هلووو حبايب قلبي
شلونكم شخباركم
مشتاقتلكم
#هديتي...😘😘
#للكاتبة.MareAil
يا زَهرتي يا زَهرتي
يا ڪل جمال أطيل فيه نضرتي
يا صوتاً أطرب مسمعي
يا ڪلا بسمتي و ضحڪتي
يا ڪل عطراً زَين غُرفتي .
ديانا...صحيت واني كانونه بيدي بلمستوصف مال جامعه
دكتور...حمد الله على سلامه دكتور شلونج هسة
ديانا...بخير بس اني ليش هنا
دكتور.. انتي وكعتي بلقاعه وجابوج هنا
ديانا...لان مااكلت اكيد مو
دكتور....لا انتي حامل الف مبروك
ديانا.......
دكتور....شنو ماجنتي تعرفين. محضي اني ابشرج بعيج خبر
ديانا....تحجي صدك دكتور اني حامل
دكتور....اي بلسابيع اولى لازم تنتبهين ع صحتج واكلج وتراجعين دكتورة خاصه حتى تنتبه ع وضعج
ديانا.... شكراً دكتور بس ممكن محد يعرف مااريد احد يعرف بلوقت حالي اريد يكمل كم شهر. وبعدين اكول
دكتور...صح كلامج مراح اكول لحد واذا احد سالني
ديانا...كلة فقر دم نقص تغذية بكيفك انت حدد
جنه نحجي اندك باب وفات محمد
محمد...بيج شي ليش وكعتي عفت امتحاني واجيتج من خوفي
ديانا.... ليش سويت هيج يعني شستفاديت هسة اني بخير بس امتحانك هسة شيرجعه
محمد...فدوة الج ها دكتور شبيها
دكتور...ضغطها هابط لان ماماكلة شي من بارحه
مابيها غير عافية تكدرون طلعوها
محمد... شكراً دكتور يلة طالب برة ينتضر
ديانا...ليش اجه وشعرفه بوضعي
محمد...هوة خابرني حتى يسال عن امتحاني وسمع صوتي واني من خوفي عليج كتله بوضعج لازم احد يمج
ديانا...انت موجود ماكو داعي
محمد...لاضوجين هسة هوة يمكن ينتضرنه بلباب
ممكن لاتحجين شي كدامه
ديانا....حتى سلام ماراح اسلم
محمد...ع راحتج مهم لا ضوجين
ديانا...طلعنه رحنت للمكتب لميت اغراضي وطلعنه للكراج مال كلية لكيته واكف يم سيارة بس شافنه اجه علينه وكال
طالب...حمد الله على سلامتج شلون صرتي هسة
ديانا... بخير
طالب...شكال دكتور شبيها تحتاج تروح للمستشفى
محمد...ضغطها هابط اتوقع مااكلت شي
طالب...انروح للمطعم حتى تاكلين وصيرين زينه
ديانا....محمد اريد ارجع للبيت مااريد شي
طالب...انتي ليش هيج مو جاي احجي وياج اني كدامج طفل
ديانا....لا اسم الله عليك موطفل جبير وعين الله عليك لدرجه تاخذ بكلام ناس وماتثق بمرتك وباخوك محمد هذا جاي حتى يموتني تودوني لو اخذ تكسي
طالب...استغفر الله العظيم اصعدو اصعدو والله لماانتي مريضة جان عرفت شلون احجي وياج بس حسابنه بعد ماكمل
ديانا......
محمد...كولولو يا الله يمعودين طالب بنية مريضة وانتي اسكتي لاتعبين اكثر
طالب....هسة شنو حجيته اني وهوية فتحت دفاتر قديمه
ديانا...لا عن جد قديمه شكثر يعني سبوعين لو شهر صح صارت قديمه لدرجه زراك الي بوجهي اختفى ليش ناوي جدد كلي
طالب....انتي هس....
محمد...ع كيفكم يمعودين اني هنا تريدون تحجون نزلني هنا طالب
طالب...وين رايح
محمد...خليكم وحدكم اتفقو شسون لازم تنحل مشاكلكم موضلون هيج
ديانا...بس تنزل انزل مستحيل ابقى ويا بمكان واحد
محمد.... ديانا هذا زوجج موغريب يعني ماكو مشكلة اذا بقيتي ويا حتى تنحل مشاكل
ديانا...ماكو مشكلة تنحل بكم كلمه اني نهانيت هواي منه ومستحيل ترجع كرمتي الي هانا وداس عليها
محمد...تمام تمام احجي هذا حجي الة اوكي باي
ديانا...بقينه سوة وكف يم مطعم جاب اكل وحطة يمه بدون صوت ومشة بلسيارة وكف يم شط فارغ مابي احد بس احنه نزل وعافني كاعدة بلسيارة مرت نص ساعة ع وكفته واني تعبت ومليت نزلت وكلت ممكن تكلي لشوكت راح تبقى هنا اريد ارجع للبيت
طالب....لحد ماعقلج يرد راسج وتقبلين تحجين وياي
ديانا...اسمعك يلة احجي
طالب...اني اسف ...
ديانا....
طالب...ماراح تكولين شي
ديانا.... وبعدين
طالب...شنو وبعدين اني اسف
ديانا...ع شنو كلي ع شنو اسف ع ضربك الي لو ع اعتداءك علية لو ع شكك بيه لو ع وعودك الي ماوفيت بيها وياي ع شنو ع شنوو
طالب...اسف ع كل الي كلتي صدكيني يوم الي شفت فديو عقلي طار وماشفت كدامي اني اسف ع كلشي والي تريدي اسوي اي شي مستعد اسوي حتى سامحيني
ديانا....اشوفه شلون وجها تعبان يمكن قلة نوم دمعته الي بللت رموشة اني حامل لازم افكر بطفل الي راح يجي
لازم اب يربي وياي واني شفت طالب كاب ماكو احسن منه وحتى لو تطلكت منو يكول يخلونه يمي
...
طالب... ليش صافنه بوجهي كولي راح سامحيني واي شي تردي اني حاضر
ديانا...اي شي اطلبة تنفذة
اي شي
طالب...اي شي
ديانا....ابتسمت بوجه. وكالت انت الي كلت اي شي
عندي كم طلب ويتنفذن واني راح اسامحك
طالب.... الله يستر من هل بسمه كلولي شنو هنة وطلباتج اوامر
ديانا.....اول...اريد تجي تخطبني
ثانيا...اريد عقد محكمة
ثالثا...حفلة خطوبة وعرس وصور
رابعا...نسافر كم يوم
شهر عسل
خامسا...اذا فكرت تزوج علية مرة ثانية صدكني موتك ع ايدي وهذا اهم شرط
طالب...بس هذني وسامحيني
ماطلبتي غير حكج
اليوم احنه يمكم حتى نخطبج وخلال هذا سبوع عرس
ديانا...شنو هل سرعه شكو
مالحك اسوي شي
طالب....رفع حاجبة ترة انتي مرتي لاتنسين
ديانا...اي واذا يعني
طالب...يروحلج فدوة لعل ضحكة كل عشيرة
ديانا...ههههه
طالب...كافي فضحتينه تعالي ناكل لان مامتريك ولا متغدي خليني افتح نفسي ع هل وجه حلو
ديانا...ههه بدينه ناكل اني ويا ومابطل غزل
رجعني للبيت بس مافات للبيت كال غير مرة
نزلت للبيت ولكيت كل ينتضرني سلمت عليهم وكعدت
يمهم
ابو علي...وين جنتي لهل وقت
ديانا....جنت بلمستشفى
الكل..شنووو
ابو علي...شلون وليش
ام علي...اسم الله بنيتي شبيج ليش مستشفى
ديانا...صار عندي هبوط بلضغط وكعت بلقاعه واجه طالب وصلني مبلغه محمد بوكعتي هوة وصلني هسة
ابو علي...وينه ليش مافوتي للبيت عيب بنتي
ديانا....كال عندة شغل مهم وراح
ابو علي...حجه وياج بووضوع رجعتج
ديانا...اي حجة واني شرطت علية كم شرط اذا وافق عليهن اني ارجع
ابو علي...عفية بنيتي عين عقل هذا الي توقعته من بنتي الي اني ربيتها روحي ارتاحي هسة وبعدين نحجي
ديانا....رحت لغرفتي وسبحت ونمت واني ماحسيت بشي
لحد ماكعتتني ملاك
ملاك...ولج اكعدي اكعدي
ديانا...شكو
ملاك.....ولج ماتوقعين منو هنا وشيريدون
ديانا...منو
ملاك.....
ديانا....شنووووو
.
.
.
.
رايكم بلبارت 🌷🌷🌷
احبكممم 😘😘😘
بايييي
