ۛ ּحۡــب ۛ ּڣــېْۧ ا̍ڶــڠــڕبــۃ💘

P.A.R.T 03

 تعدات الايام على ابطالنا وحياتهم ماشية عادي رنيم ورؤوف ولو اصدقاء قراب تحكيلو اسرارها ويحكيلها اسرارو وعرفاتو بمروى لي غير شافاتو طاحت فيه وعشقاتو وهو ثان تعجبو مروى بصح مابطلش عقليتو باقي مع السهريات والخرجات والبنات وشعيت غير يكبر في خدمتو ويزيد وكل اهتمامو بالخدمة والشركات لانو هاب يشغل نفسو باه مايرجعش للعقلية لقديمة تاع الفلسة والشراب والنساء والسهريات ايه نعم شعيب كان كيما رؤوف ولي بدل حياتو وخلاه يرجع طريق الصحيحة موت خوه نسيم لي دار حادث ومات بعدو الي خلى باباه يولي مقعد بعدما تعرض لجلطة وتحمل هو المسؤولية بعد نسيم وهو يعرف بلي موت خوه مكانش حادث alors قرر انو يدخل لنفس الخدمة تاع خوه ويحوس على المسؤول على موت خوه .... تعدات الايام والشهور بسرعة وبطلتنا غير مع القراية وتحاول تقنع امها باه تخليها تكمل قرايتها في امريكا باباها كان موافق على تحقيق حلمها امها كانت خايفة عليها لانها عمرها ولا بعدت عليها وهي متعلقة بيها فوق اللازم لانو ختها لكبيرة لجين24 عام تخدم في شرطة مع باباها واريج صغيرة ومدللة العيلة ومتعلقة بباها اكثر من امها كانت رنيم محبوبة الاساتذة وحتى الذراري لي يقرو معاها كانو كامل يحبوها ويحبو يحكو معاها غير هي كانت تصد الجميع لانو مخها ماشي مع الحب والعلاقات كان همها الوحيد تنجح وتروح تكمل قرايتها برى ...... شعيب كان قاعد في البيرو تاعو حتى دخلت السوكريتير تاعو ومعاها ظرف حطاتو فوق البيرو وخرجت لانو شعيب مايحبش يهدر بزاف شاف مع الظرف فتحو وكانت الصدمة عينيه حمارو وضرب البيرو بيدو وعيط لمراد مدير العام تاع الشركة مراد: سلام ميسيو عيطتلي شعيب: شوف ورمالو الضرف مراد: هذي ماشي مداموزال لبنى ؟؟؟ شعيب: كاين شكون حب يبعثلي تنبيه بلي اختي تحت عينيهم مراد : مالا لازم تهبط لدزاير شعيب: نت مريض لالا انا لازم نروح عندها ....يتبع