#بندر/
قعدت في فراشي استرجع اللي صار معقوله خالد يسوي معي كذا ويقول عني هالكلام, وبدون حتى ما يفكر وقدام هالعالم كلهم؟!!
لا اكيد انا احلم
اصلا اللي شفته اليوم انسان ما اعرفه !!!
ورغم الإهانه اللي كنت احس فيها والجرح اللي في قلبي الا اني دست على مشاعري ورحت ادق عليه لازم افهم وش اللي مضايقه لهالدرجه
ليش؟؟ لانه مو اي واحد
لكنه للاسف عطاني مشغول بعدين قفل جواله !!
جلست في بيتنا ثلاث ايام لا رحت للاستراحه كالعاده ولا استقبلت مكالمات من احد
حتى اهلي مستغربين
لكن لان طبعي كتوم ما قدروا يعرفون أي شي
كانت هاذي اول ثلاث ايام ما اشوف خالد فيها واحنا في نفس المكان
مرت علي كنها ثلاث سنوات
ورغم اللي سواه معي الا انه وحشني حيل واشتقت له ذاك الشوق اللي تحسه يوجعك مو بس نفسي الا تحس شيء يألمك من جد اذا فاهميني!!!
لكنه الله يسامحه ما حاول يعطيني أي فرصه عشان اتصل عليه
اتصلوا الشباب من الاستراحه وكانوا حاطينه عالسبيكر وسلموا علي وسألوا عن احوالي
"ماجد": وينك من زمان عنك يارجال كبر راسك علينا والا عشان خويلد ما عاد يجي صرت انت بعد ما تجي؟!
سمعت كان احد ضربه وسكته
"بندر": معليش ياشباب انا هاليومين ما اعتقد اني بجي للاستراحه مالي نفس سامحوني..
"سامي": وشرايك نجيك للبيت اذا ما عندك مانع؟!...
استغربت بس رديت..
"بندر": بالعكس حياكم الله أي وقت البيت بيتكم...
"سامي" : خلاص اذا شفنا يوم مناسب بندق عليك...
"بندر": خير انشاءالله الله يحييكم أي وقت...
"سامي": مع السلامه..
بعد شوي دق خالد !!!!!!!!
معقوله ماني مصدق عيوني وش القصه؟!
قعدت ساعه اطالع الأسم ابي اتأكد انه فعلا هو
لكن للاسف سويت شي بظل ندمان عليه طول عمري
عطيته مشغول وقفلت الجوال
ليش سويت كذا .. ما ادري .. اظن انها كانت ردة فعل طبيعيه بعد اللي صار لي معه
