في الصالون:--
هي مشت ليو وقالت ليو وائل اخبارك شنو اساسا م فكر يعاين ليها شديد مع انو كانت مزة😂😂 قال ليها بخير قالت ليو مبرووك يخ لي م وريتني انك حتعرس🌚 قال ليها لميس م ورتك قالت ليو لا ورتني لكن كنت حابة اسمعه منك وقربت منو وقعدت جمبو في الكرسي 🐼🐾 (وكانت بتتكلم بي حنكشة كدا) قال ليها لميس وينا ؟مسكتو من يدو وقالت ليو انا بقدر اعووضك عن الفات 🐼🐾 وقربت زيادة انا بقدر اكون محل متاب بس انت اديني فرصة وحده ولسه هي شغالة تقرب انا الوكت داك جبته القهوة وم لقيتها في الغرفة وشنطته برضو م ف ، فتشتها في البيت كلوو في النهاية مشيت الصالون لقيتها مع وائل وبتقول ليو بعوضك انا وماسكه يدو فجأة كدا بدون مقدمات صمطه ليك كف(يخ دا وائل يخ والله بقدر يدق الناس كلها😂😂) ووقف علي حيلو قال ليها انت م بتخجلي ولا شنوووو😠 قالت ليو وائل انت م بتعرف انا بحبك لي ياتو درجه انا مستعدة اعمل ليك الدايرو بس اديني فرصة وحده 🐾🐼 بعد العملتو البت ديك وانت لسه م فكرت في غيرها انا طوالي خفته قلته ان شاءالله م تكون دي اسيل الفبركته ورسلته ليو قال ليها عرفتي من وين انت الكلام دا قالت ليو م مهم حسي عرفته كيف المهم اني حاكون معاك دايما وانا طوالي دخلته الصالون ختيت الجبنه في الطربيزة وبقيت بعاين ليها كداااااا لي وكت قلته ليها انت عرفتي الكلام دا من وين انا م جبت خبر لي زول بقت تتمتممم قلت ليها انت الرسلتي الصور دي صاح قالت انها شافته داخله االمكانات ديك وقامت صورته ورسلته ليووو وائل تاني صمطه ليك كفففف لمن وقعت 😹💔 قال ليها انا م حاسامحك علي العمله دي وشال مفاتيح عربيتو وطلع براااا هي طوالي طلعت ورااو انا قلته امشي اتصل علي لؤي امكن يكون كارهني اتصلت عليو المرة الاولى م ردا المرة التانية ردا علي قال لي دايرة شنوو قلت ليو بجد انا بتعذر علي الحاجه الحصلت دي و... قاطعني قال لي انتو شايفننا م نافعين الفايدة شنووو طيب نكون سوااا لمن قال كدا طوالي قفلته التلفون وجدعته البطارية بعيد واتغطيت بالبطانية ورقدته وببكي بكيت لمن راسي صدع بكيت بكا وبقول دا كلو بي سبب اني صاحبته غلط😭😭😭💔 دا كلو بي سبب اسيل دي لو م كان عملت كدا م كان حصل دا كلووو وببكي بكاااا لحدي الساعه 10 انا ببكي جا وائل داخل البيت جاني في الغرفة لقاني ببكي قال لي لميس قلته ليو انت مدام م واثق في البت خطبتها لي واسي انا لؤي زعلان مني وقال م ف فايدة نكون سوااا قال لي بجد دا غلطي انا م كان استعجل بي السرعه دي لكن م تخافي انا حاصلح اي شي وانا مشيت اعتذرته ليهم وكلو يوم حامشي لحدي م متاب تعفي لي قلته ليو دا كلو بي سببي لو م كنت بعرف اسيل م كان حصل دا كلو قال لي م مشكلة خلاص بكون لؤي قال كدا لانو زعلان وطلع انا مشيت غسلته وشي وتاني رجعته ابكي قمته رجعته بطاريتي وفتحته التلفون ورقدته نمتتته صحيت الساعه وحدة نص الليل علي صوت تلفوني وكان دا لؤي فرحته لكن قلته امكن حيقول لي نفسخ الخطوبة عشان كدا م رديت وتاني نمته صحيت بعد ساعه لقيتو تاني ضرب لي رديت قال لي لميس اطلعي لي برااا انا تحت نزلته لقيتو قاعد تحت مشيت عليو وم قادرة اعاين في عيونو عيوني كانت حمراا وراسي داير يتفجر وكنت م طايقاو 🌚🌚 قال لي كنت بتبكي؟ قلت ليو متوقع شنو بعد كلامك داك 😒 قال لي انا اسف (عاملته رايحه😂😂💔) قال لي يعني م حتردي علي ولسه منزلة عيني ولسه بعتذر لي وانا م عايزة افتح خشمي😹😹😹 لحدي م حضني عليو احتمال الوكت داك سمع دقات قلبي😂 قال لي قلت ليك انا اسف حببتي م كان في داعي ادخلك في مشكلة م بتخصك قلت ليو م تتكلم معاي انت براك القلته لي م ف داعي نكون سوااا بتغير رايك علي كيفك قام فكاني قال لي عارفك زعلانه عشان كدا عملت الاحتياطات😌😌😌❤ جاب لي كيس كدا اداني ليو قلت ليو حتحنكني بي شكلاتات؟😂 قال لي م ف حل تاني😂.....
#إبتسم فنحن نعيش بفضل الله وليس بفضل الاخرين🙆❤#
يتبع......
