حلم العمر

الحادي عشر

اتجهت ايلين الي الشناوي جروب اكبر شركات التصميم الهندسي التي رشحها لها مستر ياسين بعدما اخبرته بطلبها
Flash  Back
ايلين: ممكن اطلب من حضرتك طلب
ياسين: اكيد طبعا اتفضلي
ايلين: انا حابه يكون عندي شركه خاصه بيا للتصميم ودا كان حلمي
ياسين: عايزه تسيبينا يا ايلين
ايلين:  اكيد انا مبسوطه جدا بوجودي معاكم وشغلي مع حضرتك بالاخص بس دا كان حلمي من الاول ان يكون عندي شركه خاصه بيا
ياسين: وكمان يستي هتنافسينا
ايلين:  دا مستحيل طبعا اكيد. هيكون في شغل مشترك بينا
ياسين:  طيب ما طيب ليكي معانا احسن
ايلين:  معلش يا مستر ياسين بس دا حلمي
ياسين:  وانا بشجعك وفخور بيكي جدا
ايلين:  انا متشكره جدا يا فندم
ياسين:  انتي زي بنتي يا ايلين واللي بتعمليه دا يخليني فخور بيكي كأب مش بس في شغل  وان موهبه زيك خارجه من شركتي ربنا يوفقك
ايلين:  ميرسي جدا لحضرتك
ياسين:  وهو يخرج لها كارت ودا كارت لشركة الشناوي جروب صديق عمري هيساعدك جدا في تنفيذ الشركه وكل اللي انتي عايزه كلميهم خدي منهم ميعاد وعرفيه انك تبعي
ايلين ميرسي جدا لحضرتك بجد مش عارفه اقولك ايه
ياسين:  خليتي ديما فخور بيكي
ايلين:  ان شاء الله يا فندم
لتهاتفهم بعدها  وتأخذ معاد من السكرتاريه
Back
دخلت ايلين المكتب بعد ان اذنت لها السكرتاريه بدخول
ايلين:  السلام عليكم
احمد: وعليكم السلام انتي ايلين
ايلين:  اه يا فندم
احمد:اتفضلي  ياسين موصيني عليكي جدا
ايلين:  مستر ياسين مش، بس رئيسي انا بعتبره في مقام والدي
احمد:  وهو كمان بيعزك جدا ودا واضح من توصيته الجامده عليكي
ايلين:  ميرسي جدا يا فندم
احمد:  اتفضلي ايه اللي انتي عايزاه بالظبط
       ____________________________________________
كان ادهم يجلس في مكتبه وهو يتطلع الي صورها واخبارها فقد علم من خلال الاخبار بأنها قد عادت من الخارج كان يتمني ان يراها فقد اشتاقها جدا
ولكن عقله يؤنبه فكيف مازال يفكر بها ويتمني رؤيتها وهي من رفضته ليظفر ادهم بضيق
ليعود لمتابعه اعماله مره اخري محاولا تجنب التفكير بها الذي فشل فيه خلال الثلاث سنوات السابقه
     _________________________________
انتهت ايلين وودعت احمد وخرجت ع وعد باللقاء مره اخري فقد اخبرته ايلين بما ترغب به بالضبط 
احمد:  تمام جدا هنشوف اللي حضرتك طلبتيه وان شاءالله ابلغك بالاجتماع يكون اولادي حاضرين معانا فهما كمان بيديرو الشركه معايا
ايلين: تمام يا فندم اتشرفت بمعرفة حضرتك مع السلامه خرجت ايلين من الشركه وهي تشعر بشعور غريب لا تعرف تفسيره فهي تشعر بانه قريب منها وقريب جدا
ركبت سيارتها وعادت الي شقتهم

             _____________________________
كانت ايلين تسير بالسياره الخاصه بها التي اشترتها حديثا اعلن اشارة المرور التوقف توقفت ايلين وفجأة اصتدمت بها بالخلف سياره اخري تنزل ايلين لتري ماذا حدث
في السيارة الاخري
روان:  يا نهار اسود
تنزل من السياره وهي تهتف
روان: انا اسفه والله مخدتش بالي انا اسفه
ايلين: حصل خير ولا يهمك
روان:  وهي تنظر لها  انا حاسه اني شوفتك قبل كده
ايلين:  انا اسفه  بس انا اول مره اشوفك
روان وهي تتذاكر:  اه صح اني ايلين الشرقاوي مصممة الازياء صح
ايلين بأبتسامه:  اه انا
روان:  واااو انا من اشد المعاجبين بالديزين بتاعك حقيقي مبدعه
ايلين بأبتسامه:  حبيبتي ميرسي جدا
روان:  انا اسفه علي اللي حصل
ايلين:  حصل خير ولا يهمك
روان: وهي تمد يدها وتصافحها ممكن نبقي اصحاب انا متابعه كل ديزين بتنزليه
ايلين:  وهي تصافحها اكيد طبعا يا حبيبتي
روان وهي تمد يدها ممكن فونك
ايلين:  اتفضلي وتعطيه لها
لتاخذه منها روان
تهتف بعدها تمام كده سجلت رقمي ورنيت عليا هبقي اكلمك
ايلين وهي تضحك علي تلك المجنونه المتسرعه:  تمام
لتبدا بعدها السيارات بالتحرك تباعا لاشارة المرور
لتعود ايلين الي سيارتها وتذهب بعد ان تواعدت مع رولن علي ان تهاتفها
     ________________________________________
كان احمد يجتمع مع كلا من ادم وادهم في الشركه وهو يحدثهم بشان عمله مع ايلين
فقد انضم اليهم ادهم يعمل معهم في الشركه بعد.تعب والدها حتي يخفف الحمل ولة قليلا فقد رفض والده ترك الشغل واضر علي استمراه في العمل بالرغم من محاولاتهم الكثيره معه الا انها باءت بالفشل واصر علي ممارسه عمله فهو عاشق لعمله
احمد: انسه ايلين متوصي عليها جدا من صديق عمري ياسين عايز شغل كويس
ادم: ان شاءالله الشغل هيبقي تمام جدا
عند ادهم كان ف عالم اخر من اول ما سمع من والده اسمها وهو في عالم اخر ايعقل ان يعود ويراها بل ويعودو يعملو معاً
ادهم معقول يا ايلين معقول بعد السنين دي كلها ارجع واشوفك تاني ليفيق علي صوت والده وهو يهتف ادهم سرحان ف ايه
ادهم: احم انا اسف يا بابا مرهق شويه بس
احمد: في حاجه حصلت بتفكر فيها
ادهم: لا ابدا انا مفيش حاجه
احمد طيب تمام اتمني تكون فهمت كلامي وكنت معانا اصلا
ادهم:اه يا بابا تمام فهمت
احمد تمام انا هكلم روز تتفق مع ايلين  علي معاد الاجتماع
ادهم وادم:  تمام
ليخرج بعدها ادهم بعد ان استأذن منهم
احمد:  اخوك ماله
ادم: مش عارف كان كويس قبل الاجتماع