ناضت الصباح قبلو طلعت راسها كان راقد ومعنقها تقول راح تهرب طلعت يدها وبقت تعدي فيها على لحيتو وشفافو وهو بدا يحل في عينو بشوية .... شعيب: صباح الخير حبيبي😘..... رنيم: صباح نور شوشو .... شعيب: ههههههه باه نتفاهمو شوشو هذي غير كي نكونو وحدنا ماتبهدليش بيا اوك .... رنيم: ااااا صار هكا اوك خلاص مانزيدش نقلك لا وحدنا لا قدامهم ..... وبحركة سريعة جابها تحتو رنيم حشمت ودخلت بعضاها..... شعيب: وين راح صوتك قولي عاودي واش كنتي تقولي.... رنيم: ماقلت والو وحطت يدها ورى رقبتو قتلك نت شوشو 😘 وبيبي وشعبوبي وحبيبي وكلش في حياتي ..... شعيب: اواه نتي خلاص مابقيتيش تخافي واش ندير فيك ذرك قولي .... رنيم: والو وطبعاتو ناض من فوقها ذرك تروح تبدل حوايجك وتروح تخدم وانا نروح نقرى عندي جامعة ودخلت لدوش حك شعرو وهبط يدو على وجهو ولحيتو ضحك وخرج راح عند لبنى علابالو بلي زعفها البارح .... شعيب: ندخل ..... لبنى: ادخل خويا .... لبنى: خويا انا ..مخلاهاش تكمل... شعيب: اششش وجبدها عندو عنقها ويحكي نتي اختي وروحي شكون بقالي من بعد امين وزيد بابا وماما بعاد نتي امانة عندي نتي بنتي ماشي اختي مفهوم.... لبنى: زيرت يدها على حزامو ربي يخليك ليا شعيب نموت عليك باس راسها وبعد عليها .. شعيب: يلا نخليك انا لازم نروح نبدل باه نوصل رنيم للجامعة ومن ثم نروح للخدمة تهلي في روحك وبركاي من الهربة بلاك تحسابي ماعلاباليش بلي تخرجي من ورايا لبنى: كان علابالك .... شعيب: هههههه حاجة ماتخفى عليا لولو.... لبنى: صحا خويا مانخرجش.... لبنى: خويا ... شعيب: امممم... لبنى: رنيم تحبك وهي بزاااف مليحة عندك عليها ..... شعيب: شوفو لي كبرت وولت تنصح فيا .هههههههه حط يدو على شعرها وحركها وخرج ....لبنى: شعري شعيب وزيد انا كبيرة مانيش صغيرة ......
خرج من عند لبنى ورجع عند رنيم شعيب جاب دواها وكاس ماء شرباتو وحط الكاس ..... رنيم: هيه انا صغيرة صغيرة تاع شوشو ..... شاف فيها عوج راسو وتبسم: مليحة شوشو هذي شعيب***** ولى شوشو مليح
دخل لشمبرة تاعو عمل دوش ولبس وهبط يصفر في دروج لقى رنيم ولبنى يفطرو ويضحكو ..... شعيب: الله الله مانا عايشة ريحة تشهي هكا راح ترديهملي بقرات هههههه ....... عايشة بصحتهم وليدي خلي ياكلو وانا علاه نطيب مالا ماو باه ياكلو ...... شعيب باس راسها ربي يخليك لينا نتي البراكة تاعنا بصح علميهم يطيبو كيفك ماشي توكليهم برك ههههههههه....... لبنى: انا مانتعلمش كاين ماما عايشة طيبلي حتى نتزوج نديها معايا ...... شعيب: ههههههه لالا ماما تبقى معايا ياك ماما عايشة شعيب نت وليدي بصح نت تتزوج مرتك طيبلك لولو بنتي وين تروح انا معاها ماتنساش خليت بلادي ولادي وجيت معاها لاخر الدنيا....... شعيب:غمز 😉رنيم واش تعرفي طيبي.... رنيم شرقت في الحليب ووجها طلع احمر ..... لبنى: ايه ماما عايشة علمي رنيم باه كي نروح انا ونتي تجي معايا يلقى هذا المغبون شكون يطيبلو ...... رنيم : ماتنسايش بلي دزيرية حاجة باينة نعرف نطيب ..... لبنى: واو بصحتك خويا ... شعيب: هههههه بركاي من تكثار الهدرة ماولتيش تحشمي نتي وناض شاف مع رنيم ايا نتي نوصلك للجامعة ولا ماكيش رايحة رنيم: صحا نجيب صاكي ونجي ... شعيب: صحا اني برى في تاكسي........يتبع
أنت تقرأ
ۛ ּحۡــب ۛ ּڣــېْۧ ا̍ڶــڠــڕبــۃ💘
Short Storyجـبببببببــت ليكـــم. كرونيـــك. روعـــــة 😍😍😍😋 بعنوان: ۛ ּحۡــب ۛ ּڣــېْۧ ا̍ڶــڠــڕبــۃ 💞💞💞💘 اتلمو وسجلو حضوركم 😋 💓💓وعندما أغار ، أشتهي حبسك داخل قلبي الف عام حتى تهدأ غيرتي.......💓💓
