البارت الخامس
من اهني بتبداء الاء في المشاكل بسبب إسماعيل المجنون🤪 يلي حبهااا من اول مره 😍
وح تبدأ اتشوف فيه يوميا
_________________
العسكري؛ لو سمحتي الأوراق والرخصه
اني ؛ شويه بس افتحت الدرج واخديت الأوراق بس الرخصه بح
اذكرت كلام إسماعيل
وجهي أبدى ألوان ألوان 😬
اني؛ تلفتت لي البنات؛ الرخصه مهناش 🙂
العسكري؛ اختي لو سمحتي درسي ع اليمين باللهي
اني؛ ليش في شي
العسكري؛ لالا بس أوامر من القائد
اني؛ من يكون القائد هذااا وليش
العسكري؛ اختي اوقفي ع اليمين وجي القائد اتفاهمي امعاه
اني؛ حاضر بس قوله يعجل
العسكري؛ تمام 👌🏻
ومشى
_________________
عند إسماعيل؛ كان يتفرج من بعيد ويراقب فيهااا
البنت اهيااا فيهااا حاجه غير عن الكل 😏
لكن الباين انه بنتعب هلبااا يلا فداهااا عيوني 😼
خلي نمشي لهااا
_________________
اني كنت فاتحه التلفون ونهدرز على البنات
شويه وقف عليااا الخراء إسماعيل
إسماعيل؛ وقف على الروشن؛ اهلا مكنتش نحساب الوقت يمر بسرعه ودجيني
اني؛ اهني انفلقت ضحك 😂
ندى تعرف إسماعيل بس تيسير لالا
الكل يشبحلي ومش فاهم شيء
اني؛ وووووه عليااا انت القائد وووووه ههههههههههه لالا مستحيل 🙅
إسماعيل؛ كملتي ايده كانت في الجيب امتاعه
اسمعيني واللهي لو مش ح تسكتي راااح تندمي راااه
اني؛ انت من أمس شاد تندمي ما تندمي على شن بنندم بزبط
إسماعيل؛ المهم وين الرخصه
اني؛ مش عارفه ووووه بطني مش قادره
إسماعيل؛ طلع ايده من الجيب وطلع الرخصه😎😏
اني اهني خلاص لحظة صمت على أرواح الشهداء 😐؛
ملامح وجهي صارلهاا stop 🛑🚫
شن وصلهااا عندك هذي😕
إسماعيل؛ هوااا باش قلتلك رح تندمي
اني؛ علاش اهي رخصتي يلي طلبتهااا وعندك اتأكد من الاسم بس لو سمحت
إسماعيل؛ واللهي تي شن هذااا توااا ناخد منك السياره بعدين اضحكي باهي
ندى؛ خيرك إسماعيل اتبصر هيااا
وتيسير؛ تقرص فيااا من لوط
اني؛ بعد شفته يحكي بجد خوفت
لالا خيرناا إسماعيل انبصر عادي صح
إسماعيل؛ خلاص تبي تطلعي
اني؛ اكيد ياقليبي☺️
إسماعيل؛ ضحك خلاص شدي رخصتك وبري يلا وردي بالك من الطريق
اني؛ حاضر من عيوني😚
ولعت السياره ومشيت وتيسير تنق تبي تعرف من يكون
لين ندى احكتلهاااا
بعدين اذكرنااا نور اتصلنااا بيها متردش
امشينااا للمحلات ورحنااا لي حوش جدي
"____________________"
نسيت انقول لكم على حوش جدي
من بوي جدي اسمه عيسى؛
اكتر انسان في الدينااا يحب احفاده بشكل كبير
والاكتر البنات
اماا اميمه؛ فااسمهاا نوريه تحب الولاد لكن احنينه هلباا
واميمه ونور بينهم علاقه أكبر من جدة وحفيديتهااا
لدرجه نور مستحيل 🙅 اتغيب عليهااا دقيقه
للعلم نور وحده تبارك الرحمن عليها
انسانه ناشطه هيااا المسؤله على كل شيء في حوش جدي
هياا لي الضم أطيب كل شيء
وعندي زوز عمات
الاوله عمتي ربيعه؛ ام تيسير عمتي هذي عسل لكن أدير في روحه واعره
عندهااا زوز بنات تيسير زي مواليدي ونفس التخصص تخدم معاي نقشهااا رقيق وحلوااا وشعرهااا قصير ولونه اسود
والتانيه تقوى؛ مواليد 2000
جوهااا اهياجه وبس ضاربه الحياه ايزي ياعزيزي نفس مواصفات تيسير
زوز اولاد
الأول؛ تيم نفس جواا تقوى يشتغل في المصرف مواليد89نفس محمد خوي نقشه ارقيق وع الأسود
التاني؛ تميم أصغر من تيم بسنه قاري هندسه أهم حاجه عنده في حياته تلفونه وسيارته والباقي عاادي
عمتي التانيه؛ اسمهااا ريماا كيف متزوجه يعني مش معتبرينهااا عمه بالعكس كانهااا وحده مناا احني متزوجه ليهااا 9شهور
وحامل
*____________________*
اما عند نور ويزن💔
فاكانت ليله صعبه عليهم الزوز مع انه نور اتعودة لكن بكت اكتر من اي يوم فات
اما يزن صعبه لما الراجل يبكي وتنزل دمعته 😣
كان مايبيش حد يعرف بكسرته هذي وكان عنده مهرب واحد وهواا النوم
حتى لما روحت يقين وكان بيحكيلهاا لقاته رااقد
*____________________*
امشي يوم ويومين عااادي ولا كأنه
كل حد امشي في حاله يلي عنده خدمه ويلي عنده جامعة
ونمشوااا الاعشيه لي حوش اميمه
وكانت علي يومين نور ويزن امعاش ايجوااا لين الكل لاحظ هذاا الشيء
مر يوم واتنين واحني على نفس الشي
حاولنااا نقنعوااا نور انه ادجي وكلمتهااا اميمه
قالت باهي نور قعدت لا ماكله والشراب اربعه ايام
لين ولت صفره ولمااا جت الكل اتفاجئ
*____________________*
تعالوا نحكيلكم شن صار في الاربعه ايام
ولا لقاء صار بين نور ويزن
إسماعيل والاء زي الفار والقطوس
كان إسماعيل يجي كل يوم باش يشوفهااا
وكان واخد الجدول امتاع المصحه
ومع ذالك الاء تشوف وتحذف في كل موقف يديره
وملاحظه كل شيء ايديره
وفي نهايه الأسبوع
جي شخص وتقدم لي نور طبعااا لماا سمع يزن كانت صدمة حياته انه نور............
يتبع............ {قُل شـيـﮯء تَآجر عَليـﮯهہ 🖤}
بليز تفاعل لو سمحتوااا 😔
