جاسر : يا ندى ردي عليا وينك الوووو !!!!!
مؤيد خش وبحت فيا : كنك شنو في صوتك عالي
جاسر : ندى ماتردش عليا مش عارف شنو صار امعاها
سمعت شي خبط ودوشه والخط فصل فجأه
مؤيد : كيف وهي وين قعده فهمني
جاسر بحتت فيه : هي اتسوق كانت تحكي معايا
مؤيد انصدم : اتصل اخرا شوفهااا
انا قعدت لوقت حتى رنيت اخرا يرن بس مافيش رد
عاودت مره واتنين وبعدها جاني صوت ولكن مش صوت ندى صوت راجل انصدمت : من انت ؟؟؟
رد : انا شفت صاحبة هالتليفون دايره حادث وفاقده الوعي توا سعفناها هي ويلي في السيارات يلي خبطت فيهم حتى هما فاقدين الوعي
انا طاح التليفون من يدي ومؤيد خداه وطلع برا انا قعدت عالارض ونرعش وحالتي حاله ما تكلمت بس نرعش خش عليا مؤيد بعد وقت وحط تليفون في جيبه : هيا تعال نمشو للمستشفى
انا حطيت يديا علي وجهي : لالا مانبيش خليني
مؤيد : شنو اتقول انت ماتبيش تمشي تشوفها شنو صايرلك توا شايلها الاسعاف قريب توصل للمستشفى هيا صبي بسرعه نمشو
انا مزلت نرعش : هي حاتمشي صار حادث معاها ونزلت دمعه مني حاتمشي زي زوجتي وعيلتي 💔
مؤيد : جاسر ما تتشائم حرام عليك هيا صبي وانا ما بيتش جاه عطاني كف من قوة الضربه طحت عالارض
مؤيد : شنو صايرلك ندى بحاحتك هيا صبي تبي تخليها بروحهااا عشان شنو هااا رد علياااا
انا نزلو دموعي : ندى مش حاتنوض الراجل قالي انها فاقده الوعي حتى مع زوجتي قالولي هك انها فاقده الوعي وماتت بعد ايام مانبيش نمشي خليني في حالي وقعدت نبكي وطيحت كل شي ونعيط اطلع
بس مؤيد زاد ضربني عشان تفكيري جاتني حالتي السيئه يلي كنت فيهاا الخوف قعد يجري في دمي خفت تكون ميته ويكون صايرلها شي مش حانسامح نفسي بسببي انا صار فيها هك قعدت نبكي ومؤيد دار المستحيل حتى قنعني نمشي ونشوفها عديت معاه وبعد وصلنا قعدنا نرجو في سيارة الاسعاف بفارغ الصبر بعد وقت وصلت 🚑 سيارة ونزلو المصابين في الحادث هضا مزلت ما شفتها ما نعرفهم هضوما بحتت في السياره التانيه يلي خشت من البوابه قعدت نرعش بحتت فيها لما فتحو الباب وطلعو يلي فيها ركزت اعيوني عليهاا هذي ندى قعدت نرعش قربت بخطواتي اتجاه ندى يبو يخشوها جوا سمعت الممرض يحكي ان هي تضررت اكتر شي هي وسيارتها اما الباقي اصابات خفيفه قعدت نرعش وصبيت في مكاني كرني مؤيد جوا وقعدنا نرجو علي نار وتليفون ندى عطوه ليا توا وكان يرن لقيت اسم رهوفتي
ما قدرتش انرد ولكن هي استمرت اترن في الاخير فتحت وبدون ما نحكي
رهف : ندى غلايا روحتي من المول والله مزال تعرفي سمعنا نبضات البيبي انا وحسن فرحانين بكل 😍
