يــــومــــيــــات جــــارات💍🌸|🇲🇦

الحلقة20: الرومانسية القاتلة

🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة20: #الرومانسية_القاتلة
📖💜الجزء 1📖💜
قررو البنات اليوم يمشيو نزهة لغابة ينساو الرجال شوية و يدوزو نهار مع بعضياتهوم...
كانت طامو و مينة و التوأم تاعها(لوخرين خلاتهوم لعبلا)او اكرام واقفين تيتسناو الطاكسي الكبيرة تجي اما سوكا وامينة غيلحقوا عليهم على ما يوجدو...
مينة: دار فيها الله خير ا الحاجة طامو ولدها كاع ميستاهل بنتك شهوة منها
طامو مخنزرة:راها احسابلها غانزاوكها باش تعطيني ولدها لهلا يردها
مينة كاضرب كتف طامو: دابا نساي داكشي و فوجي مع راسك ههه
طامو: ااه شكون خلاك راها طلعاتلي طونسيو
مينة: امتا غي تبان شي طاكسي تعطلنا هنا
طامو: الى مجاتش نتاصل بولدي حميد يوصلنا
مينة: لا متعذبيهش دابا تبان شي طاكسي فين بنتك لالة سكينة؟
طامو: خليتها كاتجمع صاكها قالتلك غاتجي مع امينة البنت اللي حدانا
مينة: اممم امينة
طامو شافت ف مينة: كيدايرة ديك لبنت واش مزيانة؟ و والديها؟
مينة: هاديك قصتها قصة والديها فالبلاد و هي ساكنة بوحدها
طامو: اعوذ بالله على جيل ليوم
مينة: علاش كتسولي؟؟
طامو: حيت قلت الى كانت مزيانة نزوجها بولدي معاد اللي كنت غانزوجو لحنان بنت ربيعة
مينة: لا لا راه امينة مخطوبة ل محمد خدام فالشركة اللي حدانا و عرسهم قريب
طامو: اه مزيان و بنتي سكينة نيت الى بغا الله غانزوجها لولد خالتها راه عندو فيرمات فلبلاد
مينة:وايلي؟منضنش سوكا تبغي ديك لعيشة دلبلاد خهه (كتاكل الزريعة)
طامو خنزرات فيها: ومالها عيشة لبلاد ترد غا صحتها و هي مقابلة الستيلو حتى شبهات ليه
مينة: هههه والله الى
سكينة ليكان باين عليها الحزن هزات صاكها هي و امينة و خرجو من لعمارة قاصدين الشانطي...
امينة:مالكي ا سوكا من ديك الساعة معجبتينيش
سكينة حانية راسها:شغنقولك اختي امينة غا مع ديك ماما امينة: ههه اه مالها ثاني؟؟
سكينة:باغا تزوجني اهئ اهئ اهئ
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة20: #الرومانسية_القاتلة
📖💜الجزء 2📖💜
امينة: اويلي شفتي انا من نهار جات عرفت شيي حاجة غاتوقع ههه
سكينة:اختي بغات تزوجني بولد خالتي لعور ديما مصدعاني بيه قبل متسافر و دابا لقات لفرصة فين تلصقو ليا غير تنتفكر كيف تييعيط عليا و تيدير فيها رومانسي ملي تيجيب ليا لورد من لفيرمة ملي مشينا ليها تيتقلب راسي
امينة كاتاكل شيبس: احم احم ههههه ضحكتيني هو اللي يليق ليك كنتخيل سوكا المفركسة مع ولد خالتك العور هههههه
سكينة:هو الصراحة مبيهش طويل و فيه شوية الضو ولكن واعععع راه متيشوفش مزيان و لصقة الله يحفض و ماما راك عارفاها غتزوجني بيه غتزوجني بيه خصوصا خالتي ربيعة مغاديش طلب منها السماحة
امينة: امم مقلتيش ليا شنو المشكل بين ماماك و لالة ربيعة انا شفتها بانت ليا مزيانة
سكينة:ياختي انا نيت براسي معرفت خليتهوم ضاحكات ناشطات ملي خرجت مع هشام رجعت لقيتهوم منتوفات لالا شي واحد تدخل بيناتهوم...مممم شغيكوووون؟؟(تتفكر) صاااااافي صاااافي عرفت شكون
امينة: ههه متقوليش ليا للي على بالي؟
سكينة بغضب:اااه هي هي ولكن باقي غنرض ليها الضربة غا بلاتي شحال هادي مدرت شي بلان لشي واحد قلت هداني الله و لكن هي لي جبداتني😡
امينة: واغي تهدني ههه اش من مصلحة عندها هه؟ سكينة:منعرف منعرف مي غنرضها ليها غنرضها ليها هدا هو جزائي تنقابل ليها ولادها ولكن تيقولو مدير خير ميطرا باس
طامو: مينة هاهوما لبنات جاو..على سلامتكم تعطلتو
مينة تلفات لهيه ملي شافت سكينة...
سكينة تتخنزر فيها وقالت بالنفخة:هاد الزمر مزال مغيجي ديال الطاكسيات؟؟
مينة: اه...امينة لاباس عليك كيداير سي محمد مزال مغتديرولنا شي عراسية؟؟
سكينة تتطلع و تهبط فيها:لمن خليتي لولاد؟؟
امينة: قريب قريب ان شا الله
مينة: خليتهم لراجلي مولاي الشريف ا حبيبة
سكينة:ممممم مزيان مزيان ايوا اختي اكرام لباس عليك؟
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة20: #الرومانسية_القاتلة
📖💜الجزء 3📖💜
إكرام:لباس الحمد لله اجي معجبتينيش مالك؟؟
سكينة تتشوف فمينة:ايوا اختي بنادم متيحشمش عندو 70 وجه
إكرام فهمات منها بلي مينة دارت شي زبلة من شوفات سكينة...
إكرام:ايوا اختي متقاقيش راسك كلا وطبعوا
طامو: واهاد الطاكسي تعطلات و هازين الثقل
امينة: هاهيا طااااكسييييي
سكينة تتشوف شوفات ماكرة ف مينة:متقلقيش ا زين باقي غنوحلها لهاد بنادم (ضحكات فوجه مينة)
إكرام:ههه دوك الشوفات معجبونين نعلي الشيطان ياله نركبوا
سكينة:واخا يالاه نركبو ماما ركبي نتي فلقدام احسن
ركبات مينة و طامو لقدام و اكرام و امينة و سوكا للور والتوام واحد هزاتو أمينة واحد إكرام...
🚕فالطاكسي🚕
مينة: شفتي ا الحاجة بنات ليوم مفيهمش الصواب ويلاخليتيهم يجيبو ليك فضيحة
سكينة:اوووف لجو مزموت ياختي ايمتا غير نوصلو(جبدات تيلي لقات ميساج تاع هشام)
طامو: داكشي علاش بغيت نزوج سكينة بنتي لولد خالتها باش نتهنا منها
مينة: احسن ماتديري وانا نعاونك فكلشي ههه (تلفتات لسوكا غمزاتها)
سكينة جرات مينة لعندها و قالت ليها فودنيها بشوية:غا بلاتي راه عرفتك واش نتي مولات لعوافي دلبارح (طلقاتها و غمزاتها تضحك)
إكرام:امينة شوفي ما شاء الله شحال كيحمق هاد الولد يا ربي متحرمنيش من هاد اللحظة
امينة:اه ا اكرام تبارك الله ما شاء الله عليه
سكينة:اه الله يحفضو من لعين سبحان الله متيشبهش لشي بعضين الله يرزقك الدرية الصالحة انشاء الله اختي اكرام
إكرام:امييين
طامو: اتاا زيد بالزربة راه قربات تطلع الشمس حارة و زعمة فايقين بكري
مينة: اييه ا داك الصلع بوراس سربي راه مقادين على شمس
امينة:ايوا ا البنات بعدا غنفووجو ليوم نساو الرجال و همهوم (تتنغز فسوكا)ياك ا سوكا ههه؟
سكينة:ااه ااه(سهات مع ميساج هشام)
امينة: واش اخالتي طامو بصح كاين تما شلال؟؟
طامو: ايييه ا بنيتي كاين شلال كنا نعومو فيه انا و...هههه ملي كنا صغار اييه اليام
امينة: نتي ومن هههه؟؟
سكينة شداتها الضحكة:احم احم نتي و الروفيكس ا ماما ياك هههه؟؟
طامو غضبانة تلفتات و شافت فسوكا: تجمعي تجيك فالراس
سكينة:و ماما متقلقيش راه الروفيكس سيد الرجال
مينة: هي السي الروفيكس مخالط ههه؟
طامو: هههه(حشمانة) راني سيفطليه ميستاج هههه سكينة:اححح لحوب لحوب
امينة كاتسنط كاتطل وتقرا المساج: س س سكينة الروفيكس عرضات عليه موك هههه
سكينة شداتها الضحكة:ههه ارااا ليا سي الروفيكس غيجي
إكرام كتلعب مع الياس مامسوقاش لهضرتهم حيت معزيزش عليها البلا البلا فالطاكسيات:امينة عافاك عطيني الليمون حاسة براسي تغلبت
امينة: هاكي ا زين هاد الشيفور ميت
من بعد طريق طويلة وصلو لغابة كبيييرة متشعبة...
الشيفور: على سلامتكم
طامو: اي جبتي لنا الدوخة
سكينة خرجات تتنقز و تتكسل:على سلامتنااا واو الغابة نعمة😐
إكرام:واخيرا خرجت من التاكسي..ههه بحالها بحال الدار
مينة هزات البوسيت من الكوفر و حطات التوام: الله على راااحة كون جاو الرجال غي اهزو لنا الثقل و يمشيو
طامو: وا سي الشيفور هزلنا عافاك هادشي لتحت ديك الشجرة
سكينة:الله على برود مكدبش عمر السييد الغابة نعمة عههه
يالاه ديك الشجرة زوينة عجباتني حتى قريبة
الشيفور هز لهم الصيكان و الموزيط د مينة و فرشو تحت الشجرة و جلسو...
طامو تسندات على الشجرة كاتكتب فالتلفون بحال الى كتنقي العدس و مينة حداها كاتاكل واحد لمسمنة مغموسة فالعسل وحداها طرموس دالقهوة سكينة محضراش كتبقشش فالتلفون اكرام كتلعب مع الياس ولد مينة و امينة كاتقرا واحد الرواية...
طامو حطات تيليفونها: اجيو كل وحدة تعاود لينا فين دوزات شهر لعسل
هههه مينة وحل ليها: احم احح اشنو فكرك فيه ههه؟؟
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة20: #الرومانسية_القاتلة
📖💜الجزء 4📖💜
إكرام:ههه خالتي طامو معولة تفكرنا فالعسل
طامو: فكرني السي الروفيكس قاليك كايفكر ا ا....هههه
امينة سدات الرواية و شافت سوكا: سوكا موك نقطة ضعفها هو الروفيكس ههه
سكينة مكايناش فهاد العالم ساهية فتيليفونها:ااا الروفيكس مالو فينو؟؟
إكرام:هههه روفيكس ايوا هي معولين على شي عراسية؟
طامو حشمات: يالاه نبداو بيك نيت ا اكرام عاوديلنا على شهر العسل ديالك
إكرام:انا دوزت فيه غير سيمانة بحكم خدمة راجلي
مينة: فين مشيتو ا زين؟ (كتسرط)
إكرام:مشينا لالفران حيت من ديما كتعجبني ديك المدينة عندها سحر خاص و نقية كتحسي براسك فعالم آخر
سكينة:مكرهتش نمشي ليها
طامو: اممم انا معنديش بزاف مع البلدان الباردين فيا الروماتيز
سكينة:ماما وا انا بغييت نمشييي ليها واخا باردة
إكرام:ولكن دك الساعة كاع متحسي بالبرد اححم هه سكينة دابا تمشي ليها مع راجلك فالقريب راني قلت ليك حاسة بشي عراسية قريبة ههه
طامو شداتها التبوريشة: من فمك لربي احبيبتي..ابنتي سوكا صبري حتى تزوجي ولد خالتك و ديك الساعة تمشي فينما بغيتي
سكينة وحلات ليها لهضرة:ماما دوينا فهاد لموضوع
طامو: اه ابنتي راني تاصلت بخالتك و غدا ان شاء الله يجيو يخطبو هههه
كلشي تصدم...
مينة حطات الطرموس: واه دغية؟
سكينة تصدمات شداتها الرعدة:ايييمت ت تا تاصلتي بيها ماما حشومة عليك باغا تغصبيني فشبابي اهئ اهئ اهئ
إكرام:مينة هاكي حطي الياس حدا انس راه نعس..خالتي علاش زربانة البنت باقا صغيرة
امينة شادة فسوكا: غي تهدني تهدني
طامو: واش نعاود ليك لهضرة صافي ولد بنت السارح ميديكش واخا طيح السما على لرض
سكينة:حشومة عليك هادشي لي تديري فيا اهئ اهئ اهئ إكرام:نعلوا الشيطان واش اخالتي بغيتي بنتك تعاود نفس تجربتك ديال زواج بزز؟؟
طامو: اكرام راكي عزيزة متدخليش بيني و بين بنتي عافاك
مينة: صافي تهدني ا لالة طامو للي قلتيها غاتكون ان شا الله إكرام:سمحيلي اخالتي ولكن خصك تعرفي هدشي اللي كديري ما مزيانش فكري قبل ما تندمي(ناضت مشات عند واحد الحجرة خلاتهم)
سكينة تتبكي:غير بلاتي غنهنيك مني ديال بصاح و عقلي على هاد الهضرة ا لالة طامو
و ناضت من حداهوم و مشات حدا الشجرة لوخرا...
طامو: لهلا يردكوم مينة كبي ليا كاس دلقهوة واراي مسيمنات
مينة: هي اللولا ههه
امينة ناضت عند سوكا: تهدني ا زين راه كلشي غايتصلح
سكينة تتمسح دموعها:غا بلاتي و الله لا بقات فيهوم