المهم الخبر هو انو يوم الاحد الجاي ح يبداء التسجيل...قلت ليها: تسجيل شنو!
قالت لي: تسجيل الجامعه يغبيه؛ قلت ليها: متأكده!...لميتي فى الشمار دا من وين!...قالت لي: اي متأكده...شمار ولا فلفل وهيهي 😂😂....شهد عليك الله بطلي تفاهه ؛ قالت لي: لقيتو فى صفحه الجامعة على الفيس بوك ؛ الاعلان دا ليهو 3 يوم من يوم الاحد الفات نزلوهو فى الصفحه والليله الاربعاء اتخيلي بس اني ما شفت الاعلان ....قلت ليها: سجم امي الرجياني ابقى ليها دكتوره كان ما شوفتيهو مستقبلي كان ضاع 😂...وهسي يعني الاحد البعد 3 يوم دا ح نمشي الجامعة!..تصدقي يشهد انا ما عارفه الجامعة وين ولا عارفاها بعيده ولا قريبه 😭😂...قالت لي: فى حاجه اسمهاGps 😎👏...قلت ليها: انا بس خايفه جدولنا يكون ما موحد؛ قالت لي: اصلآ ما ح يكون موحد...لانو مجالاتنا مختلفات عن بعض والاتنين صعبات فعادي يعني يوم اكون انا شغاله وانتي لا
وعادي محاضراتي تنتهي بدري وانتي يومك يكون طويل ...قلت ليها: شهد يخ ما تخوفيني ...قالت لي: يبت هيي بطلي خوف اتعودي انك تمشي براك... الجامعة بتعلمك انك تعتمدي على نفسك؛ ويولاء الجامعة ما ذي توقعاتك ح تتصدمي لما تدخليها وتقري فيها شهر ح تعرفي انو الجامعة ما فيها مكان للعب ولا الخوف..
ح تتعبي عشان تصلي للمكان العايزاهو فى وسائل تشتيت كتيره فى الجامعة ح تشتت انتباهك...بس انتي لازم تركزي على هدفك لما تتخرجي ؛ قلت ليها: دقيقة دقيقة يشهد الكلام دا جبتي من وين ؟...محسساني ديك يبت الواعيه والفاهمه 😂...قالت لي: ما تنسي انو اخواتي كلهم فى الجامعة وكنت بمشي مع كل واحدة فيهم ؛ واستنتجت الكلام دا من حالة اخواتي البشوفها بعد ما ينزلوا الجامعة بشهر ؛ فى البدايه بكونوا متحمسين شديد ومبسوطين شديد بالجامعه دي بس اول ما المحاضرات الجد جد تبداء بتجرسوا ووقت يفطروا فيهو ما بلقوهو ...قلت ليها: خلاص قومي لي من وشي من الصباح سديتي لي نفسي 😂...قومتها وطلعتها من غرفتي ؛ غسلت وشي واتسوكت ونزلت لقيتهم بشربوا فى الشاي صبحت عليهم وقعدت معاهم ولقيت شهد وصلت ليهم الشمار....قلت لشهد: وبالنسبه لاننا مفروض نمشي السوق نشتري ملابس للجامعه!...قالت لي: الايام دي ما عندي مزاج لمشية السوق ...اول شي نمشي الجامعة نسجل ونشوف جو الجامعه كييف !.. عشان اقرر اشتري ياتو نوع من الملابس ؛ اما بالنسبه ليك انتي ح اختارك انا طقم كامل ....قلت ليها: كيف يعني طقم كامل!...قالت لي: عبايه طرحه نقاب جزمه....ح نشتري 4 بس عشان انتي ما شاء الله ما محتاجه...بس اوعك تقولي لي مكسله كل مره البس عبايه جديده ؛ وشوفتي يولاء ما بتطلعي من البيت دا بدون كحل بس وريتك ...قلت ليها: الحكل لوزمو شنو؟!...قالت لي: حصل مره شفتي نفسك بتطلعي حلوه كيف وانتي مكحله !...قلت ليها: انا اصلآ عندي واحد لعيوني لكن ما بعملوا ....قالت لي: عشان انتي هبله ؛ شربنا الشاي وطلعنا انا وشهد غرفنا وبدينا نرتب مع بعض ملابسنا عشان نعرف اذا فى شي لازمنا او لا ......3 ايام عدت من غير اي تفاصيل تذكر ؛ وجاء اليوم المفروض نمشي فيهو الجامعه....صحينا بدري شديد لاننا كنا متحمسين شديد بإعتباروا دا اول لينا يوم وكدا ؛ طلعنا من البيت الساعه 7 انا ركبت مع ابوي وشهد ركبت عربيتها وجات ورانا .... وطبعا شهد لانها مفتحه اكتر مني ما محتاجه ليها زول يساعدها فى الإجراءت ؛اول ما وصلنا الجامعه ودخلناها راسنا لف وما عارفنا احنا وين ولا ماشين وين😂😭!...بعد جهجه لقيت كليتي وقبل ما ابداء اجراءت التسجيل اتصلت لشهد وقالت لي: لقيت كليتي وبديت الاجراءت...قلت ليها: طيب لما تخلصي اتصلي لي ؛ وقفلت على كدا ؛ وتاني بدينا الإجراءت انا وابوي وما خلصناها الا الساعه 3.... وشهد نفس الشي اتصلت ليها واتلاقينا فى البوابه ؛ ابوي رجع الشغل وقلت لشهد ارح نلف فى الجامعة حبه 😂...قالت لي: ارح....لفينا فى الجامعة لمدة ساعتين لما جعنا 😂😂 فتشنا كافتيريا عشان ناكل بس للأسف كلهم مقفلات ؛ قلت لشهد: بعد دا الرجعه وجبت😂....قالت لي: طيب ؛ طلعنا من الجامعة ؛ مشيت على العربيه وفتحت الباب عشان اركب وقبل ما اركب شفت لي ولد ماشي فى نص الظلط وما منتبه على نفسو وكان فى عربيه ماشه فى الظلط وجايه عليهو بس هو ما حاسي بيها ما عارفه كيف!...بس لقيت نفسي ......
يتبع.....
