هلووو حبايب قلبي
شلونكم شخباركم
مشتاقتلكم
#هديتي..🦋🦋
#للكاتبةMare Ail
////البارت6///
_لوز وسـكر
ما سر قوة علاقتكما !!
- سرنا على مبدأ يمد لي كفه لو ان كفه يعاني
- وامد له روحي لو ان روحي مرهقة 🥺♥️
صباح يوم جديد
ديانا ....كعدت صبح باوعت علية لكيته نايم سحبت نفسي منه رحت سبحت مااخذت ملابس وياي كلت هوة ناسم لبست برنص لكيته بلحمام وشعري لفيته بلخاولي
وكفت كدام مراية انشف شعري كويته بعدنه نايم زين لجد ماكملت ورحت طلعت فستان بصلي طويل رحت للحمام لبست فستان وطلعت لكيته كاعد بس طلعت راح للحمام بسرعه شبي هذا حتى ماكال صباح خير
سمعت صوت يعني كاعدين بس مااكدر انزل وحدي استحي منهم طلع لاف منشفه ع جسمه جنت محضرة ملابسة لبسهن ونزلنه سوة كلهم كاعدين كلت صباح الخير
الكل...صباح الخير
ديانا...كعدنه ناكل وياهم شوية واجه محمد ويا واحد يضرب للثاني بشقى انتبه علية ابتسمت صفن علية وكال بصوت عالي
محمد...اني جاي احلم لو هاي حقيقة والله من كثر ما افكر بلمادة كمت اشوف دكتورة هنا
ديانا...اني مااستحمل خطية ضحكت وكل ضحك علية
جاوبته لهاي درجه مادة صعبة وتكرها واني مااعرف
شلونك اليوم
طالب...محمد اكعد بمكانك بلا حجي زايد
محمد...يعني انتي زوجت طالب
ديانا....اي اني
محمد...ابن عم اني بشاربك خليها تطيني اسالة مال امتحان مال باجر
طالب...ماتقرة ماتحتاج احد
محمد...صعب والله
ديانا...ماكو شي صعب بس مجرد احكام تطبق وبس شلون تريد صير محامي وقوانين انت ماتعرفهن وبعدين اني ماحاطه اسالة بعد
محمد...رحت بيها محمد الله يرحمك
بترجاج لاتكولين لحد انتي زوجت طالب صير مشكلة
ديانا...ماعندي مشكلة هذا شي راجع الك تريد تكول اولا اني هن افضل محد يعرف
طالب....وليش يعني ماتردين احد يعرف بزواج
ديانا..مو سبب يعني بس راح سبب مشكلة لمحمد لا اكثر ولا اقل
طالب...كل راح يعرف
ديانا...الله كريم
بس اني ماراح اداوم هل فترة
محمد...يعني ماكو امتحان
ديانا...ماجنت اعرف ااذ لغه امتحان راح تفرح هلكد اي لان اني اجازة هل يومين يعني احتمال ع خميس اداوم امتحن واطلع
ام طالب...يمة ليش انتي تشتغلين
ديانا...اي خالة اني دكتورة بلجامعه
أم طالب...فدوة رحتلج جنتي عدها شهادة وحلوة بعد شريد
ديانا... الله يحفضج النه
ام طالب...اليوم يجن حبايب علينه اريد تستقبليهن وياي
ديانا... تدللين خالة
طالب...عندي شغل راح اتاخر اليوم
ام طالب...يمه وين طالع وانت بعدك عريس مايصلح
طالب...يمة مايصير شي اني لازم اروح للشغل هذا
ام طالب...يا يمه تعوف هل حلوة وتروح للشغل احجي شي ويا
ديانا... والله يا خالة حجيت ويا فوك بس مااقتنع كلت بلكي انتي تقنعي بس اضاهر هوة مقرر من زمان
مروة...ليش يااخوي هيج تكسر بلبنية من اول يوم بس كلي راح تشتريلها حلقة وتجي
طالب... والله انتن فاضيات وماعندجن شي واني شغل واصل لراسي يلة محمد بسرعه راح نتاخر
ديانا...زين انت عندك شغل ولد عندة امتحان شوكت يقرة اذا رسب انت مسؤول
طالب... والله انتو يرادلكم كلب وهوة عندة مجال من ضهر ورة يقرة بي بسرعه يلة
وانتي تعالي وراي
ديانا...كمت ورة وكف يم باب وكفت يمه كول شيخ معقولة تنتضر قبلة وداع
طالب...انتي وحدة ..
ديانا...وحدة حبابة وطيوبه فديته حياتي انت
طالب... انتي ليش ماتستحين
ديانا...زوجي واتغزل بي ليش استحي
طالب...رجعي بمكانج مااريد اشوفج
ديانا...صار ياعمري ترجع بسلامه
انتضرك ع غدة ناكل سوة
طالب...كلت ماارجع اليوم
ديانا...ومع ذالك راح انتضرك
باييي
عفته ورحت رجعت للبيت ساعدتهن بلبيت اليوم يجن اخوات خالتي
كملت شغل وية بنات ورحت لغرفتي حضرت نفسي لبست فستان بيجي وحطيت مكياج سويت شعري وحضرت شال سمعت صوت يعني وصلو لبست حذاء كعب ونزلت كاعدين بلصاله سلمت عليهم نسوان اثنين اكبار وبنات ولد كبار سلمت عليهم وكعدت وياهم شوية ضلو يحجون الولد موغريب شكلة علية .
.....انت ديانا صح
ديانا...اي صح بس اني منين اعرفك
....معقولة نسيتي منو اني
ديانا....ماذكرك حتى انساك
....اني اصير ابن عم سارة
ديانا...اهلا بيك من رخصتكم
سارة لا هاي هية شلون عائلة اذا سارة منهم رجعت للمطبخ ردت اساعدهم بس ماقبلن بنان بس يذبن بحجيهن اني مزاجي انكلب من ذكرو سارة صبو غدة اكلت وياهم بس قيل انتضر طالب شلنه مواعين صبينه جاي اجة طالب هوة وعلي ويا ولد اثنين يمكن ولد عمة كعدو وية ولد طالب كل دقيقة يخزرني اخر شي ضجت
وكمت من يمهم صعدت للغرفه نزعت حجابي وفليت شعري جان يفوت طالب
طالب....اني مو صار ساعه اخزر بيج حتى تكومين عاجبج يباوعون عليج
ديانا...شنو قصدك اني متقصدة اسوي
هيج
طالب...شعرفني اني بيج شدعوة هلكد مكياج وهل اناقه اني ماكو المن هذا كلة استحي شوية
ديانا...انت شنو موضوعك كل كلة وثانية استحي شايف علية انت اني مامترباية
طالب...تصرفات تكول هيج اني شكو
ديانا...هيج حجي ماشي تدلل راح اغير كل تصرفاتي وياك منا وهيج من رخصتك
رحت للحمام سبحت ومسحت وجهي وابجي ع حضي الي جابني يم واحد ماعندة ذرة تقدير للمقابل او احترام سمعت باب انطبك يعني طلع طلعت غيرت ملابسي ضليت اكلب بلتلفون لحد مانمت.....
.
.
.
.
رأيكم بلبارت 🌷🌷
احبكممم😘😘
بايييي🙋🙋🙋
