فصلية الذيب

البارت الثالث والعشرون

عباس: بعد مافتحت الباب ودخلت للغرفه واشوف الاجهزه بكل مكان مخلين الهه ومفتحه عيونهه گوه كعدت يمهه ولزمت ايدهه وكلت الهه يابت گلبي شوكعت غير تنتبهين اني شيصير بيه بدونج شلون اعيش بعدج انتي صرتي كل حياتي واحلم بمستقبلي وياج وبيوم واحد اجيتي تعوفيني اموت وراج ماعيش بدونج تردين تكسرين گلبي عليج شصار بحالي اني صرت ماعرف امشي ولاافكر كل همي وبالي بس انتي تكومين وميصير بيج شي. مكدرت تحجي تعبانه نزلت دموعهه ومسحتهن كلتلهه ماريد اشوف بعد هاي الدموع حبيبتي كافي لتخافين اني يمج ومابيج شي واهلج كلهم بره وصديقاتج وحده خبصتنه هاي حنين جنهه مخبله تروح منا وتجي منا وتصيح فصليه تنطوهه وهسه عبالهه اني وكعتج وشرير. متتدري ارد اموت وراج

نورهان: بعد كل الي صار فتحت عيوني اشوف كلوبات قويه ولون ابيض واحس راسي يريد ينفجر وجع قوي شوي ودخل عليه عباس اشوف عيونه حمرر وهم تعبان لزم ايدي وبقه يحجي متوقعت هلكد يحبني ردت احجي مكدرت بقيت ابجي  كال لتبجين. واهلي جايين بره. وضحكني ع حنين يكول هسه عبالهه اني موكعج من الدرج وتذكرت الي وكعني هنه رنا وليلى بس مكدرت احجي هوه كال وحدج وكعتي ميدري بيهن لين هنه جانن يتعاركنن يم الدرج يعني خطه هاي منهن لو مو خطه جان ساعدني من وكعت مو يختفن راد يطلع عباس مخليته لزمت ايده

عباس:مو لدكتور كال لتطول جوه تعبين

نورهان:ارد اكوله ابقه يمي ماكدرت احجي خفت فقدت صوتي بقيت ابجي ولزمت ايده خايفه

عباس:ماشي ماروح بس لتبجين اهدي شبيج بنيتي لا تخافين اني يمج واذا ع صوتج مابي شي من الصدمه كم يوم ويرجع من وكعتي صرختي حيل واذيتي احبالج الصوتيه هسه ملتهبات كم يوم وتصيرين زينه لتخافين

نورهان:ابتعدت شوي وارد اكوله نام هنا لين هم مبين تعبان كولش كوه جريت نفسي شوي واشرتله بايدي يتمدد

عباس: ولج لتتحركين مابيه شي اني بس ضغطي صعد من هبطتج خاف اطخج لو ااذيج تنفتح عمليتج نوب

نورهان: عقجت حواجبي واشرت بأيدي يله اجه نام
حسين بأمان ونمت بحضنه بعد مادري بشي لين تأثير البنج قوس جنت انام وبعدني نعسانه

عباس:بعد مانامت بحضني اجه لدكتور كبل طلع اني هم دايخ وراسي كبل نمت.
.
.
.
.
.
.
.
.
.
زينب: بعد ماوكعت نورهان واخذهه عباس ومصطفى راح وياا. بقينه بلبيت مقبلو نروح كولياتنه بقينه نبجي بلبيت وخايفين عليهه. جنت اسكت ب امي تبجي اشوف رنا وليلى نزلن شوه وحده تبستم للثانيه بشر شكيت اكو غلط لين هنه ميصاحبن ابد اكيد هنه سون هاي السالفه خلي يصير شي ع نورهان والله لحركهن لحقيرات. مرن ساعات واحنه باقيت ع المخابره ويه مصطفى ينقل النه الاخباار كال طلعت من العمليات وهسه صارت احسن وعباس هم احسن صار  اخر شي ماما متحملت كالت اله تعال اخذنه لو اجي وحدي لين بعد ماوكعت الكل راح لبيتهم بقت بس النسوان. كلت لمصطفى ياخذنه شوي واجه مصطفى حضرت وامي لبست عبايته ورحنه للمستشفى اشوفه مگلوب گلاب. اهل نورهان وصديقاتهه هناك.  كلت السلام عليكم