هلووو حبايب قلبي
شلونكم شخباركم
مشتاقتلكم
#هديتي...🦋🦋🦋
#للكاتبةMare Ail
/////البارت١٤/////
كلُ من يسألني يريد أن يتعرفّ عليّ من خلال إجاباتي، أما أنا كنت أتعرفّ عليه من خلال أسئلته.
ديانا...من رجعت من مستشفى رحت للغرفه فتحتها وشفت مريم نايمه ع فراشي ومن جه الي ينام عليها طالب لا لهنا وكافي تحملت هواي شفت مي يم سرير شلته وكبيته عليها هية فزت وعاطت حيل ع صوتها التم كل اني قبل لا يوصلون لزمتها من ايدها وصحت انتي شعندج هنا بغرفتي شسوين
مريم...غرفه زوجي وافوت بيها شوكت مايعجبني
ديانا...لا ماحزرتي والله ماراح اخليج تفوتين شوكو مايعجبج
طالب...شكو شنو هل صوت
مريم...شوف طالب شسوت بيه مرتك انت موكلت انتي هنا محد راح يحجي عليج شوف مرتك شلون تهين بية
طالب... ديانا شنو هاي
ديانا....محد طلب منها تفوت لغرفتي وتنام
ع سرير مالتي حبيت اصحيها من غفلتها رشيت عليها مي حتى لاتحلم احلام موكدها
مريم....انتي الي تحلمين احلام موكدج
طالب...خلاص يلة. اطلعي مريم وانتي ارتاحي نحجي بعدين
ديانا...طلعت مريم راد يطلع كلت ...هاي اولها والله يعلم تاليها شلون بس صدك اذا صار الي بالي ماكو قوة بلكون توكفني وتخليني اكمل حياتي وياك الك مهلة منا للعصر تقنعني انت جبتها هنا لسبب قوي لان اذا ماكو سبب بعد سبوعين يصير ع زواجنه ٤اشهر اروح منا وبعد ماشوف وجهي ابد ...
طالب...تهدديني
ديانا....لا اني مااكدر اكمل حياتي وية شخص مو الي لوحدي اني انانية مااحب احد يشاركني ب..
طالب...بشنو
ديانا...ولا شي اريد ارتاح هسة باي
طلع طالب واني نمت للعصر لكيته نايم يمي رحت سبحت غيرت لبسي ونزلت لكيت سارة ومريم
كاعدات سوة رحت للمطبخ لكيت خالتي
ام طالب...شلون صرتي يمه
ديانا.... بخير خالة
ام طالب... طالب جاب هذا كبد علمودج شوى حتى تاكلينه
ديانا....مااحبه
طالب...مو بكيفج اكلي اذا بقيتي هيج راح تمرضين اكثر
ديانا....حبيبي خايف علية تروحلك فدوة ديانا وعدوينك
طالب...بيج شي
ديانا...لاحبيبي سلامتك تعال اكل وياي حتى تنفتح شهيتي لان عدنه سوالف هواي
سارة...تعالي يمنه
ديانا...لاحبيبتي روحي اكعدي هناك لان مااحب اكل واحد يباوع علية هنا ارتاح اكثر واكو وجه يفتح نفس هم
سارة...موكافي تغزيلين بي كدامنه عيب
ديانا...حلالي هذا مو عيب واذا عيب سدي اذانج ماشي
وارجعي لمكانج
سارة...تطرديني
ديانا...سارة اني مريضه واريد اتغذة روحي اكعدي يم مريم اكمل عود نحجي مالي مزاج اجاوب
طالب... خلاص روحي سارة وانتي اكلي
ديانا...وانت
طالب.... مااريد
ديانا...واني هم مااريد
طالب...بلا دلال اكلي
ديانا...اذا ماكلت وياي ماامد ايدي ع اكل ابد
طالب...اوكي يلة
ديانا...ضحكت اكلنه سوة هوة يشاقه ويضحك وياي اجه محمد كعد يمنه ويحجي ع جامعه واكل ويانه هم ضحكنه حيل مريم وسارة يباوعن علينه
محمد...اليوم كل افتقدج
ديانا...متاكد افتقدتوني
محمد... والله سالو عليج كتلهم مااعرف شي
حتى استاذ سالم سال عنج
ديانا...سالم شعجب
محمد...ماعرف بس ليش شعجب
ديانا...دكتور سالم مالة دخل بأحد ماخذ حياد سال عني اكيد اكو سالفه
طالب...وشعندة هذا
ديانا... ماعرف
محمد...ممم شكراً ع غدة
ديانا...تدلل اني امرض وانت تاكل براسي
محمد...امرضي يوميه حتى هيج غدة
طالب...تمرض ابو حلك واني راسي مصدع
محمد...صدك تحجي ديانا ماشفتي شلون كل دقيقة صاعد يشوف شلون صرتي مثل مرة حامل وتريد تجيب بس يحوس
طالب...ولي من وجهي لابارك الله بيك
ديانا...صحيح الي كالة انن خفت علية
طالب...اكيد لان اذا صار عليج شي شكول لبوج
ديانا...وانت خايف من بابا اي ماكلتلي اريد احجي وياك وهنا مو مكان مناسب
طالب...حضري نفسج راح نطلع ونحجي
ديانا...اوكي
لبست جينز وقميص اسود طويل وشال وردي وحذا وجنطة نفس لون ماحطيتت مكياج نزلت لكيته يتنضرني صعدت بلسيارة وصلنه لمنتزه مال عوائل بقينه لبسيارة وصار يحجي
طالب...اني مامضطر اوضحلج بس حتى لا يصير كلام ثاني راح احجي اول شي اني ماراح اخلف بوعدي الج كتلج مستحيل ارجعها مرتي صح هية رجعت ع ذمندتي بس سبب ابني مريض وابوها ماقبل تبقى يمنه الة ترجع ع ذمتي كتلهم اني اعتني بي بس هية اصرت واني اعرف بيها مهملة مااكدر ابقي طفل يمها ويموت بسبب اهمالها جبتهم يمنه بس يطيب ابني اطلكها
هذا سبب رجعتها وبس
ديانا...خلينه نصير واقعين طالب هية بنت عمك ماتكدر طلكها مرة ثانية لان راح صير سالفه عليها واكيد انت ماتقبل تجيكم سالفه واذا رجعتها وانت ماقابل بيها بعد كم يوم تجي طالب بحقوقها منك وراح يصير ضغط عليك من كل جانب وراح تنجبر ع زواجكم
جان كلتهم اني اعتني بي صح هوة موابني بس لخاطرك جان حتى اترك شغلي في سبيل بس انت ترتاح بس انت اختاريت طريق اسهل
طالب...هذا الي صار بعد انتي شنو قرارج
ديانا...اني ماراح احجي شي لخاطر طفل بس اذا تغير سالفه زواجكم وصار بينكم شي راح يتنهي كلشب قبل لايبدي
طالب...وحياتنه شوكت تبدي
ديانا....لمن تخلص من سالفه كلها
وبذاك وقت اني حاضرة لان ماعرف هسة شسوي وشنو افكر بس نكدر نبدي فترة خطوبة تعرف بية ماعشتها يعني اتعرف عليك لحد مايخلص علاج ابنك
طالب...واني موافق
ديانا....اي
طالب...احجيلي عن حياتج
ديانا...مثل شنو
طالب...حبيتي قبل
ديانا... اكو شخص ممكن يسال هل سؤال
لزوجته
طالب...احنه مخطوبين لاتنسين
ديانا...ممم اني جنت مخطوبة قبل بس فسخت خجوبة
طالب...سبب
ديانا ...خاني
طالب...شلون عرفتي
ديانا...شخص الي خاني وياها صديقتي لهذا سبب ماعندي صديقات
طالب..هسة هوة وين
ديانا...ماعندي علم بس بنية شفتها مابيهت شي حيل صكر
طالب....شنو اسمها
ديانا...اسم منو
طالب...صديقتج
ديانا....سارة الي شفتها
بنت خالتك
طالب..شنو مستحيل
بنية حبابة مستحيل سوة هيج شي
ديانا...لاو دافعلها مهم واتنهت خطوبتي منه وهية انتهت صداقتي بيها
ومن بعد هذا موقف رفضت فمرة زواج ورفضت فكرة صداقه
طالب...ليش وافقتي علية
ديانا...ماوافقت بلبداية بعدين ماردت انزل كلمه بابا وافقت اجي من اجيت حسيت بنفسي غريبه رغم شخصيتي قوية بس ضعف بداخلي قوي خلاني اخاف من حياتي يمكم من عرفت انت مزوج خفت تنعاد بية سالفه سالتك وجاوبتني ماراح ترجعها ارتاحيت وكدرت امن بيك وبحياتي وياك قررت انفذ طلبك ونبدي حيات جديدة بس صدمتني برجعتها اني اذا امن بشخص اخاف اخسر ايماني بي وبس اخسرة اني انكسر واذا صار مابيهت رجعه لحياته بعد
طالب...هذا كلة بكلبج علينه
ديانا...هو....قاطعه تلفون
طالب...الوووو
....
طالب...شنووو
.....
طالب.... دقيقة واني يمكم لاتخافين ماراح يصير شي
ديانا احنه للزم نرجع ابني حالته خطرة ودو للمستشفى
ديانا... اطلع اني وياك ماعوفك بهيج موقف
ابد طلعنه للمستشفى وصلت شفتهم واكفين
يم باب طلع دكتور وية وصولنه
دكتور ...حمد الله على سلامه مابي شي بس مجرد حرارة مرحبا استاذ ديانا شلونج
ديانا... اهلا دكتور طفل شلونه
دكتور...مابي شي بخير
ديانا...بس دكتور طفل بي مشكلة بلقلب ممكن تاثر علية حرارة
دكتور....وليش محد كالي هسة نحولة دكتور قلبية
مريم....لا ماكو داعي ابني مابي شي مايحتاج دكتور
ديانا...شلون مايحتاج ممكن سويلة ازمه وماكل اكثر احجي شي طالب
طالب...دكتور خلي دكتور قلبيه يشوفه ويتاكد مابي شي
مريم...ابني اني اعلم بي لحد يدخل
ديانا....انتي من شنو خايفه ماراح يصير شي بس مجرد اجراء روتيني
اجه دكتور وسوة فحص وجانت مفاجئة تنتضرنه..
.
.
.
.
رايكم بلبارت 🌷🌷🌷🌷
احبكمممم 😍🥰🥰
باييييي 🙋🙋🙋
