حلم العمر

البارت الخامس

استيقظ ادهم من نومه قام دلف الي المرحاض الملحق بغرفته توضأ وخرج ادي فرضه
وارتدي ملابسه التي كانت عباره عن
بدله من اللون الرمادي ولم يرتدي الكرافت فهو يشعر بالاختناق منها ولا يفضلها
وارتدي ساعته الثمينه ورش عطره وخرج
وعندما نزل للاسفل
وجد والدته جالسه
ادهم وهو يقبل يدها: صباح الخير يست الكل
امنيه: صباح الخير ياحبيبي اقعد هخلي رضا تجهزلك الفطار
ادهم:يا حبيبتي انتي عارفه مبحبش افطر
امنيه:مش عارفه ازاي دكتور ومش فاهم ان لازم تفطر
ادهم:ههههههه اعمل اي طيب مبحبش افطر  ادعيلي انتي بس وانا ماشي
امنيه:ربنا يوفقك ياحبيبي ويسعدك وافرح بيك قريب
ادهم:وهو يقبل يدها ربنا يخليكي لينا يست الكل
امنيه:ويخليكم ليا ياحبيبي
ادهم:يلا سلام
امنيه:مع السلامه يا حبيبي
      ________________________________________
في مكان اخر في شقه بسيطه
استيقظت بطلتنا لتفتح عينيها ليطل علينا بركتي من العسل الصافي
قامت ايلين دلفت الي المرحاض توضأت وخرجت ادت فرضها وارتدت ملابس مكون من
فستان ديق من الاعلي ويتسع من بداية الخصر نزولا للاسفل بلون السماوي وحزام من اللون الاسود فهي تعشق هذه النوعيه من الفساتين وتفضل ارتدائها دائماً وارتدت حجاب بنقوش تجمع بين اللونين  وضعت كحل حول عينيها فهي تعشق تكحيل عينيها
خرجت وجدت والدتها في المطبخ تعد الفطار
ايلين:صباح الجمال يا ماما
فاطمه:صباح النور ياحبيتي صحي اخوكي عقبال ما احط الفطار
ايلين:حاضر
ذهبت ايلين الي غرفة اخيها
ايلين:مرواااان  مرواااااان
مروان:ابه يبنتي صرعتيني
ايلين: قوم يلا علشان.متتأخرش علي مدرستك
مروان:طيب خلاص قومت امشي انتي بقي
ايلين:امشي علشان تنام تاني ابداااا ميحصلش مستحيييل
مروان:ماخلاص يبنتي صدعتيني
ايلين:قوم ياااض
مروان:يخربيت زنك الله يكون في عون اللي ربنا هيبتليه بيكي
ايلين:قول يابخته هياخد قمر الناس هتحسده عليها
مروان:قمر فين القمر دا انا مش شايف
ايلين وهي تقذفه بالمخده :يبقي نظرك ضعيف يخويا اكشف والحق نفسك
مروان:طيب يلا من هنا يختي خليني اقوم اجهز
ايلين:ع اساس اني مسكاك يخويا
مروان:نفسي في مره ملاقيش عندك رد لكل كلمه
ايلين:هههههه ابداااا
مروان:روحي يا ايلين اخرتي علي شغلك يحبيبتي يلا مع السلامه
ايلين:طيب يلا قوم علشان نفطر
مروان:حاضر خلاص قومت هلبس واجي
تركته ايلين ووخرجت

جلسو جميعا يتناولون الفطار
مصطفي:عامله ايه ف الشغل يا ايلين
ايلين:الحمدلله يا بابا الشغل والمكان كويس
مصطفي: رينا يوفقك يا حبيبتي
ايلين يارب يا بابا

انهت ايلين فطارها وتركتهم وغادرت متجهه لحيث مكان عملها

    ___________________________________________
وصلت ايلين الي المستشفي وعندما دخلت الي القسم الذي تعمل به وهو قسم الجراحه

كانت هناك طفله تبكي وممرضه بغيضه تدعي هناء تريد ان تعطيها الحقنه ولكن الفتاه خائفه فاصبحت تبكي بشده
هناء: يوووه بقي اخلصي مش فضيالك
الطفله وتدعي لميس
لميس:  لا ياماما  مش عايزه متخليهاش تديهالي
هناء: بغضب وصوت عالي اخلصي بقي
الطفله وهي تتشبس بوالدتها  وتبكي بشده والنبي يا ماما بلاش
هناء وكادت ان تصرخ بالطفله ولكن قطعتها ايلين
ايلين بغضب: ايه اللي انتي بتعمليه ده في حد يتعامل مع اطفال بالطريقه دي
هناء بغضب: وانتي مالك
ايلين: هو اي اللي انتي مالك في ممرضه عاقله تتعامل مع طفله كده  انتي تقبلي حد يعامل اولادك كده ولا انتي انانيه ومبتفهميش في التعامل مع الاطفال
هناء:انا مسمحلكيش تغلطي
ايلين بغضب: وهي تاخذ منها الحقنه اوعي انا هديهالها وانتي لما تتعلمي ازاي تتعاملي مع الاطفال ابقي اتعاملي معاهم
كادت هناء تلك البغيضه ان تتحدث ولكن تركتها ايلين وتحركت تجاه الطفله التي كانت تختبي في والدتها بذعر