هلووو حبايب قلبي
شلونكم شخباركم
مشتاقتلكم
#هديتي...🦋🦋
#للكاتبة.MareAil
عيوني من شافت عيونك
تعلمت معنى الحنين
وبسمة شفافك يروحيّ
فرحّت گلبي الحزين.
شيخ...بنتي انتي تعرفين معزتج عدنه شكد وشكد نحبج وتعزج بس اكو شغلات مرات صير خارج عن ارادتنا
ديانا...شنو قصدك شيخ
شيخ...قصدي يابنيتي مريم راح ترجع لهنا ماقبلو تطلك وعمام رجلج ضغطو علية وهوة شيخ ومايرضه تجي لعيبه لبنت عمه ومنه
ديانا...لشوكت
شيخ....شنو يعني لشوكت لحد مالله كاتبلة عمر بعد عمر طويل بنتي
ديانا... ماشي شيخ من رخصتكم اني صاعه لغرفتي
شيخ...بس ماكلتي شنو رايج
ديانا...من رجعها طالب هوة يعرف راي بهذا موضوع من رخصتكم رحت للغرفه لميت ملابسي كلهن نزلت جنطه شافوني شيخ و محمد وام طالب
ام طالب...يمه وين رايحه ورجلج مو بلبيت
شيخ...واني اكول عنج عاقلة تعوفين رجلج بيهج موقف هوا وكف كدام كل بس حتى يضملج حقج
ديانا..اي حق عمي اي حق اني شما حجيت ورديت راح ابقى بعيونهم هدية وبس وحتى طالب حجاها اكثر من مرة وعدني راح يبقى الي وبس رجعها ع ذمته وسكتت وكال بس يطيب ابني ولخاطر هذا طفل هم تنازلت كلي بيا حق ابقى بس اني الي اتنازل ليش ماهوة يسويلي قيمه يمهم اني مستحيل اتحمل هيج
أم طالب...يمه ياما شفنه مشاكل وتعبنه محد بينه شالت ملابسها وراحت لهلها تحملي لخاطر رجلج
ديانا..وينه رجلي وينه الي ماكلف نفسة يكلي ماكلف نفسة يشرحلي وضعه دائما ماخذ دور ضحيه وينهزم ولا مرة صار وياي شي الكا بس بعد فوات اوان كليلي من اجتي مريم وهانتني كدامكم. شنو سوة هوة صاح بية وطلع حتى ماطيب خاطر بكلمه وجابها للبيت ويا وحطني كدام امر واقع ولا حسبب احساب لكرامتي سكتت وكتله نبدي من جديد وهسة هاي اجتي كلولي شنو موقفي هسة شنوو
طالب...تكعدين وتسكتين حالج حالي اني هم انجبرت ع هل وضع وانتي لازم تتحملين وياي
ديانا...انت رجال ماتنجبر تكدر تحلها مثل ماحليتها وكتلك ماراح تكدر طلكها وهذا ثاني وعد الك تخلفه شلون اكدر استمر بحياتي وياك وانت ابسط شي ماتكدر سوي
طالب...ضبي لسانج واعرف ويامن تحجين انتي مرتي بعدج تعالي وياي لزمها من ايدها وسحبها لغرفتهم وكال... ديانا اني بعدني عند وعدي انتي مرتي وبس وهية ام ابني وبس مستحيل ارجع وياها مثل قبل انتي لازم تتحملين لخاطر بس هاي فتر
ديانا...شكد اتحمل اطيني فترة زمنيه واني وياك لحد ذاك اليوم تكذر شكتلك بس اجيب مرة عليه مااكعد وياك بيت واحد وارجع لهلي شكتلي كلت الي تردي سوي بس من شوفيني جبت مرة عليج وهاي اجتي شتريد مني اعزلك غرفه واكلك اخذ راحتك وياها عيد امجاد قبل اني تعبت والله تعبت ليش متحس بية
طالب....خليج واثقة بية شهرين وبس وترجع وهذا وعد مني
ديانا....ليش توعدني وانت ماراح توفي بي مليت من وعود بدون تنفيذ مليت
طالب...خليج واثقه بية اخر مرة واذا ماصار الي كتلج علية الج حرية تصرف
ديانا...اخر مرة بس عندك شهرين وبس
طالب...تمام شهرين
ديانا...ماعرف الي سويته صح او غلط ارجع اوقق بيه مرة ثانية بس طاوعت كلبي حتى اذا عفته محد يلومني حضني حيل
طالب...يابعد روحي تعرفين قربج الي يريح كلبي وكل تعبي يروح
ديانا...شوكت تجي
طالب...مني هية
ديانا...مريم شوكت ترجع
طالب... انتي ليش مصره تخربين مزاجي
ديانا...محد يخرب مزاجك لازم تتعود ع اسمها لان راح تكابلك وتكعد بلبيت وراح تتعود ع شوفتها هم
طالب...اليوم تجي بليل
ديانا...اروح اصعد ملابسي واعدلهن مكانهن
طالب...سؤال قبل لاتنزلين
ديانا...جواب
طالب...صدك جنتي ناويه تروحين وتعوفيني
ديانا...اي
طالب...كلبج يطيج
ديانا...مثل ماكلبك اطاك وجبتها ضرة عليه اي يطيني
طالب...كلبج حاقد علية
ديانا....هواي
طالب...ممكن سامحيني
ديانا....مااعرف يمكن من رخصتك
نزلت لكيت كل واكف ينتضر قراري كتهم راح ابقى كل فرح وشيخ كال عين عقل طلبت من محمد يصعدهن وياي جنط عدلتهن سمعت صوت مريم يلعلع بلبيت مانزلت ابد صاحوني ع عشة كتلهم مااريد كملت شغل مال باجر محتاجتهن ارواق ونمت حسيت ع ايد طالب من حضني ونام يمي حسيت صبح بعدة حاضني سبحت نفسي وسبحت وعدلت غرفه وغسلت ملابس الي بلحمام شريتهن غيرت ملابسي لكيته كاعد سبح وغير ملابسة نزلنه سوة صبحت عليهم لكيت مريم مسويه ريوك وتتلوك للكل اني ماحجيت ولا اكلت
مريم...اكلي شوية لو مايعجبج طبخي
ديانا...لا مو هيج بس مااحب اكل صبح وكل يعرف بهذا شي بلبيت يلة محمد راح نتاخر
محمد...اي والله ذكرتيني عندي شغلة مهمة راح اتاخر اني هم اودعناكم
طالب...دربالك من سوق
محمد...صار
ديانا...صعدنه بلسيارة ومبين اكو حجي بلسان محمد
كول محمد شصاير من مصيبه
محمد... اسم الله مصيبتج
ديانا...انتي ماتطلع وياي من وكت الة وراك مصيبة وماتسوق بطيء الة وراك سالفه كول شكو
محمد...هلكد تعرفيني
ديانا...واكثر كول شكو
محمد...انتي تعرفيني عدل وتعرفين اني متربي يم عمي وطالب واهلي كلهم ماتو
ديانا...اي اعرف
محمد...اني عندي بيت بي مخلي لحد ماازوج وانتقل بي لان عمي مايقبل اكعدبي وحدي
ديانا...اي
محمد...وهسة اني مرحلة رابعة راح اكمل كلية وان شاء الله شغل موجود
ديانا...اي
محمد..شنو اي
ديانا...اريدك تكمل وبعدين ليش تحجيلي هاي شغلات
محمد...لان ..لان اريد اتزوج
ديانا...صلاوات خبر حلو بس طالب ماكالي
منو هية بنية
محمد...طالب ماعندة علم
ديانا...يعني اني اول وحدة
محمد...اي
ديانا... يافرحتي اي منو هية بنية
محمد...هنا سالفه اني اريد اخطب اختج ملاك وخايف لاترفضوني
ديانا... وليش نرفضك
محمد...اني مااريد اتزوج لان اني ابن عم طالب اريد اتزوج ذاتي هاي امكانيتي اريد منج تحجين وياها وتحجيلها عن وضعي واريد منج تسمعيني اخبار حلوة
ديانا...ممم بس انت ماشفت ملاك بس مرة وحدة
شعجبك بيها
محمد...هنا مشكلة بس مرة وحدة وماراحت من بالي ويكفي هية اختج تعرفين راقبتها طول هاي مدة الي شفتها بيها كلشي بيها عجبني اخلاقها حلوة وتصرفاتها طفولية خجولة كلشي بيها يجذب وتربعت بهذا اليوم ع كلبي اريد اخطبها تتوقعين اهلج يقبلون بية
ديانا.....وين نلكه احسن منك والله اني احبك وتعرف معزتك شكد عندي واختي هم احبها وتدلل بس قبل اهلي راح اعرف راي ملاك بلموضوع اذا قبلت ابلغ اهلي
محمد... الله يفرح كلبج مثل مافرحتي هسة ويخلصج من مريم
ديانا...هسة جنه فرحانين ليش تخربها علية
محمد...اسف موقصدي
ديانا...ماشي يلنسيب راح اعديها الك هلمرة
محمد... الله شكد حلوة يلنسيب شوكت اسمعها
ديانا... الله كريم خلص اليوم بين شغل هواي نهاية كورس وامتحانات مابقالها شي دزيت ع غدة مااريد.اكل بلبيت اجه محمد مكمل محاضرات كتله ياكل لان راح نتاخر شوية صدك اكل ورة ساعة طلعنه طالب حرك تلفونات علينه لان تاخرنه وصلنه للبيت ماكو احد صعدت لغرفة لكيته كاعد اول مافتحت باب عاط بوجهي
طالب...وين جنتي ماتكولين احد ينتضرني بلبيت دولي تطمنهم عليه لوبس شاطرة بلدياحه
ديانا...صافنه عليه وع كلامه صح تاخرنه بس مايستدعي هذا كلام صافنه بوجه عاط مرة ثانية وفززني
كلت..عندي شغل ولازم اتاخر امتحانات قربت وشغل كثر علينه اذا كلما ارجع متاخر هل كلام اسمعه هاي مو عيشة ترة
طالب...وشبيها عيشتنه ماعاجبتج
ديانا...تعرف مو قصدي هذا كلام انت شبيك علية اليوم
طالب...مابية بش بس بعد لاتتاخرين هل وقت
ديانا...صار اوامر ثانية
طالب...انزلي اكلي
ديانا...مااريد شبعانه
طالب...وين اكلتي
ديانا...بلكلية اكلت راح أنام ومن اكعد اذا جعت اكل من رخصتك رحت سبحت ونمت لان صدك نفسيتي صارت هاي اول يوم وهيج شراح يصير بهل شهرين الله اعلم
مر اليوم طبيعي ماصار شي بس طالب كالب وجه عبالك مسويه جريمه مفروض اني ازعل لان هوة الي صيح
علية ....
مر شهر بهدوء
رحت لهلي وسالت ملاك عن رايها وافقت طلعت هية هم معجبه بي رجعت للبيت مريم استلمت مطبخ وهية تشتغل بس تريد ترضي اهل بيت لليل طالب طالع شفت محمد كاعد بلحديقة طلعت يمه وكلت هيج حب يعذب واني مااعرف
محمد...محد يحس بلوجع بس صاحبه وانتي سويتيها علية ضلمه صار شكد من حجيت وياج بلموضوع وانتي مغلسة كولي ماريدك وخلصي
ديانا....ممم وجع وضلمه واني الي جايبتلك خبر واجيت طلعت ماتستاهل كمز من يمه وكف كدامي كولي شنو رد محمد...راح ازوج لو اعنس طول حياتي راح تكسرين كلبي
ديانا....هههه لا مواقف
محمد...اي اعرف كولي هي.....
موافقة كولي والله
ديانا... والله شبيك
من حماسه حضني حيل دفعته ع كيفي ضل يعتذر ويكمز مثل طفل فرحت حيل من شفته فرحان وفرحت لختي لان لكيت واحد يحبها هلكثر .
.
.
.
هنا ناس فرحانه واكو ناس تباوعلهم بخبث
.
.
.
.
رايكم بلبارت 🌷🌷🌷
احبكممم 😘😘😘
بايييي
