يــــومــــيــــات جــــارات💍🌸|🇲🇦

الحلقة12: الإختطاف

🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة12: #الإختطاف
📖💜الجزء 1📖💜
بعد تحميمة دلبارح نعسو البنات كل وحدة و عقلها فين شاد كل وحدة و فاش تتفكر و اش تتمنا قررو ينساو الهموم شوية و يديرو شوبينغ منها يتقربو من بعضياتهوم اكتر و منها يشريو لي خاصهوم...
🌸فدار سكينة🌸
سكينة تتكسل:اوووه ليوم السبت و لبنات غاديين لسوق الله خصني لفلوس(تتقلب بسطامها)هادشي مكافييش اووف (ابتاسمات ابتسامة شرييرة و قالت) معاااد هو لي غيفكها
و ناضت من لفراش لابسة بانطوفتها...خرجات من لبيت لقات معاد عاد تيتسلت يخرج...
سكينة:اجي لهنا
معاد:(صبحنا على الله) اش بغيتي واش متتنعسيش
سكينة:خرج خرج من داك الجيب
معاد:شغنخرج؟؟
سكينة:مديرش راسك مفاهمش لعاقة لعاقة
معاد:معنديش سيري حتال من بعد
سكينة شافت فيه شوفة بريئة:داك نهار قاديت ليك لعراضة دايزها لكلام ياك و حمرت ليك وجهك مع هشام ياك اخويا الزوين بغيتي تحشمني قدام بنات لعمارة راه غاديين لسوق مجموعين بغيتيهوم يقولو خت معاد ممشاتش معانا حيت معطاهاش خوها
معاد:بففف شيطانة صافي تتسالي معايا(جبد من جيبو واحد 250درهم)يالاه هاكي هادشي لي عندي هاد الساعة
سكينة:طارت عليه ميغسي خويا ميغسي
معاد:يالاه هانا مشيت (خرج و سدات لباب)
سكينة لبسات سروال كحل مع بودي بيض قصير لاحت عليهوم مونطو قهوي قادات زيفها الكحل و لبسات سبرديلة مخلطين فيها الوان لبستها..هزات صاكها دارت مكياج خفيف شافت فالمراية جات زوينة و تمات خارجة من الدار طرگ امينة..يالاه بغات دق عليها هو يخرج هشام شافها تزنگ...
هشام:صباح الخير سكينة
سكينة:صباح الخير هشام
هشام:لباس عليك اش خبارك كيف بقيتي من البارح شوية دابا
سكينة:اه بيخير ميغسي ملي سولتي عليا ديزولي مشفتش مكالماتك بليل حيت داني النعاس
هشام:لا لا هانية غير نتي تكوني بيخير تشوشت عليك صافي فين غادية بعدا؟؟
سكينة:غادة لسوق مع لبنات
هشام:اه صافي واخا انا هابط اه جاتك لبسة زوينة هه
سكينة تزنگات و حشمات:ربي خليك
هبط هشام و عقلو مع سكينة لي كل نهار تيزيد يبغيها و يزيد يتعجب بيها و مشات تدق على امينة...
امينة:صافي واخا راه غير حتال لغدا انشاء الله صافي
محمد:لي بغيتي ا حبيبة راحتك هي الاولى
امينة:راك عارف خصني نتقدا شحال من حاجة و انا ميمكنش ليا نمشي عندهوم ب يديا خاويين و لبنات غيمشيو معايا يعاونوني فاش نشري صافي
محمد:صافي نتي تعرفي ا امينتي
امينة حشمات تتسمع دقان:محمد شي حد تيدق ايمكن سوكا طرگاتني غنقطع
محمد:واخا حبيبة نهار مبروك طهلاي فراسك
امينة:واخا حتا نتا بسلامة(حلات الباب)
سكينة:شحاال تندق ا حبيبة شوشتيني عليك
امينة:غير كنت تنهضر مع محمد فتيلي داكشي علاش طلعتي غزالة العفيريتة موالفاك بجلالب بزاف هههه
سكينة:ايوا اختي راه متنتقاد غير الى غادية لاماكن مهمة مي رشقات ليا نبدل شوية و صافي
امينة:واخا واخا ههه نوض نلبس حتى انا
امينة لبسات كسوة بيضة مع زيف بلومارين و موكاسان بيض دارت نضاضر د الشمس و شوية گلوص...
سكينة:طلعتي زوينة حبيبتي يالاه نطرگو مينة
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة12: #الإختطاف
📖💜الجزء 2📖💜
🌸فدار مينة🌸
مينة: مولاي عبدالله وا مولاي الشريف
عبدالله: اش تاني اجي فين درتي التقيشرة الي فيها الكاروات
مينة: راه شفت نيت شي تقيشرات زويينين فالسوق
عبدالله: اهاد البقرة بغيت تقشييييييرتي
مينة: راها م م مقطعة اشغاتدير بيها
عبدالله: ماشي شغلك فينهيا رراها كاضو من لواليدة
مينة: صدعتينا عرفتي شنو عطيني واحد الحمرة نمشي للسوق مع لبنات
عبدالله: الحمرة؟ قليلة عليك مبغيتيهاش زرقة؟
مينة: اوا الى كنتي نيت راجل كتبغي مرتك
عبدالله: اييه هي اللولا(ناض حيد السمطة)
مينة تخبات مورا الكرسي: صافي صافي عطيني غير الغوز
عبدالله: كيفاش شحال هاد لغوز؟ اه بيتي ربعمية
مينة: ريااال غا ربعمية ريال اخويا
عبدالله: يالاه هاكي الخضرة و الى خسرتيها كاملة نتفاهم معاك
مينة لبسات جلابة فلخضر فيها عقادي فالرمادي و جيوب فالزرق و بلغة فالذهبي جات كاتحمق و شال بلون البلغة و بزطام ليموني فيه زواقة فلون الشال...
امينة و سكينة تمو خارجين يطرگو مينة بداو يدقو عليها دق دق دق
مينة حلات: تسناو نجيب لميكات (دارت فيدها عرمة دميكات كحلين) سيدي الشريف تهلا هاهوماك الدراري
سكينة:فين غادة بلميكات اراس البوطة؟؟
مينة: غانتقدا ا عود السنان تبارك الله
سكينة:راه عطا الله لميكات فسوق(شافت ف امينة)ياكما نقارضو لميكات فالسوق ا امينة
امينة بقات غير تضحك..
مينة: كاع منديها فيكم ا المحسادات..فين اكرام مغادياش؟؟ سكينة:ايوا زعمة قلنا نديرو الصواب و نسبقوك نتي الاولى
مينة: الصواب جا تال عندك اوتكوانسا زيدو ندقو عليها غبرات الحلوفة
سكينة:يالاه يالاه تحركو
دازو عند اكرام تيدقو عليها لي خرجات واجدة لابسة خمار فالگرونة وصاك وبالغين فالبيج...
اكرام:السلام عليكم البنات شوية وكنت غنعس هه
امينة: واجدة ا زين يالاه تعطلنا
مينة: اف سربيو عرقت بهاد الجلابة
سكينة: بفف جوج خطوات و عرقتي بسيف شو غا شحال هازة الله يحفض
مينة: بسمالله عليا شافني ربي بملوكو ماشافني العبد مشرط حنوكو يخ
امينة: متخافيش راه سوكا مكتقوسش هههه
سكينة:تحركي تحركي راك سديتي ليا طريق ا البقرة
مينة حطات لبزطام و لميكات و شمرات على ذراعيها: علاياش كتقلبي نجلس عليييك
سكينة:ياكما تتوحمي عليا وكان راك عاد بزقتي واحد جوج داك نهار علاياش تتقلبي
مينة نقزات على سوكا و امينة كاتحبسها: خليني عليها نحك ليها داك لفم راه ملقيتيش معامن ا الدايعة
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة12: #الإختطاف
📖💜الجزء 3📖💜
سكينة:شللي فمك بالسمن و لعسل ا البقرة بزاف عليك انا بعدا مضبرة على راسي كييتك نتي علاياش تتقلبي شفتك حگرتيني اااا
مينة: انا بدااااري مزوجة بسيدك كيتك نتي لي غي كايتشايرو بيك
اكرام: نعلو الشيطان ها الطوبيس جا
سكينة:طلقو مني طلقوو مني دابا نشيير عليك بشي حاجة امينة جرات سوكا دخلاتها مع الطوبيس و تبعوها البنات..دخلو جلسو و مينة جلسات على راس الشيفور كل مرة تسولو حتا وصلو...
امينة: واو بدلو الديكور ديال السوق
سكينة:زوين(شافت واحد تيبيع سندويتش) لبنات فيا الجووووع
مينة: سيري عل الله تاكلي شي سم
سكينة:يييخ تبعيني تبعيني حتى تفضيني لبنات تسناوني نجيب واحد
اكرام:سيري ا سوكا جيبي ليا معاك ريحتو بنينة
سكينة:احح مشفتي انا مبقا والو و يسيلو ريوغي ههههههه واخا حبيبة نجيبو ليك
مشات سكينة جابتو...
اكرام:بسم الله مممم بنين هاكو ا البنات دوقو
سكينة طاحت عليه مطلعات الراس مزال:مممم بنيين مممم بنيين
اكرام:لبنات شوفو داك لبوتيك حوايجو كلاص اجيو نشوفو مينة:هادشي مشبعنيش الله يعز لمرقة
امينة:يالاه نوضي ا سوكا نشوفو داك لبوتيك
سكينة فمها عامر بالماكلة:واخا صبري صبري(مسحات فمها) الحمد الله ايوا يالاهو نشوفو لبوتيك
دخلو لبوتيك لي كان باين بلي عاد جابو سلعة جديدة...
اكرام:احم البنات غندوز لديك الجهة(ملابس الداخلية) سكينة:احم احم انا غندوز لجهة هاد البيجامات لقصار عجباتني وحدة
اكرام شافت واحد شوميز دو نوي زوين مشبك دارت ابتسامة ولكن سوكا عاقت بيها او جات عندها...
سكينة:مممم زوينة هاد شوووميز كون كنت مزوجة ناخدها
إكرام:حاسة باللي قريب تلبسيها هه(بقات تتطلع بحجبانها وتضحك)غاناخود الكحل وهاد المنمر واعر
سكينة حشمات:ههه كيفاش گري گري اش فراسك ههه؟؟
إكرام:امم لا والو مفراسي والو هه
سكينة:وا گرييي احمباك ههههه
اكرام:مور المدابزة كنت انا و راجلي و شفت داك الفارس هازك ونتي سخفانة ههه مقدرتش نجي قلت هو غيتصرف سكينة:هههههههه ناري موصيبة صافي و شنو تيدور عندك فداك الراس
اكرام:احم احم هههه ايوا كانت باينة عليه مخلوع عليك شوف لبنت تزنگات زيدي زيدي راه خاصني شي كسيوات او كولونات باش الى ملقيناش ندوزو لبوتيك اخور
سكينة بقات ساهية تتفكر فهضرة اكرام...
اكرام:ازيدي راه ايكون تيحقق فشي جريمة ههه
مينة: انا بانو ليا شي تقاشر موصيني مولاي عبدالله تسناوني اكرام:واخا ا مينة متعطليش
سكينة:اجي هاد شوميز اتجيك زوينة
مينة: الله..اجيو ا البنات اكرام اجي هاد التقاشر ديهم لعمران
امينة:لبنات اجيو زوينة هاد لبيجامة نديها لماما؟
مينة: اي هادشي غالي تقاشر ب 60 درهم لاباس
سكينة:وي زوينة ا امينة خودي ليها جوج حسن
مينة: اتي نسيناك كاع خودي هادي راه حمقاتني
امينة:اويلي ماما متيعجبهاش هادشي لي مشلض
مينة: شوفي هاد اللون لخنيني اللي فيها اااه سطاتني
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة12: #الإختطاف
📖💜الجزء 4📖💜
اكرام:شوفي هاد لقميص بيض مطرز كيحمق ا امينة
مينة: انا غاناخدها نلبسها ليلة السبت احم احم
اكرام مشات تخلص داكشي لي شرات او رجعات عند لبنات
سكينة شداتها ضحكة:تلبسيها لمولاك الشريف اجي نوريك اش تلبسي ليه(وراتها واحد شوميز كلها مشبكة فلحمر و قصيرة) ايوا شبان ليك هههه
مينة: اويلي حشومة ههه..لا حبيبي عبدالله عزيز عندو هادا هاااد اللون لي منور
امينة: واخا ا لالة زيدي نخلصو هادشي راه اكرام سبقاتنا
مينة: الله يحفظك ا امينة خلصي عليا هاذ الخنشة دلحمام لسيدي عبلا
امينة: واخا مكين باس اي اي بغيتي تسلخيه
مينة: اراي لهنا راه هو قاصح
سكينة:غندي هاد 3 بيجامات لقصار زوينين واخا سيكسي هههه مهم نلبسهوم بوحدي فالدار
اكرام: متلبسيش داكشي قدام خوتك
سكينة:راه قلت ليك الى غير بوحدي فالدار
مينة: اراي نشوف اش هادا
مينة: سكينة اش هاد نصاص الثوب؟؟
سكينة:تي طلقي اش تتعرفي فلباس الانوتة هادشي لي تنرتاح فيه بزاف
امينة خلصات: باركة من الهضرة راني بغيت نشوف لبحر توحشتو
سكينة:اييه اييه انا نيت ولكن صبري نضورو شوية فالسوق عالله تبان لينا شي حاجة خرا
مينة جبدات طريف دلخبز كاتاكل: اشقلتو لبحر؟
سكينة:ايييه لبحر
اكرام:اه حسن شحال هادي نيت ممشيت لو
مينة: ياحليييييلي مامشيت ليه من نهار تخطبنا انا و سيدهم (تزنكات)
امينة: هي نديماريو راه مابعيدش بزاف
سكينة:هههههه شوفو شوفو وجه لبلا حشمات تفكرات اياماتها اكرام:واخا لي بغيتو لمهم تقدينا بعدا
مينة: اييه ا وجه اللفت راني دوزت شهر الشهد ا الغزالة سكينة:احح عليكوم دابا كاملكوم غتزوجو و غتلهاو برجالاتكوم (حنات راسها)و غتخليوني بوحدي وااع
امينة: متقلقيش مغنتهناو حتى نسيفطوك هههه
مينة:انا بعدا غنضور سروالك فالحومة غير تهناي
سكينة:هعهههه الله يمسخك ا مينة شكون ايقبل عليا؟
اكرام: عطا الله غي نتي شاوري بصباعك ههه
بقاو البنات تيتمشاو حتى بدا تيبان ليهوم البحر...
مينة هزات جلابتها و حيدات البلغة: البحر البحححر
امينة: راه باقي بعيد مالك خفتي تفزگي
سكينة:الله خليوني نتكا ليا مع راسي
لبنات شافو لبحر تشيرو كل وحدة فين كتنقز..
امينة:اكرام اكرام
اكرام:نعام ا امينة؟