يــــومــــيــــات جــــارات💍🌸|🇲🇦

الحلقة14: المسكون

🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة14: #المسكون
📖💜الجزء 1📖💜
مينة حطات لغدا و جلسات:مروان حط..اوه باكم تعطل معرت اش جاه ليوم
سررررررررررن دق دق
مينة: ياربي السلامة
مينة حلات الباب: اويلي عبدو مالك يالك لاباس؟؟؟
سعيد: الالة معليه مبيه حتا طاح كايتقيا معرت اش ضارو عاونيني ا لالة
مينة مخلوعة: اويلي سعدي وزماني زيد ل الكبيدة زيد(داتو البيت)
سعيد:لالة ياكما محتاجة شي حاجة؟؟
مينة: ا ا واسير لمحلبة اوجه النحس
سعيد طار خارج...
مروان: مال بابا ا ماما؟
مينة شادة فيد عبدو منعساه: مالك ا عزيزي مالك؟؟
عبدالله عرقان وجهو حمر و يديه كايترعدو: ا ا هي هي خليوني خليوني(بدا كايغوت و يتركل)
مينة مخلوعةكتبكي: عوينة هادي خرجات فيك اهي اهي اهياناري اش ندير ليك
مروان لصق  فماماه كيبكي: اهي مال بابا مالو واش غايبقا هكدا
عبدالله هز واحد الكاس حداه و شير على مينة: واخرجووووو
مينة فلتات مجاش فيها خرجات و سدات الباب...
مينة كاترعد: اشندير اشندير
مطاح فبالها غير امينة و هي تلبس صندالتها طلات على الولاد و خرجات...
سررررررررررن سرررررن امينة خرجي سررررررن
امينة حلات معمرة فمها:اش كاين اختي ياك لاباس مالك؟؟
مينة: اهي وايلي عبدالله معرت مالو اختي مريض بزاااف عافاك عيطي على محمد اهزو بالطوموبيل مبغيتش نصدع سي عمران هو ملهي مع مرتو
امينة دخلات جبدات التلفون صونات على محمد: مكيجاوبش واقيلة كايتغدا
مينة: اشنديرو دابا راني غانتسطا
امينة: غانعود نتاصل تننننن تننننن
محمد: الو حبيبة
مينة: محمد عافاك عتقنا راجل مينة مريض جيب معاك شي طبيب مزيان راه قالتليا ميقدرش اتحرك
محمد: واخا واخا غير تهناي دابا نكون عندك
امينة: عافاك دغيا
مينة: اهيناري اختي مولاي الشريف مشا اهي اهي
عنقاتها مينة و نزلات معاها للدار...
مينة دفعات باب البيت اللي فيه عبدالله: شفتيه اختي بحال الميت اهي اهي وجهو حمر ياختي يكما كلا شي حاجة
امينة:معرفتيش السبب؟؟
مينة: معرفتش راه جابو داك المنحوس ديال سعيد
امينة: غانتاصل ب سوكا تجي تاخد الدراري لعندها باش مايشوفوش باهم و هاد الجو
مينة جلسات: اهي اهي اناري ياسيدي ربي زماني غايضيع مني اهي
امينة: واتي غير سكتي راه غايولي بيخير محمد غايجيب ليه الطبيب لهنا
امينة هزات تيليفونها:الو سوكا
سكينة:اش بغيتي يالاه كانخشي ف فمي ههه
امينة: خلي دكشي و نزلي عند مينة راجلها مريض و خصك تقابلي ليها لوليدات
سكينة وحل ليها: اح اح و زعما ليوم عندي موعد مع هشام
امينة كاتهضر بشوية: وافهمي حالتو صعيبة مسكين نزلي تشوفيه (قطعات)
سرررر سرررر
امينة مشات حلات لقات محمد: محمد جيتي..تفضل ا دكتور
الطبيب لي كان من المستوصف دخل قال السلام عليكم...
محمد تبعو:فين سي عبدالله؟؟
مينة كتبكي: دخلو عافاكم هاهوا اهي اهي
سكينة دفعات لباب: فين مينة ياك لاباس؟؟
امينة: دخلي تشوفيه و هزي لولاد لعندك
سكينة شدات فوجها: اناري مالو حمر اش وكلتيه ثاني امو راس؟؟
مينة كتبكي: راه فطر معانا عادي حتا طلعو سعيد اهي اهي
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة14: #المسكون
📖💜الجزء 2📖💜
امينة: طلعي الدراري ا سوكا باراكة
سكينة طلعات مروان و زكريا و ياسين...
الطبيب:ممكن تخرجو خصو اتنفس(حل الشرجم)
الطبيب هز القميجة ديال عبدالله: اوه اش هادا
لقاه كلو بقع حمرا كبيرة و هو مغيب..الطبيب كتب ليه الدوا و خرج لعندهم شافتو مينة جرات لعندو: امنضرا ادكتور غايموت؟؟
امينة: يالطيف فمك خايب
الطبيب: لا ا لالة السيد عندو حساسية ديال شي مادة شمها دارت ليه بقع فوجهو و جسمو كامل راه كتبت ليك دوا و مسكن
مينة شدات الورقة و حيدها ليها محمد...
محمد: منساش خير سي عبدالله انا غانتكلف بالدوا...