ندى في اليوم التاني عديت للقصر واول ما خشيت
كانت صدمه بالنسبه ليا جات في وذني الدكتور قال :
الله يرحمها الحاجه توفت انصدمت وجاسر سمعته يعيط ويبكي عديت نجري للغرفه وبحتت في جهت الحاجه غطوها وجاسر يبكي وحالته حاله ويحاول ينوضها انا نزلو دموعي اذكرت موت عيلتي انهرت وقتهاا قربت نبي نهدي جاسر بس هو ماسك في الحاجه زين ويبكي وقال : جتي ليش تمشي انتي وعدتيني تكوني جنبي عديتي زي عيلتي وزوجتي 💔 ليش هك وقعد يبكي وبصوت يقطع القلب والدكتور وجعه يلي صار وطلع وانا طلعت جاسر ما يبي حد يكون حداه وهو يحكي مع الحاجه وكان منهار بشكل مش طبيعي وماسك فيها زي الطفل 💔
بعد حوالي ساعه ماعش سمعت صوته وهو يبكي عديت شور الغرفه لقيته يبحت فيها وساكت ودموعه ينزلو لا اردايا تنهدت بوجع الله يرحمها مسكينه 💔
جاسر فطن لخشتي بحت فيا انا قربت وقلت : الله يرحمهاا ويصبرك علي فراقهااا هضا عمرها ادعيلهاا
انصدمت بعد جاسر صبا وحضني وكان يرعش انا ما عرفت شنو اندير يلي صار معاه صعب جدا حاولت انفك روحي منه بس هو ماسك فيا زين انا دقات قلبي سريعه بكل في نفس الوقت نبي نوخر ما عطاني مجال حسيت علي دموعه ينزلو هو كان متعلق بالحاجه واجد وموتها دمره بالايش طلقني وبحت فيا
جاسر : اسف وطلع من غرفه لبرا نسمع فيهم ينادو فيه طلعت بسرعه لحقته شفته نط في حوض السباحه في وحدين جوه يبو يطلعو اشرتلهم يوقفو : ما تخافوش هو مش حايضر نفسه اكيد توا يطلع بروحه وقلت : هو يخش للحوض من قبل ؟؟
حارس : اها يا دكتوره ديما يخش لما يضايق
ندى : تمام خلوه مش حايضر نفسه وقعدت عالكرسي واعيوني عالحوض نرجا فيه يطلع شفته رقا وخداه نفس ورد غطس اخرا مسحت دمعه نزلت مني وقعدت نرجا فيه يطلع قعد في الحوض قريب ربع ساعه بعدها طلع وحارس جابله منشف لفه عليه وجاه قعد عالكرسي جنبي وغمض اعيونه ترددت نحكي او حتى نبحت فيه بس حاسه بوجعه وماقدرش يخش يشوف الحاجه اخرا ومن هاليوم علمت الناس وجات وانا عشان ما نحرجه ان دكتورته زي ما قالي من قبل ما نبي حد يعرف عديت بس قلت توا نجي في الصبح
وبالي معاه بس اصحابه واقفين جنبه اكيد مش حا يخلوه اليوم مش حانقدر نمشي للنادي تعبانه من يلي صار موت الحاجه يوجع قبل ما تموت امس اطمنت ان حانكون جنب حفيدها ومش حانخليه ونقنعه بالزواج بس توا حاتصعب عليا واجد من يلي صار وكان منهار بكل وحتى وجه احمر بعد طلع من الحوض واعيونه حمر مواجعه زادو بعد رد للحياه تمنى هو يموت مكانهاا تنهدت وحطيت راسي عالمخده ودموعي تنزل اذكرت حضنه ليا وكان يرعش
مؤيد : جاسر الله يرحمها ما اديرش في روحك هك
جاسر بحتت فيه : عدت الغاليه وخلتني حتى هي
مؤيد : هضا عمرها هي تعبانه وانت عارف هالشي
جاسر نزلت راسي وضغطت علي اعيوني : انا تعبان نبي نخش لغرفتي لا تصغر خليك مع الناس
مؤيد : عيب يا راجل انا قعد وانت اركب فوق وتريح هيااا وانا الشباب قعدين مش حانمشو
جاسر بحتت فيه : اصيل وصبيت وانا لاف بالمنشف علي نفسي وخشيت جوا وفي طريقي للغرفه قعدت نتجنب نبحت في غرفة الحاجه خشيت لغرفتي وطحت علي سريري وغمضت اعيوني ودموعي بدو ينزلو كل احبابي عدو الكل 💔 انا توا وحيد ما عندي حد القصر قعد فاضي مافيش حد 😔💔
