فصلية الذيب

البارت التاسع عشر

نورهان: بعد الي صار كرهت الغرفه الي كاعده بيهه. وختنگت منهه مردت ابقه بيهه صحت لزينب

زينب:گولي حبي شمحتاجه

نورهان:اريدج تطلعيني من هاي الغرفه ابقه غرفتج

زينب:بسس ع...

نورهان:لتكملين وتكولين ميقبل اذا مقبلتي اروح لغرفتج والله انام بلصاله

زينب:لا هيه غرفتي غرفتج

نورهان:تسلمين وتعالي ساعديني

زينب:دللي كم نونه عدنه حياتي

نورهان: ساعدتني زينب ونزلت جوه بغرفتهه يله رتاحيت وحسين بالأمان

.
.
.
.
.
.
.
عباس: فتحت باب الغرفه وملگيتهه كلت نهزمت صحت بأعلى صوتي يمه زيينب وين نورررهان ماااكو

ام عباس:سمعت الصياح وركضت ع درج شكووو يمه شبيك كابت لدنيااا

عباس:كلولي وينهه نهزمت هااي لفصليه

زينب:شبيك عباس مرتك نايمه جوه يمي

عباس:من كالت هيج زينب مي بارد ونزل ع گلبي وليش شبيهه المهجومه غرفتهه لو متعجبهه للمدام

ام عباس:اشش ولاكلمه انته الك عين تحجي بعد الي سويته اكعد بغرفتك والصم وعوف البنيه بحالهه

عباس:مرتي وبكيفي واني حرر بالاسوي

ام عباس: ايي مرتك بشر مو عبده عدك علمود تسوي بيهه الي تريده تكدر تتحاجه وياهه وتتفاهم مو تهجم مثل الماشايف وشاف. ولاجنك مزوج جنت وعدك مره

عباس:كااافي يمه البيه مكفيني دخلت وسديت الباب

.
.
.
.
.
.
.
نورهان: سمعت الصياح ولهوسه مهتميت ولاشوي نزل عندي برود صرت ماهتم بعد الي صار بيه وبداخلي ماكو اي شعور غير الكره والحقد

عباس:كعدت الصبح سبحت وبدلت تأخرت شوي  ارد اروح للدوام نزلت الدرج واشوف بوجهي نورهان صارت عيوني بعيونهه اشوفهه ذبلانه شسويت اني نزلت راسي ورحت مستحي من السويته

نورهان: كعدت ردت اروح للغرفه اجيبلي ملابس انتضرت شوي  هوه يروح ب8. صارت ب8ونص ارد اصعد وصار بوجهي. بقه يباوع بعدين دنگ وراح ماهتميت صعدت فوك سبحت وبدلت وغسلت ملابسي ونزلت لكيت امي كاعده صبخت عليهه وسويت ريوگ اجت تساعدني مخليتهه خليته ع لميز مال طعام وصحت عليهه نتريك وبعدين كعد مصطفى وزينب زينب سوتلهم ريوك هم كعدو يسولفون ويضحكون اني مالي خلك. كمت ارد انضف علمود اشغل تفكيري ومقبلت زينب وامي كوه كمت بديت من فوك للجوه غسلته ومسحته ورتبت كولشي سويت حمله كامله عليه لحد ماطلعت بلكراج ارد اغسله واشوف واحد صاعد من فوك السطح يباوع گبر هذا شبي ميستحي مات المستحه عفته ودخلت جوه. هاي جانت ناقصه طلعتلي ليلى