........💕.......
هلو بنات اشلونكم انشاء الله زينين .....
يلى لنبدي.......💞.
خافت ناديا من فيصل وطلعت من غرفة بسرعة واما فيصل وكتها أجن جنونة فكام من مكانة بسرعة وبدة يروح ويجي و يكول لنفسه...
...أشلون تصير هيجي لا مستحيل لا مستحيل اخلي جنان تروح لغيري لا ....
وبنفس وكت رجعت ناديا غرفتها وجانت مستغربة من ردة فعل فيصل فكعدت على جرباية وكالت بأستغراب...
..... من البارحة ما اعرف فيصل أشبيه هو كبل ما جان يتهم بجنان اشو اشبيه من البارحة ...
بعدها كامت ناديا من جرباية وكالت بدون اهتمام ... اوي اني شعلية ........
بعدها كالت بأنزعاج.... اه لازم اخلي واحد ياخذني لسوك ....
وكتها تذكرت صكر فكالت ...مستحيل اخليه يوديني ..
فتذكرت فجاتا مشتاق فكالت بفرح....اي تذكرت مشتاق راح هو الي ياخذني للسوك احسن ....
بوكت عصر غيرت ناديا ملابسها وحطيت مكياج خفيف وبعدها طلعت من غرفتها وراحت للغرفة مشتاق ولمن طبت لغرفته طلبت منه يوديها لسوك فوافق
مشتاق على طلبها وطلب منها وقت حتى يجهز نفسه وبعد فترة طلعو من بيت و راحو للسوك .......واما فيصل وكتها غير ملابسه وراح للمكتب ولمن وصل طلب من مساعدة انو يجيب معلومات عن بيت مطر .....واما بالقصر شيخ ريسان
وتحديدا بديوان طلب شيخ فهد من شيخ رشيد أيد ناديا ﻹبنه صكر وكتها فرح رشيد بالخبر وطلب من فهد اخذ راي ناديا بالموضوع فقبل شيخ فهد واما صكر طلع وكتها من غرفته وراح للمطبخ ولمن دخل شاف شيخة سوسن تحضر عشة فكال...
...اليوم عشانة شنو ...
ابتسمت سوسن وكالت... برياني ...
فرح صكر وكال ...صدك ....
سوسن ....ادري بيك تحبها هلسبب طبختها اليوم...
اقترب صكر وباس راسها وكال ...اشكرج يا أحلى عمة بدنيا زين محتاجة شي...
هزت راسها ب لا وكالت...وانته محتاج شيء ...
صكر...لا ....بعدها كال صكر بأستغراب....زين ناديا وينها ما شفتها ...
كالت سوسن وهي مشغولة بالطبخ....راحت للسوك ويه مشتاق...
انزعج صكر من كلامها بعدها كال بتوعد ....ماشي...
وكتها ترك صكر مطبخ ورجع لغرفته ولمن دخل لغرفة شاف كدامه طاولة بيها كتب وكتها شال كتب وذبها بالكاع وبعدها كعد على كرسي وخله ايدة على كصته وصار يفرك كصته بعصبية وهو يكول بتوعد
.....بسيطة....
وبوكت مغرب رجعو ناديا و مشتاق من سوك وجانو كلش متونسين وبعدها كلمن دخل غرفته دخلت ناديا غرفتها وغيرت ملابسها ولبست تراك رصاصي وبعدها طلعت وراحت للمطبخ ولمن دخلت سلمت على كل وبعدها شربت ماي وطلعت من مطبخ وبطريق شافها ابوها طالعة من مطبخ فصاح الها تجيله فراحت اله وكالت....
