بديت نحكي في كل شي للدكتوره وهي تسمع فيا بس بعد كملت بحتت فيها وقلت : يلي قلته مايطلعش برا
ولو طلع حاتندمي وشيرت عليهااا وتتحاسبي 😒
ندى رفعت حاجبها : استاذ جاسر هذينا اسرار واطمن ماحدش حايعلم بيهم مافيش داعي للتهديد يعني
انا قعدت وبحتت في الساعه : انا لازم نمشي وتوا
ندى : تمام بس انا مزلت ما حكيت بموضوعك وانا تأثرث علي فكره والله يرحمهم ويسامحهم
بحتت فيهاا : نحكو مره تانيه ومافيش داعي نضرة الشفقه هذي يلي في اعيونك وحدديلي موعد
ندى تبحت فيا وشكلها مش عاجبها يلي قلته ولا تصرفي وخاصة دوتي معاها بس كانت تحكي بهدوء معايا وما قالت اي حرف غير : يوم الخميس الموعد وفي نفس الوقت نتلاقو يا استاذ
انا هزيت راسي : تمام وطلعت وسكرت الباب بالقوه
انا فتحت فمي 😮 كنه هضاا بعد حكالي انقلب 180% وخايف نحكي للناس عليش نبي نحكيلهم يعني واضح ان شخص معروف مايبيش الناس يعرفو ان يقابل في طبيبه نفسيه والله عليك حاله وخلاص رغم ان يلي صاير معاه مؤثر بكل وله سنتين وهو يعاني وذكريات عيلته في باله طول الوقت تنهدت وتذكرت عيلتي انا حاسه فيه بس وكأن يحكي معايا بوقاحه مش مشكله مع الوقت حانقدر نسيطر عليه
انا من طلعتي من المستشفى عديت للشغل وبديت في يومي عادي حتى مؤيد سألني ليش طولت مش من عوايدي يعني بس انا قلت : جرا عليا النوم 😅
مؤيد : امممم غريبه معقوله جاسر النشيط وحريص ان يمشي لشغله يلي هو يملكه في الوقت محدد فجأه النوم يجري عليه هههههههه
انا ارتبكت : بلا دوا زايده يا راجل وهي نتلاقو وعديت خشيت للمكتب وشفت يلي فاتني وعاطوني اوراق عشان نوقعهم وقعتهم بسرعه وانا مضايق اشويه عشان سردت قصتي كلها ومعناتي للطبيبه
اليوم استئذنت من الصيدلي علي شان نمشي للمصرف ركبت في سيارتي وعديت للمصرف كان في زحمه بكل وانا اكره ما عندي الزحمه بحتت في الموظفين يلي منهم يشتغلو ويمشوو في الناس بعد يدفعولهم مرتباتهم $ وفي يلي يهدرز بالتليفون يلي هو الموظف يلي انا قعده في صفه مافيش مكان في صفوف التانيه زحمه بكل انا عصبت بعد طول وهو يحكي بالتليفون عديت لاعنده وخبطت بيدي عالذفتر 📖 يلي قدام خلقته وبحتت فيه وهو انصدم وسكر الخط ابسرعه وصبا وبحت فيا : شنو هالتصرف هضاا
انا ربعت يدياا وعيوني عليه : انا يلي مفروض انقول شنو هالتصرف هضا لحضرة جنابك قعد تهدرز 😡 بالتليفون وتعطل في الناس المسكينه يلي ترجا فيك
حسن : وطي صوتك ما ترفعيش عليااا تسمعي وانا نحكي واندير يلي نبيها مش شورك ومافيش حد تكلم توا لان يسمعو فيا شنو نحكو بالتليفون وقدرو ضرفي
عكسك جايا وطالقه لسانك في مكان عام زي هضاا
انا رفعت حاجبي : حسستني اني واخده 🎤 مكرفون ونعيط بصوت عالي هههههه اسمعني انا مش مستعده نرجاك مش فاضيتلك نبي راتبي ونعدي وتوا الوقت
حسن عطاني نضره : مش علي كيفك نبي نعطي يلي جو قبلك لاعند ما يجي دورك وشير اني نصبي اخر وحده وانا بحتت فيه : ما احقرك وهمست وقح وعديت وخليته معصب وصبيت اخر وحده وانا قالبه وجي عليه وكل مره الصف ينقص فرد لاعند ما جاه دوري وفي نفسي واخيرا نقد علي وجه وصرف الناس بحتت فيه : هياا مستعجله وطلعت الشيك وسلمته له وهو قالب وجه عليا ولكن ما يقدر يدير شي انا ما قلت شي غلط اصلا غير كلمة وقح 😎 طبعا لان يستاهلهااا مدلي الضرف وبحت في اعيوني
وقال : مره تانيه ما تحكميش عالناس بدون سبب مقنع كنت مطر نحكي بالتليفون بس زي ما شفتي الصف نقص بسرعه برمشة عين وغمزلي 😉
انا خديت الظرف وبحتت فيه وقربت اكتر وقلت :
ما اوقحك انت والصف امتعك وعديت وخليته مصدوم وانا ماسكه ضحكتي واحد تافه ركبت في سيارتي وعديت دفعت حق الضي قطعوه علينا امس 😑 علي شان ما دفعناا اه وخلاص ورديت للصيدليه اخراا وبديت في شغلي روحت بعد انتهاء دوامي للشقه ولقيت الضي واخيرا جبوه لنا وصوت المكنسه الكهربائيه 😂✌ والعه بس عشان هضا وين دفعت قلت بصوت عالي اول ما خشيت للشقه : اقتصدي في الضي يا ندى عاد توا كيف دفعت راه وهي تضحك عليا وما عدلتش كنست الشقه كلهااا و ولعت الخلاط وانا خايفه عالضي 😤 دارت عصير طبيعي وتضحك عليا علي شان قالبه وجي خشيت دوشت وجيتهاا : شنو الجو يا دكتوره ندى
ندى بحتت فيا : تمام بس اليوم متعب والله وحمو و ولعت التكييف وانا رفعت حاجبي وطفيته وفتحت الرواشن : لا عاد توا يقطعو الضي زي امس 😒
ندى ضحكت وطلعت مبلغ من جيبها : كنت نبي ندفعلك عشان تسلكيهم لان خديت راتبي قبل ما نروح بس لقيت ضي هنا قلت خليني نبدا انضف لاعند ما جيتي وهاكي خليهم معاك هذينااا
انا بحتت فيها : لا رديهم يا خسيسه امتى عمري خديت منك قرش واحد $ بس اقتصدي عاد 😑
ونحنا دايرين نضام انا عليا الضي ومواد التنضيف وانا يلي انضف الشقه لقيتك دايره حملة تنضيف وبالضي اخرا 😒 وانتي عليك المواد الغذائيه والتطبيخ يا حلوت الحلوات ونحنا مشتركين عاد
ندى ضحكت وردت فلوسها : مهبوله انتي والله
انا حطيت يدي علي بطني : جعانه وين الغذاء 😈
ندى مزالت تضحك عليا ومدتلي طاسة العصير يلي دراته توا وقالت : توا نبي انطبخ راجي نتريح بس
وتمددت عالكنبه وغمضت اعيونهااا : تعبانه بكل
انا ضحكت : من شنو تعبانه وانا معصبه بكل اليوم عصبني موظف في المصرف تي حقير بكل احقر عباد الله وقعدت نعايب عليه جايا وطالقه لسانك في مكان عام زي هضا 😏 وندى منفجره ضحك وبحتت فيا : عارفتك انا وهو صدق مسكين احكيلي بالتفصيل شنو صار خليني نضحك اشويه 😁 عليك
انا لطيت فيها المخده : دايرتيني مضحكه يا بارده
ندى : لا مش هك يا مجنونه بس عارفتك مش هوينه
انا رفعت راسي وقعدت نلعب علي شعري وبديت نحكي في كل شي صار ونبتسم وقتله ما اوقحك وربحت وندى زادت ضحكت وحالتها حاله 😂 اه
