يــــومــــيــــات جــــارات💍🌸|🇲🇦

الحلقة9: صدفة

🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة9: #صدفة
📖💜الجزء 1📖💜
سكينة حلات عين وحدة تتفوه:صباح الخير امينة...مكاينش لحس ويلي موالفاها تتوجد لفطور دابا (ناضت من لفراش) امينة امينة فيقي مالكي(قاست راسها)ناريي طالعة ليك السخاااانة ا حبيبة صبري نلبس جلابتي نجيب ليك الدوا من لفرماسيان منها نيت نطرغ ماناكلو
سكينة لبسات و هابطة مع الدروج غادة للفارماسي..تلاقات شي ناس كيطلعوا الرحيل للدار اللي حداهم مداتهاش فيهم و هبطات لقات الفرماسيان عامر بقات شحال تتسنا عاد شرات الدوا اللي خاصها ورجعات كتجري طالعة فالدروج ما حسات حتى دخلات فشي واحد..
الشخص:اووه سمحيلي ياكما طرات ليك شي حاجة؟؟؟
سكينة:لا مطرا ليا والو الحمد الله غير شوية متهرس عضامي
الشخص:كنعتدر مرة اخرى انا سميتي هشام جيت نكري هنا
سكينة:ماشي مشكيل مادام شخص جديد هنا،انا سكيينة ساكنة فشقة لي على ليمن
هشام:هي حنا جيران تا انا حداكم (مد يديه وبتاسم تا بانو الغمازات) متشرفين
سكينة صافحاتو:ههه اه،متشرفين اخويا،سمح ليا غندي لصاحبتي الدوا راها مريضة
هشام:ميكون باس الله يشافيها
سكينة:اميييييين يحفضك اخويا فرصة سعيدة هانا مشيت
هشام:بسلامة
مشات وخلاتو متبع ليها العين حتى دخلات وهبط يجيب شي سخرة من الحانوت...
🍭فالحانوت🍭
هشام:خويا عفاك ديك السخرة اللي خليت عندك
معاد تم داخل:السلام عليكم ا سعيد عفاك جوج خبزات الله يحفضك
سعيد:واخا ا سي معاد
معاد تيحقق فهشام:واش هشام هدا؟
هشام تيحقق فيه حتى هو:معاااد اهلااا(عنقو) لباس عليك معاد:لباس الحمد لله فين هاد لغبور اصاحبي شتدير هنا اشمن غراض عندك؟؟؟
هشام:اييه غبور دابا شي 10 سنين من مورا الباك ما تلاقينا رحلنا من هنا وتشغلت مع الخدمة ودابا جيت كاري هنا فواحد العمارة
معاد:وايلي صدفة زوينة هادي يالاه طلع عندي لدار نفطرو مجموعين يالاه
هشام:لا غا سمحلي اخويا مرة مرة أخرى دابا عد جيت خليت الروينة فالدار واش ساكن فهاد الحي؟
معاد:اه فعمارة رقم 6
هشام:هه وااو حتى انا تما واش غادي دابا؟ هي نمشيو مجموعين؟
معاد:اييييه بسم الله اخويا مرحبا بيك عندنا
هشام:ربي يخليك
بقاو غاديين مجمعين حتى وصلو للعمارة و طلعو...
هشام:متقوليش تاني طبقة وحدة ههه ايوا صدفة نييت معاد:ايييييه عرفتي شنو دوز تغدا عندي منها نيت نتحتتو مهضرنا 10سنين هادي هههه
هشام:ايوا منخصرهاش فوجهك ياله نخليك بحرا نجمع شوية دالروينة
معاد:واخا واخا ايوا ملي تسالي دوز عندي نتغداو صافي هشام:ان شاء الله
هشام دخل للدار و معاد بقا حاضي معاه حتى سد الباب و هو يمشي لدار امينة كيدق...
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة9: #صدفة
📖💜الجزء 2📖💜
سكينة:نعسي ليك ا حبيبة باش يدير الدوا مفعولو نشوف شكون تيدق
امينة:واخا واخا سيري
سكينة حلات لباب لقات معاد...
معاد:زيدي قدامي
سكينة متفاجئة:اويليي لفيين واش طار ليك لفرييخ ولا شنو؟؟
معاد:شوفي بلا ما تقلبي علياا غيجي عندي صاحبي يتغدا و الواليدة كيفما عارفة مكايناش زيدي طيبي لينا ما نحنجروا
سكينة:هادشي لي باغي ا الغول و امينة راها مريضة منقدرش نخليها بوحدها
معاد:داك الزوفري قاد بشغالو زيدي قدامي ولا ميعجبك حال بلا مديري السبة..وااا زيدي مغنضربكش ونزيدك من اليوم ترجعي للدار مافيا ميسمع الهضور وكلمتي متنزلش للارض ولا ندير لختي شي لوحة تشكيلية فداك الوجه
سكينة:هاد المرة تقيصني ميفكني معاك غا لبوليس الغول لعفوو لهادي لي غتزوج بيك
معاد:مم واخا اختي الحبيبة و الوحيدة ممكن ترجعي لدارك هيهيهي عجبك الحال دابا؟؟
سكينة:ههههه عمرني تخايلتك اتقول هكا باينة شي شخص مهم هدا واخا غنمشي معاك صبر نجيب جلابتي
معاد:واخا كنتسناك
لبسات جلابة وطمئنات على أمينة اللي بدات كتصح و خرجات معاه...