بعد هالموقف حسيت براحه كبيره
حسيت ان احنا متعادلين الحين
او يمكن كان سبب الراحه اني تكلمت معه بعد فتره اعتبرها في نظري طويييييله وطلعت كل اللي في خاطري
اصلا ما عاد فيني صبر على فراقه
واكيد انه حس بغلطته
وهذا اللي كنت ابيه
وقررت اني انسى اللي صار خلاص و ارد عليه اذا دق المره الجايه
واسامحه واطلب منه يسامحني بعد
يعني حتى انا قلت كلام ما كان لا زم يطلع مني
وقررت ان احنا نسافر بعد
عشان نعوض كل الايام اللي بعدناها عن بعض
علمت ريم بالسالفه كلها
كانت مستغربه وهي تسمعني:
"ريم": تصدق يا بندر هاذي والله العالم عين وصابتكم اجل معقوله خالد يسوي اللي سواه لا والأغرب انك قويت نفسك ولا سامحته,لا لا اسمح لي هالكلام ما يدخل العقل..!!
..ضحكت وانا اسمعها وقلت...
"بندر": من جدك ما سامحته؟؟!! اصلا من اول ما شفت اسمه في جوالي سامحته على طول وبيني وبينك قلبي ما قوى يزعل عليه من الاصل لكن الظاهر اني كنت امثل على نفسي قبل لا امثل على احد!!
ثانيا المسأله بأختصار كانت رد اعتبار, لكن تعرفين حنا مو زيكم انتم يالبنات اذا زعلت وحده الثانيه تعتذر على طول غالبا والثانيه بعد تسامح بسرعه وهذا في ظني اللي يخلي صداقات البنات اجمل واطول بعد اما الشباب فالكرامه والعزه تتغلب على العواطف الثانيه دايم نحس ان احنا مو بحاجة احد والاعتذار بعد من اصعب الاشياء علينا هاذي طبيعتنا اللي حطها ربي فينا, هذا وانا وخالد نعتبر طفره جينيه بالنسبه لصداقات الرجال ،الله يعين انشاءالله انا الحين بس استناه يدق خلاص ماعاد فيني صبر...
طالعتني بتعجب...
"ريم": والله انك غريب يا بندر طيب ليش ما تدق انت عليه؟!!...
"بندر": اوووه انت غبيه والا تتغيبين وش قاعد اتفلسف عليك من الصبح, اقول لك ما اقدر صعبه علي وبعدين خلود ما يقدر يصبر بعد اكيد بيدق هو قال لي انه بينتظر علي شوي...
عطتني نظرات ما ادري وش تبي وقالت..
"ريم" : الحمدالله والشكر لحد يسمعك بس وبعدين لا تسوي روحك فاهم البنات لانك ماعندك سالفه وفي شيء
ابيك تفكر فيه تتوقع لو الوضع كان العكس خالد كان بيسامح والا بيسوي مثلك؟!!..
وطلعت...
وقعدت افكر في كلامها واللي اجابته كانت واضحه بصراحه
وهي بعد كانت تعرف الاجابه لان مواقف قديمه تبين ان خالد حتى لو كان صعبه عليه يسامح ومن النوع اللي زعله شين بس انه يسامحني انا دايم مهما صار..
لكن هالكلام مايهم الحين..
مر كم يوم وخالد للحين ما دق
