هلووو حبايب قلبي
شلونكم شخباركم
مشتاقتلكم
#هديتي...😘😘
#للكاتبة.MareAil
وياج ومو عليج تبين قسوة
الاسد بلغابة من يمشي الصكور تطير
وينزل راسة من يحظن اللبوة.....
محمد....اني الب علية بلغتكم بقراري اني راح ازوج اخت
ديانا وخطبتها من ديانا قبل الي صار ولبنية عدها عليم يعني تريد تجي اهلا وسهلا لا اروح وحدي من رخصتكم
شيخ..ابني مو هيج حجي اني مستحيل اسمح الك تروح وحدك مثل واحد مالة احد بهل دنيه عشيرتك واخوتك واني موجودين نخطبلك ونرفع راسك كدامهم هم بس لازم نحل سالفه ديانا صار كم يوم يم اهلها اكيد راح صير مشكلة وماراح يقبلون
محمد.... ديانا مابلغت اهلها ع سبب زعلتها كالت حتى لا تخرب خطوبتك
شيخ... ونعم منها خوش بينة ومتربية وكدرت تحل موضوع بدون مشاكل
طالب ....لارد
عافهم وراح لغرفته اجتي يمه مريم رادت تحجي ضربها راشدي منو الي صور فديو
مريم....هو هو
طالب...لزمها من شعرها اخر مرة اسال منو الي صور فديو
مريم...اني
طالب...ضربها حيل وجرها من غرفه وذبها بلسيارة ودك باب بيت عمه وذبها علية وكال هاي بنتك وكتلك بس سوي مشكلة بنتك راجعه الك وهاي كدامك بنتك طالق طالق طالق
رجعت الك وصلت للبيت ضليت افكر اني لازم اعتذر من ديانا ومحمد رحت ع محمد دكيت باب اكثر من مرة محد طلع دكيته اخر مرة اجاني صوت من وراي
محمد...شسوي هنا اجيت تكمل كلامك الي ماكدرت تكولة كدام شيخ
كول اسمع
طالب....لا اجيت حتى اعتذر منك ع كلامي الي كلته الك
اتمنى تقبل اعتذاري
محمد...شخص مفروض تعتذر منه هوة ديانا مو اني
طالب... ديانا اني راح اعتذر منها
بس اول انت سامحتني
محمد....مسامحك انت قبل لا صير ابن عمي انت اخوي شلون مااسامحك
طالب....من شوكت وانت عينك عليها
ملعون
محمد...من اول يوم حطت رجلها بلكلية واني مراقب كل حركاتها وبعدين كمت بين فترة وفترة اروح الها للمدرسه بس من بعيد وبعدين مااستحملت اجيت وطلبتها من اختها وهية. وفقت وتاخرت بسبب الي صار
طالب...انسى كلشي انت راح تبدي حيات جديدة يلة خلي نرجع
محمد...وين
طالب....للبيت
محمد....اني هذا بيتي
طالب....ليش تريد ضل هنا
محمد...اي اضل لان اني بلشت حياتي واسست نضام الي هنا مااكدر اغيرة وراح ازوج هنا خليني اتعود ع بيت
طالب...يعني بكلامك هذا بعدك مامسامحني
محمد... كتلك انت اخوي وابوي انت الي ربيتني اسامحك بس رجعتي للبيت اعذرني بيها ياخوي اني مكاني هنا
وراح اجيكم كل فترة وابق. يمكم من صبح لليل بس حياتي هنا
طالب....براحتك اهم شي لا ضوج نفسك
يلة اني ارجع للبيت اكيد الوالدة واكفه بلباب وتنتضرني
محمد....الله وياك
.
.
.
.
ديانا...حدد شيخ اليوم يجون يحجون وية اهلي بس اهلي كل الي بالهم يحجون بسبب زعلي
بس اني وملاك نعرف بجيتهم كعدت وية بابا وماما وضحتلهم سبب جيتهم وكتلهم اذا انفتح موضوع رجعتي ارفضو لان مارااح ارجع ابد
كل سكت وماجادولني
اجوي أهل شيخ كل كعدو سوة ماكو احد غريب عدلت نفسي ونزلت سلمت ع شيخ وام طالب ومحمد طالب عينه علية سلمت من بعيد مثل غريب وكل انتبه بس ما همني ضلو يحجون بشغلات فصول وسياسة لحد ماحجة شيخ بموضوع زواج محمد وملاك
شيخ.... والله احنه اليوم جاين علمود شغلتين لو وحدة اريد اطلب منك ايد بنتك ملاك لبني محمد ع سنه الله ورسوله
ابو علي.... والله النه شرف ناسبكم مرة ثانية وهاي كدامك اذا وافقت ماعندي اي مشكلة
شيخ...كولي بنيتي موافقة ع محمد ولا
ملاك....
ديانا...سالو ملاك سمعت وانهزمت بنية ضحكت وكل ضحك همم قرو فاتحه وصار يحجي موعد خطوبة وصار حجي
شيخ....احنه اجينه ونيتنه خير ياابوعلي
ابو علي...انت خير ياشيخ
شيخ...احنه اجينه حتى نرجع ويانه بنتنه ديانا
كعدتها هنا طولت ولازم ترد لبيت رجلها موهيج حجي لو اني غلطان
ابو علي...حشاك من غلط
بس تعرف اني ماافرض شي ع بانتي هاي كدامك اذا رجعت وياك محد يحجي ولا كلمه واذا لا اعذرني
شيخ...كولي بنيتي شنو رايج
ترجعين وكافي زعل
ديانا...باوعت بعيون كل تكول وافقي بس عليمن اني اول مرة رحت غصب عني وضل كل فترة يعيرني بيها لاو الله مومرة ثانية تجيك ع جاهز يااستاذ طالب
كلت...لا مارجع
شيخ...ليش بنتي كولي شنو الي يمعنج
ديانا....هواي شغلات يمنعني وانت تعرف بيهن شيخ واني هسة بمقام بنتك الي صار جان رجعتها كلي
شيخ...بس يابنيتي بنية مكانها بيت زوجها
ديانا....واذا زوجها مايحترمها ع شنو مبقيها ع ذمته
طالب...هذا اخر قرار الج
ماراح تتراجعين عنه
ديانا...بلعت ريكي واخذت نفس وكلت اي اخر قرار
طالب...ع راحتج حددي وقت حتى احررج من هذا زواج من رخصتكم اني عندي شغل ولازم اروح حتى مااتاخر
ماسمع كلمه من احد وطلع اخذ سيارة وراح ع بحر وهموم دنيا ع راسه من جه يطيها حك ع كل الي سوي ورفضها اله ومن جهة ثانية ذلته ورفضته كدام كل هاي اهانة اله
.
.
.
شيخ...فكري عدل بنتي ان ابغض حلال عند الله طلاق لاتفكرين بس بنفسج فكري بطالب هم
ديانا...لاتخاف عليه اني كلي بنضرة هدية لاراح ولا اجت
هوة بنفسه كالي هذا كلام يعني وجودي وعدمه بحياته واحد لو بس يريد فرصه ثانية جان كال حجه بس هوة كال طلاق يعني محدد سبب جيته
شيخ...انتي الي كلتي
ديانا...شيخ ليش نجذب ع نفسنه اني ماجبت سيرة ابد طالب هوة الي حجه وحدد كلامي من رخصتكم
رحت للغرفه واني ابجي ليش هلكد اني مالي اعتبار عندك ولا كلت كلمه تبين بيها انت ندامان ع شكك بية او ندمان لان عفتني اطلع من بيت واني دمعه بعيني نمت واني اعاتب بطالب ع سوالفه كلهن كعدت صبح وراسي ياذيني
كمت من فراشي معدتني تاذيني نهن اوففف ياطالب من يوم الي شفتك بي مااجاني بس مرض نزلت لكيتهم كاعدين عاتبني بابا ع طريق كلامي وية شيخ بس ماحجيت لان كلامه صح بس محد يعذرني ويعذر كلبي الي ينزف دم من قهر كل طلع واني لازم اداوم لان بعد تصحيح كمت افترت دنية بية بس لزمت طاولة واستندت عليها
ام علي....بنتي شبيج
مريضة وجهج اصفر
وعيونج حمر اكلي شي لا تتمرضين وانتي دوام
ديانا....مابية شي راح اروح صعدت غسلت وجهي مي بارد حتى اصحصح شوية خابرت ع خط اجاني ورحت للكلية ناس تمتحن دوخه ملازمتني شلون راح اشتغل ماعرف عندي مراقبة رحت ع قاعه دكتور الي وياي مسوي حضور اني كعدت لان صدك راح اوكع محمد كدام عيني وعينه علية اشرلي شبيج كتلة مابية شي كمت الان اشراف اجه غوشت عيوني وبعد مااذكر شصار بس صوت يصيح باسمي.....
.
.
.
.
.
رايكم بلبارت 🌷🌷🌷
احبكممم 😘😘😘
بايييي
اعتذر ع تأخير
