فجأة مسكت اسيل البت وادته كف لمن خدها حمر ووقعت في الارض 😂💔 البت لزلته ودخلت فيها خبط وانا بقول ليها زحي وبحاول ازحه منها ولسه بيضاربو في الارض والناس تحاول تفكهم😂😂😂💔 فجأة العميد جا داخل وشاف الشكلة والمنظر دا وااااي😂💔 وهو زول صعب شديد خلاااص😂💔 قال ليهم انتو الاتنين علي المكتب سريع😠😠😠😠😠 دخلوا طوالي انا ونغم ومروة وهبة دخلنا معاهم وحكوا ليهم القصة كلها الموضوع طلع عشان المكيف البت الاسمها مزن دي بتنزلوا عليها 💔😂 وم اتفاهمت معاها طوالي حصل الحصل ونحنا شغالين نحنك معاو انو اسيل دي زولة مسكينه وم بتعمل كدا تاني وم ادراك قال لينا اطلعوا برااا طوالي لملمنا باقي كرامتنا وطلعناااا😂😂 كتبوهم تعهد وكلام كتير قاموا طلعوا واسيل دمعه من عينها من طلعت لكن مزن بكت بي حرقه معططت ليها شعرها كيف م تبكي😂😂😂💔 لمن دخلنا الكافتريا لقيت لؤي قال لي الليلة م تطلعي البيت برااااك قلته ليو امشي وين يعني 😂😂😂💔 رفع لي حاجبو ومشى احياااااا من السفهة😅😅 خلصنا تلاته محاضرات ورا بعض وطلعنا بعد صلينا العصر لمن جيت طالعه نسيت كلام لؤي ونحنا ماشين في الشارع جا وقف قدامي قال لي قلته ليك شنو انا 😠 احرجني يخ كان زهجان وعروقوا طالعه قلته ليو م متزكرة والله😂😂😂😂 وانا في نص صحباتي مسكني من يدي (الزول دا جريء خلاااص😹💔)وساقني معاو لحدي عربيتو قال لي اركبي 😂 ركبته بدون مقدمات لانو اصلا عارفاو زهجان امكن يديني كف لو فتحته خشمي 😂😂😂💔 ونحنا في الطريق فجأة وقف العربية وانا كنت سرحانه في الشباك قال لي انت خايفه مني ؟ قلت ليو لالا حاموت عديل من الخوف 😂💔 قلته ليو انت قلته لي شنو قبيل قال لي كنت داير اوصله ليك انو تاني حاوصلك لكن حومارة م بتفهمي😐😐 قلته ليو لكن انت احرجتني يخ 😂😂💔 شنووو تمسك يدي جمب البنات وتسوقني معاك 😂💔 قال لي انت خطيبتي كويس وم فيها شي بسوقك المكان الدايروو 😐 وكان زهجان كدا قلته ليو كويس كويس ودور العربية وصلني البيت وطوالي مشيت نمته وصحيت بالعشا لقيتو اتصل علي رديت كان فرحان كدا قال لي صباح الخير قلته ليو صباح النور😁💜 قال لي عندي اخبار ظاااابطه قلته ليو اها ارمي😂💔 قال لي م حسي وقفل الخط في وشي 😂💔 طلعت برااا ووائل قال لي لي م قلتي لي قلته ليو شنوو الماقلتو ليك قال لي طيب اعملي رايحه 😒💔 مشيت المطبخ عايزة اشرب موية ماما قالت لي لؤي م قال ليك شكلو قلته ليها شنو قالت لي ولا شي ولاشي قلت الليلة حاصل شنو يجماعه😂😂💔 طلعت برااا بابا جااني قال لي كبرتي ي بتي ❤😌 قلته الليلة بجد م فاهمة شي لمن طلعته لاقيت رؤى قالت لي ي مفترية حتخلينا برااانا وتمشي برضو لسه م فاهمة حاجه😂😂😂💔 لقيت الباب بدق مشيت فتحته لقيتا متاب جات قلته لي وائل يخس عليك لي م مشيت جبتها خليتها تجي براا قالت لي م جيت براي وصلني راجلك (مع ضحكة كداا)💔😂 يعني كلوم فاهمين الا انا 😹💔 قلته شكلها قعد تتظارف م اشتغلته بالموضوع مشيت غرفتي قريت ونمته صحيت علي صوت تلفوني كالعادة كان دا...
#إبتسم فنحن نعيش بفضل الله وليس بفضل الاخرين🙆❤#
يتبع.....
