رهف : ندى كنك ليش شهقتي شنو في احكي
انا بحتت فيها : الحاله يلي حكيتلك عليها طلب مني
ان نتقابلو في قصره مش في المستشفى 😒
رهف : اوووباااا وباهي من يلي قعد في القصر غيره
انا تنهدت : معاه ام باته لما حكالي قصه هي عايشه معاه يعني مش بروحه بس انصدمت لان اول مره تمر عليا حاله زي هذي ويطلب نتقابلو في قصره عشان الشغل قالي ان واخد كل وقته 😒 وقال حقك اضعاف تاخديه $$ عشان حانمشي للقصر في العشيه
رهف : اممم موضوع انتي فكري ولو اقتنعتي بالشي هضا امشي ابعتيله توا انك تبي تفكري وحاتردي عليه
انا : تمام توا نبعتله ....
هي شافت يلي كتبته قعدت قريب 5 دقايق وبعدها قعدت تكتب وقالت : نبي نفكر وحانرد عليك
انا استغربت يعني في وحده ترفض ان تمشي للقصر وتاخد مبلغ كبير جدا علي شان جات بعتلها : تمام فكري بس تأكدي ان مش فاضي بكل في الصبح
بعتت : نحكو مره تانيه انا طلبت انفكر 😒
انا رفعت حاجبي وهمست وقحه وسكرت نت
شنو تسحب روحها مش رايقلها بكل انا عشان جتي بس تواصلت مع طبيبه وطلعت دخان وقعدت ندخن
قبل ساعات طويله جدا 🕔🕠🕕🕙 /
كنك يا حسن والله البنت يلي طلقت لسانها عليك زي العاده اتفكر فيها 😂✌ شنو عجبك فيها جالطه
انا بحتت فيه ومش معاه بكل سرحان فيها : شنو قلت من امبدري وانت تخرط ما سمعتك
معتز : قصدك مش معايا بكل انت تي من واخد عقلك
انا ابتسمت : البنت يلي في المصرف ماعمريش قبلت بنت زيها وجريئه لدرجة انها اطبس وتقرب مني وتقول وهي تبحت في اعيوني ما اوقحك انت وصفك وابتسمت وعدت 😍 تعرف اني لحقتها
معتز : لحقتها تحكي جديات قصدك لحقتهااا وامتى
انا بحتت فيه توا نفهمك هي من اول ما طلعت من مصرف دغري خديت مفاتيحي وطلعت برا وشفتها لما ركبت سيارتها لبست نضارتي وركبت في سيارتي ولحقتها عدت اول شي وسلكت الضي شكله كان مقطوع عندهم لان شفتها تعايب عالراجل 😂 عشان قال اقتصدو في الضي وبعدها عدت للصيدليه وطولت شفتها ترتب في الادويه والحاجات عرفتها تشتغل هنا وعديت اهم شي اني نعرف مكانهاا
معتز : مش قادر نصدق معقوله انت تتصرف هك
انا ابتسمت : فيها شي مميز نبي نشوفها اخرا والله يستر شنو ادير فيا لان شكلها مش هوينه بكل
معتز : اي تستاهل عارف طبعها وتمشي تلحقها اخرا
انا اشرت ان يسكت : اششش ما تنكد عليا عاد
الان /
رهف : شنو فكرتي من امبدري وانتي ساكته
انا بحتت فيها : هو حالته صعبه وطبعه هو غريب نوعا ماا بس انا لازم نساعده ونخليه يكون عنده امل في الحياه هذي فقررت نمشي للقصر امتعه
رهف : امممم خطوه حلوه بس ديري بالك علي روحك
انا بحتت فيها : لا مايعديش عقلك بعيد هو مش شايف غير زوجته المرحومه يا مهبوله يبي يبحت في خلقتي انا فأطمني انا حانكون بخير لان جته معاه
رهف : باهي ربي يعينك علي طبعه هيا نبي ننخمد وعدت وانا ضحكت عليها وزدت فكرت اخرا وقراري ما تغير وبعتله عالساعه 7 المغرب موافقتي
أنت تقرأ
الطبيبه الجميله
Storie d'amoreستُشرق روحك بعد ذبول ظننته لن يزول، ستلمع عيناك بعد أن خف بريقها🌸
