حسيت نفسي ح اقعد من كترة المشي رجعنا البيت لقيت ابوي وامي بشربوا فى الشاي ...صبحنا عليهم وقعدنا
معاهم ؛ شويه كدا وشهد قال لي ابوي : يعمو متين بقدر استلم عربيتي ؟!...ابوي قال ليها : الليله اذا عايزه....قالت ليهو: ممكن امشي اجيبها ؟!....قال ليها: طوالي ارح معاي هسي وعلى بال م نصل بنلقاهم فتحو المحل...قالت ليهو: اوك وطلعت غرفتها غيرت ملابسها لبست بنطلون كحلي واصلآ كل بناطلينها باللون دا...وتيشرت بالبمبي وفيهو نظام تطريز فى الاكمام واسبورت بنفس اللون ؛ قالت لي: تمشي معانا ؟؟..قلت ليها : لا ح اشرب الشاي واطلع انوم😁 ....عاينت لي من فوق لتحت ومشت ؛ وانا شربت الشاي وطوالي طلعت غرفتي نمت م صحيت الا لما هي جات وقالت لي: قومي الساعه 10 ارح عازماك فى اكتر مطعم بتحبي....قلت ليها: ح نمشي بعربيتك صح؟!....هزت لي مفتاحها وقالت لي : of Course 😎👏...قمت من مكاني استحميت ولبست سرعه سرعه....ويالمطعم جاك زول😂💃💙؛ وكنت متشوقه شديد اشوف عربية شهد واول م طلعت من البيت اشوف ليك عربية Honda باللون الرمادي الغامق شديد رهيييبه شديد شديد ....وانا مبحلقه ساعه بعاين فيها؛ شهد قالت لي: مالك ي بت سكتي كدا...قلت ليها:ووووبعلييي يشهد اول شي م شاء الله عشان م اسحرها ليك وكدا 😂قالت لي: ارح ارح اركبي....ركبنا وتقريبآ انا مبسوطه بالعربيه اكتر من ستها ؛ شويه كدا ووصلنا المطعم....قلت لشهد نقعد جوا عشان انا اقدر اکل ؛ دخلنا وقعدنا وشهد قالت لي: نطلب شنو؟!..قلت ليها: بيتزا وعصير منقه ؛ قالت لي ظابط ..... مشت وجات شايله فى يدها بيتزا من الحجم العائلي وعصيريين ؛ ختتهم وبدينا نأكل شويه كدا بس كان انتبه انو شهد مركزه فى شي وراي ؛ قبلت ورا شفت ولد قاعد وسرحان وباين عليهو مهموم او مضايق من شي ؛ م ركزت معاه كملت اكلي وقلت لشهد : يلا ....قامت دفعت الحساب وطلعنا طوالي ....ركبت العربيه واتحركنا عاينت بالشباك لمحت نفس الولد واقف وبسجر ...ومن غير م اشعر قلت فى سري ربنا يجبر بخاطرك ؛ وسرحت انا زاتي 😂؛ م انتبهت الا لما شهد اشرت لي على محل ايسكريم وقالت لي: نشتري؟!..
قلت ليها: طوالي البحر م بيأبي الزياده 🌚💙....نزلت اشترت اتنين وجات ؛ وانا حقي كملتو قبل م اصل البيت زاتو😂💙 ؛ وصلنا البيت ولقينا امي مجهزه القهوه (الكييف يخ💃💙)....ولا كذبنا طوالي قعدنا معاها وشربنا قهوتنا واتونسنا م قمنا منها الا لصلاة الضهر ؛ صلينا وشهد سألتني : عايزه تعملي شنو ؟!...قلت ليها: دايره انوم🌚💙..
قالت لي: لما تنزلي جامعه النوم دا تشتهي م تلقي ؛ قلت ليها: عشان كدة دايره انوم عشان انتقم منو ...ها وانتي عايزه تعملي شنو ؟!....قالت لي وهي مبتسمه: اشتقت ليهو ح اتصل ليهو نتكلم حبه ؛ قمت من مكاني وقلت ليها: شنو شنو!؟....قالت لي: السمعتي ....قلت ليها: منفسك تحكي لي ؟؟!...قالت لي: م قلتي دايرة تنومي !...قلت ليها: احكي لي بعد داك بنوم ؛ بتعرفي من متين ومن وين ؟؟..ومن متين انتي بتحبي ؟!...
ولاقيتي وين ؟!...قالت لي: براحه براحه ح احكي ليك كل شي؛ يلا هو.....
يتبع.....
