البارت التالت؛
طلعت نجري باش انشوف السياره الحمد لله مافيهااا شيء
طبعااا اول ما فتحتهااا طول للدرج يلي فيه أوراقي(نسيت انقول انه في السياره كل أوراقي زي أوراق العمل أوراق الجامعه الخ....)
اني:الكلب مش ماس شيء الحمدالله
بعد اطمنت على السياره
خشيت لي المربوعه
لقيت الأمور طيبه مشاء الله
إسماعيل:شنواا اطمنتي على سيارتك 😏 في خاطره اطمنتي ع اوراقك
اني:اي ياااحنى اطمنت عليهاا وعلى العموم شكراا وسمحني ع التشحويره
إسماعيل:لا ولايهمك ياااحنى 😏 (تي حتشوفي الويل)..
الكل يشبح ومش فاهم حاجة إلا معتصم بس
معتصم:هااا شنوااا كنتوااا تلعبواا
نور وهيااا تشبح لي يزن :ااااه كناا نلعبوااا حصله في الري😏
معتصم:نور حصلت فيك وفي يزن الباين
منتصر:و خليناهم يلعب... ومن حيت لايدري ادجيه رفسه لي قريب مات لكن اكتم الوجع وسكت الرفسه جاته من نور🤜🏻
اني:ندى تعالى معاي شويه
ندي:حاضر هي
وعمتكم يقين :هايمه في إسماعيل
اني؛ يقين تعالى حتى انتي 😒
يقين؛ هيا هي
يزن شبح لي نور؛ نوضي امعاهم ولا بالعزومه هيااا 😑
نور؛ شافتله بنظرت تحدي؛ ما قالوااا ليش اني😏
يزن من نوع ميحبش من يتحداه في أي شي ويكسر كلمته ونور كانت اتحب تكسر كلمته
يزن؛ جن جنونه وناض
نور؛ اهني قريب ماتت من الخوف
يزن؛ وقف قدام نور
منتصر؛ يحاول يهدي الوضع نور نوضي خلاص
يزن نزل راسه ع ودن نور وقال؛ نور نوضي خير ما تندمي راااه
نور؛ اول مره يكون يزن لاصق فيهاا هكي مع ذالك حبت تتحدااه
لانهااا حست في نيران الغيره في عيونه
وقالت؛ لامش نايضه 🙃
اهني يزن خلاص امعاش اقدر يشد روحه😡
وشد ايد نور وطلع بيهااا من المربوعه
طبعااا معتصم وإسماعيل طلعوااا من المربوعه من امبكري باش يدخنوااا ومحمد ومحمود طلعواااا حتى همااا
واهني نور ابديت اتشهد على روحها
ويزن؛ امعاش ايشوف قدامه
طلع بيهااا جيهت السيارات وحذفهااع السياره وهوااا امحوطهاا بيديه الزوز 😡قال بصوت واطي يحاول يكتم الغضب يلي في داخله عكس العاصفه؛ اني لما نتكلم ونقول نوضي من اول مره اتنوضي نور فاهمه
نور؛ من الخوف وقرب يزن وريحته مش قادره تتكلم 😣
يزن؛ في مني انكلم اني ردي الزفت😡
نور؛ ولاحرف
اهني يزن كيف قام ايده بيضربهااا لكن وقفه صوت نور يلي مش مفهوم منه حرف من البكي 😢
نور؛ حححاضر اخخخر مررره 😖😣
يزن اهني متحملش يخليها تبكي للعلم انه يزن احن شخص في العيله وراااء القسوه هذي حنيه رهيبه
نور؛ واللهي كنت نبي نطلع بس انت عصبت بسرعه
يزن؛ اهدي شويه نور منحبش من يكسر كلمتي فاهمه 🤬
نور؛ فاهمه خلاص وربي اني كنت بنطلع بس انتي اتكلمت واني منحبش من يأمرني يزن 😣
يزن؛ متحبيش من يأمرك وكان يعني تحسبيهااا هيدقاا هيا نور 😡
نور؛ اهني بدت تبكي بعبرتهااا
لين يزن امعاش عرف شن يديرلهاا باش تسكت
يزن؛ نور خلاص اهدي نور 😕
نور؛ حاطه يديهاا ع ودانهاا وتبكي ماتسمع في شيء
طبعااا يزن متحملش يشوفها بشكل هذااا
وكانت أول مره يشوف نور ضعيفه
حاول يسكتهااا بس مافيش فايدة قرب عليهااا وحضنهااا وقعد يمسح على رأسها
نور تفاجأت من ردت فعل يزن لكن كانت في أمس الحاجة لي هذاا الحضن حاولت تمنعه في الأول بس كان يزن قوي هلبااا
نور قعدت شويه باش أهديت (اعجبهااا الوضع)
وناضت وهيااا تمسح في عيونها؛
يزن امعاش تقرب جيهتي فاهم هوااا اول طلب نطلبه منك باللهي عليك
يزن؛ حس بغصه في قلبه حس انه نور يلي كانت اتموت فيه توااا بح حس انه هذي مش نور حس انه نور اكتر انسانه تكرهه
يزن؛ نور اهدي قرب شويه وشد يديهاا اسف نور خلاص باللهي سامحيني
نور؛ جبدت يديهاا وقالت؛ يزن بعد من علياا باللهي ومعاش نبي نشوف وجهك ومشت
يزن؛ من الصدمه معش اقدر يتحرك من امكانه وهوااا يشوف فيهاا اتبعد من عليه أتلفت لي مرش السياره وضربه ضربه لين اتشقق وهواا يقول؛ ياربي شن يلي انحس فيه وكان اصلا هياا مش آخر وحده في الكون عاادي😕
سكت شويه بعدي عيط يالع#£€¥
يااربي شن يلي نحس فيه بس وركب سيارته وطلع والتراب ورااه
________________
في مكان تاني وفي نفس الوقت
كنت اني وندي نهدرزوااا على صارلي مع إسماعيل
لين خشت علينا نور وهياا تحاول تخيفي دموعها
اني؛ نور خيرك نور حبيبتي خيرك
ندى؛ نور شن فيه
نور؛ بالهي عليكم خلوني في حالي بعدين نحكيللكم
اني؛ باهي على راحتك
نور؛ الاء باللهي جيبيلي تلفوني من المربوعه
اني؛ حاضر مع اني منبيش انشوف الخراء هذاك لكن بااهي
خليت ندى تهدي فيهااا ومشيت انجيب التلفون
_________________
عند معتصم وإسماعيل
معتصم؛ سمعه نمشي للسياره ونجي مش غريب انت يابرو
إسماعيل؛ تمام 👌🏻 مش اتعطل
معتصم؛ تم ياقلم ومشى للسياره
إسماعيل كان يبي يمشي للمربوعه وكنت اني ماشيه للمربوعه
هواا كان يلعب بالتلفون
واني كنت أنونون
ووووبوووم..........
{قُل شـيـﮯء تَآجر عَليـﮯهہ 🖤}
