البارت الاول
مرحبا بيكم هذي اول روايه نكتبهااا وإنشاء الله تعجبكم الروايه من وحي الخيال مافيش اي شيءيتعلق بالواقع
"للكاتبهsaro"😚
{قُل شـيـﮯء تَآجر عَليـﮯهہ 🖤}
البارت الأول،
المقدمه؛
البطلة الاء مواليد 98الطول متوسطة الجسم رشيقة العيون والشعرعسلي طويل يوصل لي اخر ظهري نقشي رقيق اني نقرى طب ونشتغل في مصحه خاصه .
نسكن اني وماما وبابا وخوتي التلاته وهم احرف بابا علي وامي سعاد .
خوي الكبير محمد: مواليد 89 نقشه علي الاسود ويشتغل دكتور اسنان خاطب وعرسه قريب وخطيبته إيمان .
خوي معتصم صحيبي: مواليد96 نقشه علي العسلي طويل وعضلات وتبو الرقم قولولي علي الخاص 😂ويشتغل في محل تغليف الهداية من صارت الحرب معاد قري فيها حرف 😂 ويقري اقتصاد مادة يصفيها وعشرة لا لاكن قدر ✌
خوي منتصر: مواليد 97 يخدم مع معتصم في المحل وحتى هوا قدر 😂 وقاري في معهد تمريض نقشه زي محمد.
مش طويل هلبا وحتي هوا عضلات وحلو🙈.
(نسيت انقوللكم اني انسوق)
• الساعة 1:30 ص
معتصم:ردي علي التاليفون يادراه 😡
اني:باهي
منتصر:هو في حد يتصل توا🤔
محمد:صح من يلي يتصل بيك ؟
اني:باهي توا انرد اها
رديت وطلعة ايمان
ايمان:الحمد لله سنة باش اتردي؟
اني:شن تبي يادراه نلعب بي البلاستيشن
ايمان:عادي وحدة بين3اولاد
اني:شنو اختصري عليا نلعب
ووووووه عليا ولدي بي موت مااااااات اتفوا
ايمان:من مات من ولدك ووووه عليك ووووه
اخدي مني معتصم يد البلاستيشن ويلعب في المرحلة ومنتصر ومحمد ميتين ضحك عليا😂 ورديت علي ايمان
اني:ها شن تبي بعد مامتت
ايمان من ولدك من مات
اني : نلعب في البلاستيشن يادراه
ايمان: اه باهي الحمد لله نحسابك متزوجة وماقلتليش المهم محمد قاعد في الحوش
اني: ينعجد امك ياخرااااا 😤
هوااا معنداش تلفون باش تتصلي بيا
ايمان:ماهو ميردش عليا
اني:باهي توا انقوله
سكرت منها ورجعت للدار وقعمزت 😊
منتصر:من يتصل بيك
اني:تلفتت لي محمد وقلت في واحد ميردش على خطيبته وهيا انشغلت عليه (طبعا اقروها بصوت امزيته 🤣)
محمد :اتخزرط ولا احمر واصفر واشارة مرور
وخدي تلفونه وطلع يكلم الحب 😘
ومنتصر ومعتصم انفلقو ضحك وقعدو يضحكو ويبصرو معاي وبعد شوية لازوني باش يرقدو(بيتصلو بي هذوكااا الناس ويحسبوني منندريش😑 )
تاني يوم12:30
بابا:نوض يابهيم انت وياه الجمعه قريب 😤
طبعا خش عليهم تقول ينوض في خرفان ومحمد رجل علي الكنبة ورجل في الوطى وتاليفونه يشرين ومعتصم طايح من فوق السرير ومنتصر راقد علي الوطى ودار ضلام واني واقفه نتشمت فيهم مع اني كيف نايضه 11:30😂
ناضو التلاته مخلوعين متشوفش غير غبرتهم بعد نص ساعه
معتصم :صباح الخير
الكل:صباح النوم
اني:نضت نجري وقفت بحداه بنصور معتصم اوخي تعالا انصور معاك باش انفشك بيها بعدين 😂
معتصم:بسرعة وقت عليا
اني:صورت وقعمزت خش منتصر ومحمد كانو لابسين ومتكمين ✌
وقفت بحدا محمد غنيتله عندي خوي اتقول.... غزال انراجي في فرحه مازال
معتصم:توا يطلعو الاغاني الحلوة لي ناس دون ناس بس
منتصر:باهي واحد غنتله و واحد صورت معاه واني؟
اني:قعدت نتكلم بي صوت واطي شن انغنيله عليك حصله 😑
منتصر:شن تقولي؟
اني:انشاء الله منفقد زول.... الي منخدمه ايجيني طول 😻
منتصر:اه هاذي قوية
اني:الحوش الي مليان صقوره ......انشاء الله منعيط في صوره
بابا:ماشاء الله حتى اني نبي من يغنيلي 😂
منتصر:بي صوت واطي مسدكش امي 24ساعه اتغني😑
اسمعناه احني 3 وفلقناها ضحك 😂
اني:يسلم سمعت بابانا .....يجرو كيف الجيش ورانا 🤭
محمدومعتصم ومنتصر ناضو يجرو وراي واني معاش اتشوفو الا غبرتي وبعدها امشو للجامع وحني امشينا لي حوش جدي بي سيارتي
في حوش جدي عمامي وعماتي وحناي وجدي اقرب شخص عندي في حوش جدي بنت عمي ندى وبنت عمتي تيسير وزوز نفس مواليدي هما ماجوش قعدت بروحي مكسده وقلت لي ماما
اني: عادي نمشي لي حوش خالتي
ماما:باهي لاكن متعطليش
بعد ماسمعت كلمت باهي متشوفوش الا غبرتي خديت الشبشب الي قدامي وطلع شبشب خوي معتصم الصبع وركب السيارة وطلعت في الطريق امتع الجزيره يجني واحد يضرب السياره💥🚘
من يلي ضربهااااا ؟
صار لي السياااارة الجديد ؟؟!!
