🔥بعد 8 شهور🔥
اليوم موعد ولادة رهف وانا خايف واجد عليهاا شلتها من الصبح ونراجي في الخبر الحلو انا حانكون أب طاير عقلي فرحان وحتى رهف فرحانه
جايتنا بنت صغيره ههههه بعد وقت سمعت صوت عياطها تبكي دمعت عيني يعني الكتكوته هذي حاتكبر وتقولي يا بابا 😍 قعدت نتخايل فيها تقولي بابا هههه
بحتت في الممرضه يلي طلبت انخش نشوفهم ورهف
طلبتني بسرعه خشيت وشفتها ماسكه بنتنا وتبتسم قربت منهم وبحتت في بنتي الصغيره يلي متفقين علي اسمها هو صفاء علي اسم ام رهف المرحومه ❤
رهف : شفتها يا حسن تبكي ههههه
حسن : اها شفتها ونسمع فيها حلوه قربت وشلتها بين ايديااا طشه بكل البنوته بست راسها وكبرت في وذنها
انتي اسمك صفاء ورهف تبتسم وكان واضح عليها تعب الولاده قربت وقعدت علي حاشية السرير وصفاء في حضني تبكي بعدها سكتت ابتسمت ربي يحفظهم
ليا عيلتي الحلوه ❤ بحتت في رهف يلي غمزتلي
وقالت بخبث : بالشكل هضا انا حانغار منها راه
انا رفعت حاجبي وقربت : تغاري من بنتنا يا مهبوله
رهف ضحكت وخدتها مني باستها : انبصر عليك ❤
انا بست خدهاا وبحتت في اعيونها : انحبك واجد
رهف ابتسمت : وانا نحبك وانموت فيك 🙈❤
🔥 يوم جيت جاسر لحوش رهف وحسن 🔥
مؤيد : شنو صار من يلي تزوجت ؟؟
جاسر : صاحبتها لسانها طويل المهم لازم نعرف مكانها
مؤيد : تمام توا نبلغو المطارات ونعرفو اكيده سافرت بروحها لان صاحبتها موجوده وهي وحيده ويتيمه
جاسر : توا اعرفولي وين عدت بس وقعدت ندخن
🔥 بعد ساعات 🔥
جاسر : يعني هي في لندن توااااا !!!
مؤيد : اهاا مسافره وهاربه من كل شي شنو حا ادير انت تبي تمشيلهاااا والله شنو ؟؟
جاسر : لا مش حانسافر توا تجي بروحهااا
مؤيد : كيف حاتجي بروحها هذي فهمها لياا
جاسر : حاتجي عشان تحضر المؤتمر يلي أساسه حايكون مجالها هي وانا حاندعم الهيئه هذي وهي اكيد مش حاتفوت المؤتمر لان حايكون مهم وحانطلب منهم يبلغوها عشان اتجي
مؤيد : وباهي بعد اتجي شنو حايصير تخيل هزباتك اذا جربت تحكي معاهاااا قدام الناس
جاسر : من قالك نبي نحكي معاها انا نبي ندير روحي مش شايفهاا نبي نشوف ردت فعلها
مؤيد : شنو قصدك يعني تبي تتأكد ان هي تحبك مثلا
جاسر : اهاا التجاهل هضا اكيد لو كانت تحبني حانشوف الشي هضا في وجهاااا 🔥
مؤيد : باهي شنو رايك تخليها بالمره اتغار وتجيب بنت علي اساس انك انت تزوجت وناسيها بكل
جاسر ابتسمت : ههه فكره بس من هالبنت هذي
مؤيد : ساهله شنو نسيت نور بنت شريك في الشركه مش مره انت ساعدتها زمان وقالت وقت ما تبي اي مساعده مني اكيد مش حانردك يا جاسر
جاسر : قصدك البنت الدلوعه هذي 😒🔥
مؤيد : هههه عشان تشوف حبيبة قلبك شنو حاادير
جاسر : تمام حانتفق مع نور بس ندى عارفها عنيده ومش حاتصبي وتقرب مني كبريائها هضا نحبه ❤
مؤيد : تمام خلينا انشوفو انا حانراقب من بعيد
