جاني مسج من خالد فاليوم الي بعده
وكان مقطع من اغنيه تعجبنا ودايم نرددها
يقول المسج:
*ما جيت ابسأل جروح او سبه غيابي..
المشكله"اعرفـــــــك" اكثر من أسرارك..
وأكثر من جــــــــــــروح قلبي ورقه اعتابي..
((قلي بعد هالـــــفراق وش آخر اخبارك))؟؟!!
المسج اثر فيني .. لان خالد مو راعي مسجات ولا يعترف فيها
رجعت بي الذكرى لايامنا الحلوه
وقررت ارسل له مسج كرد من نفس هالاغنيه بعد بتعديل بسيط مني:
*ماهي غريبه اذوق وانطفي بنارك
ولا هي بعيده اشوف الجرح باحبابي
حاولت أنسى ولكن ضاعت اعذارك
مادام جرحك ((يالرمت))مكتوب بكتابي!!
يوم الخميس اتصل سامي:
"سامي": هلا بندر...
فرحت بمكالمته ذكرتني بالجمعات فالأستراحه...
"بندر": هلاااااااااااااااا سامي وش الاخبار...
"سامي": تسلم, وش دعوى يارجال وين الناس اشتقنالك...
"بندر": تشتاقلك العافيه ياخوي...
"سامي": فاضي اليوم نمرك انا والشباب بين عشوين؟...
"بندر": الساعه المباركه حياكم الله والله ودي بشوفتكم...
"سامي": اجل نشوفك اليوم انشالله...
"بندر": لا تطولون صلو في مسجدنا مع السلامه
جو الشباب على موعدهم .. على انهم ما صلوا عندنا
ورحت افتح لهم
ماشاء الله كان الكل جاي
ما ادري وش الغلا اللي جا لي فجأة
ولما اكتملت المجموعه وانا ارحب فيهم
قبل لا اسكر الباب دفعه واحد
فتحته بسرعه وقبل ما اشوف مين قلت..
"بندر": السموحه ماشفتك يـــا...
كان خالد!!!
ما عرفت وش المفروض تكون ردة فعلي
لما تلاقت عيوننا بعد كل هالغيبه حسيت كني بطير من الفرحه في داخلي
وانا احاول بكل ما اقدر اني اخفيها واني ما انط عليه واحضنه
ابتسم ذيك الابتسامه الحلوه واللي وحشتني حيل
وهو زي ماتقولون كنه واحد غرقان ورد النفس...
فتح يدينه عشان يلمني
لكني بكل جمود مديت يدي وصافحته بدون أي كلمه!!
قبل لا يصير في خاطركم شيء علي
تذكروا اللي سواه فيني
وش ممكن تكون ردة فعل اي احد فيكم
