عشك دليم
للكاتبه:-غيم ☁
بارت24
ايه••••
خلصت فاتحه سنار وراحت سنار وراحت بنتي نشفت دموعنا كمنا من نبجي مايطلع دمع بس ونين تعبنا من البجي بس سنار ماترجع
طلعت من المستشفى ورجعت للبيت خواتي اتاذو علمود سنار وعلمود رحيل الي راحت وما شلتها بعدلي 7 ايام وادخل بالسابع
بس راحت بنتي
وصار طفلين يرحولي واحد ابو قتله والاخ سنار اخذته الى متى انطي اطفالي قرابين؟
الحمدلله على كل حال كلشي الله يسوي قابلين بي ربي لا تجعله اعتراض على حكمك والله لااا بس من قهررنا المنو نشكي غيرك؟ ولمنو يسمعلنا غيرك؟ منو يستجيب النا غيرك؟
ايه:-ربي دخيلك تعبنا والله الفراك صععب
ربي داخلين عندك لاترد دخيل دخيلك ربي بمعجزه رجعلنا اختي ربي فدوه لاسمك لا تفشلني واجعلها ساعه استجابه
يالله مثل ما طلعت النبي من بطن الحوت رجعلنا اختي طفلي راح والله فدوه بس اختي دخيلتك اني رجعها
....... دخلت امي
قمر:-حرام ماما لتحجين هيج
ايه:-حضنت امي.... حطك قهر ماما
قمر:-اني شكول؟ 23 سنه كدامي وتطلع من بيتي كدددام عيني وماترجع المؤمن مبتلى احنه مؤمنين وهاهيه نتحمل اي شي ونصيح الحمدلله زينب سلام الله عليها قليله مصيبتها؟ وهم ال بيت رسوول الله وراحو شهداء كولي الحمدلله ماما طلبي الصبر بدال هالحجي ودعيلي وياج
---عافتني وطلعت بس كامت تبجي ادري بيها
اني ماكدر اصلي..... لان بعد
تسررريع.......
ايه•••
اني ضليت يم اهلي هواي وليد لح ارجع ويا بس ماردت ارجع غرفه سنار لزك بغرفتي هي مبدله ورايحه بيومها تراكها شامرته بالكاع والحمره مفتوحه واكو بوسه على المرايه هي بيها واهس تحب تكتب او تبوس المرايه بالحمر مااااحركنا شي من الغرفه ابدددد رغم صار بيها تراب بس ابد ماحركنا شي ..... بيت عيالي ضايجين مني عود شنو كله يم اهلي بس طبهم مرض اني مو بحاللهم اختي كسرت ضهري بروحتها.... للمدرسه بعد مارحت... وطلعت ال 3 على الصف...
♕سجاد من توفت اختي لليوم ساكن بغداد اقرب شقه على المقبره ماجرها وكاعد يروح ويرجع على القبر.... طول الوقت قبرها نضيف يعني مغسول مبي تراب لان هو صبح وعصر يغسله يكولون متغير وضعفان ومحد شايفه
♕الكل حياتهم رجعت طبيعيه الى بيتنا حياتنا انتهت بروحتها
امي تركت شغلها..... ابويا ترك العياده خير شر
سياره امي وسياره ساره باعهن بس ضلت سياره سنار عافها
لليوم لحد هاي اللحضه سبب قتل سنار مجهول مجرد لقطات تصوير ل 2 ملثمين على دراجه ناريه ضربوها بطلق وراحو
عمت عيني عليها جانت فاتحه جام الي كدام وضربوها من يم جامه الصدر مو قريب يعني
سوده بوووجهي ماتت بمكانها بدون ما تشاهد
