*ندى*فتحت اعيوني علي ضي الشمس 🌅 صبيت وخشيت للحمام وكنت فرحانه وبعد طلعت صليت وطبعا جاسر مش قاعد هنا استغربت بعد جيت نبي نطلع حسيت وكأن في حركه برا الغرفه انا من اشويه كنت برا وفي الحمام وما في شي استغربت هههه ومجرد ما نفتح باب الغرفه نلاقي ورده عالارض رفعت حاجبي وطبست وخديتها ومشيت اخرا ولقيت ورده تانيه هههه خديتها ولقيت تالثه ورابعه وتوا الخامسه وكل وحده من لون وحده احمر واصفر وابيض واورنج واخيرا الزهري ابتسمت وشميتهم ريحتهم حلوه بحتت في الباب يلي يودي للحديقه ويلي هو لقيت عند هالباب الورده الاخيره فتحته والباب دار صوت كأن جرس فجعني هههههه فجأه لقيته قدامي وبحت فيا وهو يبتسم ومسك يدي وعدا بيا شور طاولة الفطور يلي جهزه بيده قعدني عالكرسي وقال بأبتسامه حلوه 🌼
جاسر : صباح الورد والفل علي حبيبتي ونور أعيوني
ودكتورتي الخاصه ❤ ليا انا وبس
انا رفعت حاجبي علي كلمته الاخيره هههه بس هو ما عطاني مجال نحكي قرب مني وباسني 💋❤ دقات قلبي سريعه جدا بحتت في أعيونه وسرحت فيهم
جاسر ابتسم : حانفطرك بيدي وبدأ يبي يفطر
ندى : بس كنت مجبسه وتوا لا مش مجبسه نبي نفطر بروحي 🙊 توا نتعود عالدلع ونتعبك راه
جاسر ضحك : اذا ما دلعت اميرتي وحبيبتي حاندلع من قوليلي وقعد يفطر فيا ويبتسم
وانا بادرت وفطرته بيدي باس يدي واعيونه عليااا
قال بخبث : ليلة امس كانت حلوه وجميله ❤
انا وجهي قعد احمر وما قدرت نبحت فيه 🙈
جاسر خلاني نبحت فيه : ناعليا من الخجول انا
وكرني من الكرسي وقعدني علي كرعيه وبحت فيااا
جاسر : تحبيني زي ما نحبك ❤
ندى ابتسمت : طبعا انحبك ❤
جاسر همسلي قرب وذني : انا طول عمري نشتغل خذيت ايجازه سنه كامله عشانك انتي وانتي نفس الشي خودي ايجازه وتريحي فيهاااا معايااا ❤
انا دقات قلبي سريعه بحتت في اعيونه وحطيت يديا بين وجه : أنت راحتي النفسيه اصلا ❤
جاسر ابتسم وحضني بحنان وبعدها قعد يفطر فياا ويبتسم وانا نفس الشي وكنا فرحانين بكل ❤
من بعد جوازنا هضا بكم شهر انا طلعت حامل 🙈وجاسر لما علم فرح وطار عقله وقرر نسافرو ونغيرو جونا بعد كنت في الشهر التاني من الحمل سافرنا ❤ هههههه فرحت وسافرت انا وجاسر لسويسرا الجميله ❤ بعد ودعت الكل ورهف مزال شهرين علي جيبتها للبنت وبعد جاه موعدها وجابت اتصلت بيا وبلغتني انها جابت بنت ❤ وصورتلي بنتها السموحه فرحت واجد لدرجة دمعو اعيوني تمنيت اني نكون جنبها توا بس جاسر مقرر نقعدو فتره هنا وحتى حاجز حرام دفع مبلغ $ عشان اجار الحوش لفتره سكتت وما قلت خلينا انردو وطبعا سويسرا تهبل بكل تجنن وكل يوم جاسر يدهور فيا ومشينا لأماكن حلوه انا بطني بدت تكبر قعده توا في الشهر الرابع ❤ اول امس حكيت مع رهف وقالت ان حسن يبي يسفرها بس ما قالش وين وانا في عز تفكيري هضا جاني اتصال من رهف حبيبة قلبي عالواتس فرحت ورديت عليهاا بلهفه وشوق : رهف يا عمري مرايفتلك ❤
رهف : رهوفتك قعده في سويسرا من امس
انا ضحكت : احلفي قولي انك فعلا قعده في سويسرا
رهف : والله ما نكذب عليك ومرايفه عليك واجد من شهرين ونص ما شفتك انا 😢
ضحكت : تمام توا نبعتلك الموقع توا وتعالي وحتى بنتك نبي نمسكها نحق فيها في الصور بس
رهف : باهي هيا ابعتي الموقع
ضحكت عليها وسكرت وبعتلها الموقع وقعدت نرجا فيها وجاسر كان يدوش بعد طلع جاني وباس خدي
بحتت فيه : نعيما يا عمري ❤
جاسر : الله ينعم عليا وعليك وغمزلي 😉 وعدا
ابتسمت وبعد جاه حكيتله ان رهف جايا تشوفني فرح عشان حانشوف صاحبتي واخيرا ليا شهرين ونص ما شفتها بعد وقت سمعت الجرس رن عدا جاسر وفتح الباب وخش عليا ببنت صغيره بعد عرفتها قعدت نضحك وعديت شلتها بين ايديا وبست خدها : كنت نشوف فيها في الصور واخيرا شفتها وحضنتها وبحتت في جهت الباب خشت رهف وتضحك وجاتني تجري وانا مديت لجاسر البنت الصغيره وحضنت رهف كنت مرايفه عليها واجد وما طلقنا بعضنااا وجاسر وحسن يلي خش توا قعدو يضحكو علينا وقالو : الزواج فرقنااا
