نصهر ومعايا احلى بنتين في امريكا كامل هيا هيا شعيب راسو في الارض كابس على يدو عروقو تبان كون لقى راهو كلا رؤوف ماكلة بصح ماعندو مايدير هو حب هكا مالا يتحمل......
خرجو حاكمين في يد رؤوف ويتمشو شعيب غير خرجو خبط الكاس لي كان في يدو على ارض كسرو وطلع لشمبرتو هو يتحلف في رنيم ويعاود ( مسكينة ديما تجي في راسها غلبها غير هي ههههه) وصلو للديسكو دخلو ظلمة وصوت الموسيقى قاوي حكمو طابلة وجاهم النادل تفضلو واش تحبو تشربو رنيم ولبنى طلبو عصير مالازمش يشربو واصلا رنيم عمرها ماشربت اما رؤوف قلو مشروب العادة( ماتسقسونيش على مشروب العادة لاني مانعرفش الاسماء المهم مو خمر وخلاص 😂😂😂) ..... رنيم : واو هبال السهرة مليح جيت ..... لبنى:هيا هيا نوضي نشطحو رؤوف شاف وحدة عادة على ( هذيك الطابلة وين يقدمو الشراب كيما البوتاجي مانعرفش اسمها) راح قعد بحذاها وطلب مشروب وهي كي كملت قال للنادل الحساب عليا شافت فيه وقتلو mrc وتبسمت ( راح يهدرو ويتمعشقو نخاف على احاسيسكم نتوما بايرات ايا ايا نروحو لبنى ورنيم😂😂).... رنيم ولبنى كانو يشطحو وقت 2 شباب حبو يرقصو معاهم ..... الشاب 1: واش زين راكي وحدك تحبي مرافق .....لبنى: صحى قوادتك طير خير ليك ..... الشاب2 : ونتي كوكو ايا معايا باين راكم وحدكم وجا راح يحط يدو على كتفها وتجبدو رنيم وتعطيه بونية لوجهو وتضربو على رجلو يطيح في الارض وتلويلو يدو وقت صاحبو جا راح يضربها لانو كانت عاطياتو بظهرها غير هز يدو باه يضربها والبونية تجيه من حيث لا يدري مسكين تلفتت لبنى:😱😱😱 شعيب رنيم غير سمعت شعيب تلفتت تلقاه حاكم هذاك الطفل بيد وحدة التنفس تاعو متسارع عينيه حمر باين بركان وراح ينفجر فشلت مسكينة حكم هذاك الطفل دمدمو فكوه منو
ذراع وحكم لبنى ورنيم وخرج بلا مايشوف وراه وصل للتاكسي ركب لبنى من تالي وقفل الباب وخبط رنيم على الباب تاع التاكسي .... شعيب: عجبك هكا علابالك كون ماوصلتش كان راح يضربك بالقرعة على راسك ممكن يسببلك نزيف وممكن جلطة وممكن تموتي نتي حمارة ماتفهميش واش قلت**** حابة تهبلي**** قولي اهدري***** ما***** مسكينة كانت ميتة بالخوف ولبنى تعرف غضب خوها وزيد هي صاحبة الفكرة كون تهدر قادر يقتها نورمال ...... رنيم: شعيب يدي وجعتني وتبكي ...... شعيب مسح على شعرو نفخ في وجها وبعد عليها حل الباب طلعها وعاود غلقو قول كسرو ماشي غلقو هو جا طالع ورؤوف جا شعيب شعيب وين رايح واش بيك ...... شعيب: كي كنت سيادتك**** مع**** هوما شعرة لا راحو فيها وين كنت كي تبلاوهم وين كنت كي جاكي شان تاعي ناضت تستعرض في عضلاتها داخل(رنيم غير سمعت تاعي بقت سارحة وتتبسم) طلع غلق الباب توله مع رنيم لقاها تتبسم حار نعل الشيطان وديمارا للدار ديراكت غير وصلو نزلت لبنى حبت توضح لخوها بصح هو ماعطاهاش فرصة عيط عليها وقلها اطلعي بيتك وعقابك مزال طلعت تجري وهو حكم رنيم من يدها ويجرجر فيها وصلها لبيتها ...... رنيم: شعيب انا مانيش عبدة عندك سيب يدي نت ماتحبنيش وانا مانعنيلك والو ومانيش من النوع المفضل عندك خلاص واش تحوس عندي نموت نعيش ننتحر نت واش دخلك يهز يدو ويعطيها كف ....... شعيب: نتي تاعي نتي روحي نتي كلش في حياتي نتي لي شايف ولادي منك نتي لي رجعتي الامل لعالمي ونزيد نسمعك تهدري على الموت صدقيني نقتلك انا ونتهنى اوك دموعها سبقوها شعيب جبدها لصدرو خلاص ماتبكيش خلاص سمحيلي عمري والله زعفت كي قلتي هكاك نحبك يامهبولة نحبك نتي عمري هي مسكينة ماهيش مأمنة واش تسمع عاودت عنقاتو وزيرت يدها كانها خايفة يعاود يهرب ....... رنيم: وانا نحبك نموت عليك نعشقك شعيب (😭😭😭وانا شكون يحبني وواااااع) باسها من جبينها وراح هي بدلت حوايجها وجت راح ترقد وهو دخل ....... شعيب: شربتي دواك ...... رنيم : لالا والله راح من بالي ..
أنت تقرأ
ۛ ּحۡــب ۛ ּڣــېْۧ ا̍ڶــڠــڕبــۃ💘
Short Storyجـبببببببــت ليكـــم. كرونيـــك. روعـــــة 😍😍😍😋 بعنوان: ۛ ּحۡــب ۛ ּڣــېْۧ ا̍ڶــڠــڕبــۃ 💞💞💞💘 اتلمو وسجلو حضوركم 😋 💓💓وعندما أغار ، أشتهي حبسك داخل قلبي الف عام حتى تهدأ غيرتي.......💓💓
