عشك دليم
للكاتبه؛-غيم ☁
بارت8
وليد:-ايه فوتن
ايه:-اوووف
يلا بنات كوومو نفوت شلنا الجاي ودخلنا جوة.... بقو الكبار والشباب كاعدين يسولفون
رهام:-عمي كتلك عندي موضوع وياك
الجد:-اي عمي كولي
رهام:-عمي نريد نخطب سمر لماجد بس انت جبيرنا وكلت ماسوي شي بدون ما انت تدري
الجد؛-والنعم من اصلج عمي بيها الخير ان شاء الله
ماجد:-ان شاء الله جدي... رايد هالاسبوع اخطب
وليد:-يول سويتلك واهس
ماجد:-ههههه يي والله كلش
وليد:-بالخير عليك خويي
ماجد؛-تسلم اغاتي
الجد:-ام قيس عكب باجر تعالي نروحلهم ويصير خير هي بنت عمه اله ان شاء الله
رهام:-ان شاء الله عمي
الجد:-ونزوجهم سوة اهوه ووليد
وليد:-حجي اني اسبوعين واعرس ان شاء الله ماضل شي
ماجد:-لا جدي اني بعد مو هسه
الجد:-ليش بويه
ماجد:-اخذ بيت واثثه يلا اخذ
الجد:-الله كريم لعد نخطب هالاسبوع دام بيت مازن هان...... دخلت ايه
ايه:-بيبي
الجده:-ها بيبي
ايه:-اجيبلكم عصير.... وليد خنزر بوجهي
الجده:-اي والله ويا ثلج جده
ايه:-اوك..... طلعت ولحكني وليد لزم عكسي حيييل
وليد:-مو كلت طلعي شكو رجعتي طبيتي 😡🤬
ايه: -معليه والله كوله من ورا ذني الجلاب
وليد:-هااا وانتي كلام وليد مسمعي كلامهن مسمووع موو
ايه:-باوع بعيوني ردت ابجي 😂
وليد؛-ههههه بزونه يربي مو بنت ديلا بعد لتعيديها صيحي علي واني افوته اللهم
ايه:-تعال ويايه اخذه لعد
وليد:-يلا....... رحنه للمطبخ اني داحط العصير بالكلاصات وهو يسولف ويا البنات
وليد:-ولجن منو كالتلها تفوت
سنار:-يازباله من هسه كولشي بحلكه
ايه:-دنجبي غير راد يكتلني
وليد:-بله مني الكالتلج
ايه:-هااا كلهن
وليد؛-سنوره بربج منو
سنار:-ههههههه والله اختك
ريم:-هااااااا خرا بعتيني......... لزم اذنها
ريم:-خويه دصبر والله بس ردت اشوف قيرتك عليها (تقلد 😂)
ايه:-تشوف غيرته عشتوووو واني رحت بيها
وليد:-وشسويتلج عيني 😒
ايه:-هااا...... هاك اخذ😒 ونطيته الصينيه
سنار:-تعاااال وين
وليد:-هسه شويه واجيجن
سنار:-اييي بربك حتى تحجيلنا شصار جوة
وليد:-ههههه اي اوك (علاقه سنار ووليد شويه قويه)
راح وليد نص ساعه واجه طلع كعد بالطرمه البنات لحكو كعدو يمه سنار وريم يردن يعرفن السالفه شنو😂🤦🏻♀️
ايه:-عيني كوومن كوومن شو هو رجلي لا شايفته ولا شايفني
سنار:-ما ميتين على رجلج خلي يحجيلنا واخذي الج والكلبج
وليد:-تعالي حبيبي اكعدج بحضني
ريم:-هاااا هاااا
ايه:-خزرته عيب
وليد:-ههههه ديلا خلي احجي
سنار:-غرد
ريم:-كول
وليد:-ماجد يريد يزوج سمر والخطوبه هالاسبوع
سنار:-لابررربك
وليد:-يي والله
سنار:-صخااام ييي والله واحنه؟
وليد:-انتن شبيجن
سنار:-ماجايبات لا ملابس لا شي
وليد:-اخذو ملابس ايه واني بعدين اجيبلها
ايه:-عشتوووو يوزع ملابسي بكيفه
وليد:-ههههه اجيبلج والله عود انطيهم
سنار:-لا عوذه منريد منيه.....بربك اخذنا نروح نجيب ملابس
وليد:-الله كريم
ايه:-ههههاي يعني اييسن
سنار:-لا وليد حباب اخذنه حتى اختك ماعدها مو ولج
ريم:-هااا يي والله اني همات ماعندي
سنار:-شوف هاي اختك الثوله ماعدها واحنه همات
وليد:-ديلا بس يتحدد الموعد واخذجن
ايه:-واني
وليد:-هههه وانتي هم
ريم'-والله لا مو ستوها ما تنطي شكو ماخذيها
ايه:-ريم العوبه من هسه صايره حمايه
ريم:-خويه متاخذها مو
سنار:-اي لا ناخذها ختولي من هسه صايره عليكم جنه
وليد:-اخذها بلي تكعد يمي وانتن ورا 😌
ايه:-حييياتي..... وعيبت عليهن 😝
كرار؛-هاااا هااا وليد اني هم اروح
وليد:-انت شكو
كرار:-غير بنات العم راح يطلعن اروح وياهن
سنار:-لك كرررار اوف لو سيارتي هنا جان ماتوووسلنا بهذا الحايط
وليد:-حايط على راسج
كرار:-ولج سنار تسوقين؟
........
