وقفت جنب الباب عايزه ادخل بس كان احس ليك بزول اداني كف...ومع انو الكف اداني ليهو فوق النقاب بس كان حار شديد ؛ اتلفت على الزول ال ضربني بس كان اشوف ليك حازم ( ود خالتي ساكنين جنبنا ؛ وهو من النوع الصعب داك وما بتفاهم نهائي ؛عندو اخت واحدة مكرهها العافيه مانعها حتى من الطلعه ؛ وانا بكرهوا موت).....عايزه افتح خشمي واتكلم معاهو ...قال لي بصوت عالي: هوووس ولا كلمه ما اسمعها ؛ الليل دا كلو كنتي وين ؟!...وكمان نازله من عربيه ولد !..ما بتخجلي وقدام بيتكم !..ع الاقل احترمي نقابك دا ؛امي سمعت الجوطه جات طالعه من البيت عاينت لي ولقت عيوني ملنات دموع قالت لي: ولاء مالك بتبكي !......اشرت ليها عليهو وقلت ليها: ود اختك دا اداني كف؛ قلت ليها كدا وعايزه ادخل مسكتني من يدي وقالت : مديت يدك على بتي لييه ي حازم ؟!.قال ليها: نازله من عربية ولد وكمان نزلها قدام الباب والصباح!...امي طوالي ادتو كف وقالت ليهو: اوعك تقول عن بتي كدا بقطع ليك لسانك سامعني !بتي وانا بثق فيها ما بتعمل شي غلط ؛ سلطتك دي ما تعملها على بتي ...بتي مربيه واوعك تغلط وتقول عنها شي ما ياهو ؛ وانت ي حازم ما ليك اي حق على ولاء دي وتاني ما اشوفك تتعرض ليك واضح !... حازم عصب شديد لما عروقو ظهرت ؛ عاين لي امي وقال ليها: هسي ما عندي حق فيها ؛ بس لما يكون عندي فيها حق صدقيني ما ح ارحمها نهائي ؛ومشي طوالي....امي مسكتني دخلتني جوا طلعت النقاب ؛ وطبعا عيوني على ال عليهن وارمات..
قالت لي: اوعك يولاء تخلي زول يغلط فى حقك ولا اي بشر ؛ خليك ماشه بمبدأ اي شي ولا الحقارهه...ما تسمحي لزول يشك فيك او يحاول يمس سمعتك بسوء
اوعك تتعودي انك تكوني ضعيفه ؛ ما كل مره ح تلقي زول يدافع عنك كوني لنفسك كل شي سامعاني ولا لا؟!...قلت ليها: حاضر ي ست الحبايب ؛قالت لي : يلا احكي لي الحصل معاك امس فى المستشفى ....حكيت ليها كل شي لغاية لما مهند وصلني ؛ قالت لي: ما تاخدي فى بالك يلا اطلعي ادوشي ونومي قلت ليها : سمح ؛ وطلعت غرفتي انجدعت ونمت على طول 😂.
عند شهد:
كنت نايمه فجأه كدا حسيت بيد بتمسح على شعري افتكرتها دي ولاء فتحت عيوني شويه شويه بس كان اشوف ليك امي جنب راسي وشهاب قاعد جنبها ؛ عاينت ليهم وغمضت عيوني تاني قلت يمكن بتخيل ؛ بس لما سمعت صوتها وهي بتناديني اتأكدت انها جات بجد ...قلت ليهم: انتو جيتو متين؟!......
امي قالت لي: بليل اتصلت فى تلفون مقبل عشان اطمن عليهو لقيتو مقفول ؛ واتصلت ليك ولخالتك والاتنين ما رديتو ....وطبعآ ما عندي رقم مهند ؛ فضلت اتصل واتصل لما مهند رد لي قلت ليهو: امك ليه ما بترد على مكالماتي ؛ قال لي: امي فى المستشفى ؛قلت ليهو :خير فى شنو.!....حكي لي كل شي وانا طوالي اتصلت لشهاب وحجزنا فى اول رحله....المهم انتي هسي كيفك ؟!..انا كويسه ي امي بس ياهو من الصدمه حصل لي هبوط حاد وانا اصلآ مرهقه من يوم امس ؛ طمنيني مقبل كيفو ما قادره اطلع اشوفو قالت لي: حالتو حاليا مستقره ولبعدين المساء كدا ح ينقلوهو غرفه عاديه ؛ هسي انتي ارتاحي عشان لما يصحى المساء يلقاك جنبو ؛ قلت ليها: سمح....وقبل ما يطلعو خالتو صفيه ام ولاء جات داخله سلمت علينا وشهاب طلع خلانا ؛ سألتها : وين ولاء ؟؟...قالت لي: فى البيت ؛ قلت ليها: هى كويسه ؟!حاسه انو عندك شي عايزة تقوليهو ؛ قالت لي: والله يشهد ما عارفه اقول ليك شنو هي طبعا وصلها مهند البيت ؛ وانتي بتعرفي ود اختي حازم دا صح ؟!..قلت ليها: اي بعرفوا واحد غير العنف ما عندو شي ؛ قالت لي: اي بس ياهو ؛ يلا هو شاف ولاء وهي نازله من عربيه مهند واول ما مهند اتحرك هو جاء عليها بكل قوتو واداها كف....وجاط فيها ؛ وانتي اكتر واحده عارفه ولاء حساسه قدر شنو!....ما حصل انا ولا ابوها ضربناها بس هو اتجرأ وضربنها ؛ قلت ليها: كيف يعني يمد ايدو عليها...وانتي ي خالتو سكتي ليهو!....قالت لي: لا اول شي رجعت ليهو كفو وشاكلتو بس والله يشهد حازم دا منو خوف ؛ اذا لقى طريقه فى ولاء ممكن يقتلها عادي ولا بهمو...قلت ليها: اطمني ما ح يحصل شي ؛ قالت لي :وانا ما بقدر اقعد هنا كتتير شويه كدا وارجع لولاء فى البيت لانها ح تكون نايمه والبيت فاضي وانا ما مطمنه ؛ قلت ليها: طيب امشو اقعدو مع خالتو سوسن شويه وبالمره سوقي معاك امي دي ترتاح حبه ؛امي قالت لي: انا ما بطلع بدونك ؛ قلت ليها: خلاص اطلعو خلوني انوم 😂؛
قاموا طلعو ؛ بس ما انتبهو انو فى زول كان واقف جنب الباب وسمع كل الكلام .
نايمه فى امان الله فجأة كدا تلفوني يتصل ويصحيني ؛ يالله يخ دا شنو انا من متين بتجيني مكالمات اصلآ ...شلت التلفون ورديت عليهو من غير ما اشوف الاسم زاتو 😂...واول ما سمعت الوو قمت ناطه من السرير ؛ قلت : مهند!...
قال لي: متذكره صوتي !...قلت ليهو: انا ما بعرف ولد غيرك فعشان كده....وسكت
قال لي: مالك سكتي ؟!..قلت ليهو: لا ماف شي ؛ قال لي: بالمناسبة اسف ....
قلت ليهو : بالنسبه لشنو؟!...قال لي: بالنسبه لانو انتي انضربتي بسببي وشكو فيك وبسمعتك وبأخلاقك ؛ انا سكت وما قلت ليهو شي لاني نسيت الموضوع وهو ذكرني ليهو ودموعي نزلوا عشره عشره
لما شافني سكت كتتير قال لي: ولاء!...
قلت ليهو: اها !...قال لي: بتبكي ؟!....
قلت ليهو: اصلآ كان نفسي ابكي من قبيل بس نسيت الموضوع وانت ذكرتني قال لي: يعني بدل اخفف عنك زدتو عليك!...قلت ليهو وصوتي ما قادره اطلعو من البكاء : ما مشكلة عادي...قال لي: ح اخلي حازم يبكي دم لانو مدا يدو عليك ؛ يعني هو مفتكر انو بالطريقة دي هو راجل ؟!..ح اخليهو يندم ؛ ويفكر الف مره قبل ما يحاول يتعرض ليك ؛ قلت ليهو: مهند !...عايز تعمل شنو ؟!...قال لي: اخد ليك حقك منو وقفل الخط على كدا ؛ وانا طبعا فى اللحظه دي النوم طار من عيوني....اتوترت شديد وبقيت امشي واجي فى الغرفه مرت ساعتين وتالته ولسه ما عارفه مهند عمل شنو مع حازم ؛ فى النهاية النعاس غلبني ونمت ؛ ما صحيت الا وامي بتقول لي: قومي يولاء قومي والبسي عبايتك ونقابك فى شى لازم تشوفي وشكلها مبسوطه شديد قمت وقلت ليها: فشنو ؟؟..ابت توريني ؛لبست سرعه سرعه ونزلت معاها تحت؛لقيت.............
يتبع.....
